تجمع رعاية المولود من شهر 4 إلى شهر 6

[يارحيم]

مشاعل للحين ترضعين بنتك حتى بعد ما قل حليبك؟؟ انا حليبي قل من يوم دخلت الصناعي واحسه صار ما يشبعه.. بعد ما ارضعه يجلس يبكي لين اعطيه رضعه صناعيه.. بديت امل ومادري اقدر استمر ارضع والحليب قليل ولا لا.. وناويه ترضعين برمضان؟؟ الرضاعه تجوع وتعطش مدري كيف بتكون الرضاعه وقتها..

[Mishael]

للحين ارضعها بس زيك مايشبعها اضطر بعده اعطيها صناعي واصلن لازم لاني تاركه الاكل الصحي مرره مااكل فاكهه ولا اشرب حليب مدري وش جاني كني مليت ،، رمضان توني افكر فيه ناسيه النقطه هذي بس شكلي بصير ارضعها من صدري بالليل والنهار صناعي شنسوي ،،
صرة والله مااجهد نفسي متى ماطرتلي عطيتها صدري مااحرص عليه كثير ،
بنتي صايره تزحف بس على ظهرها وتحاول تمسك الاشياءاللي جنبها تلف على جنب بس القلب للحين واسنانها مدري متى بيطلعون مورمه مرره وتحكها

[يارحيم]

اخباركم بنات واخبار النونوات؟

ابشركم ولدي قلب اليوم ههههه فجأة كان على بطنه وانقلب عدل نفسه :)

[Mishael]

مشااالله تباارك الله اللف مبروووووك ،، يمكن ينسهى كم يوم بعدين يرجع يسويها ،،
وعقبال ريوم هالخوافه صايره تزحف على ظهرها هههههه

[آم ريفـآل]

صبآحآت آلعسل
بنتي ريمآ بدت تقلب يمين يسآر ...
و بمآ آنهآ مآ رضت تشرب حليب صنآعي .. ف لدكتور قلي آبدآ ب سيريلآك و شوربه خفيفه لين آرجع م لدوآم

[يارحيم]

وشلون تزحف على ظهرها يعني تدف برجلينها؟؟ ياملحها هي ومزاجاتها بس..

[ياهم ربي كبير]

مشاعل بنتك كملت السبعة شهور ؟؟؟

[يارحيم]

موضوع ممتاز للي يرضعون طبيعي برمضان..

http://forum.hwaml.com/t262248.html

[يارحيم]

زنوبا ياحبيلك انتي وسوالفك بعد.. ماشالله تطورااات كثيييرة عند نووور.. اجل ياكل ويتشقلب ويجلس :) طيب بدا يسنن ولا لسا؟

ياحلوها جلسة الاهل.. انا كذا لما ازور اهلي ما كاني خلفت حتى تغيير الحفاظ يغسلون له ويغيرون له.. مرة فرحانين بجيتي :)

مالومك بطلتي شفط مرة متعب والحمدلله اخذ حليبك ست شهور ممتاز ماشالله انا قاعده استناه يصير سته على احر من الجمر عشان اوقف رضاعه ههههههه لان قريت وبحثت كثير وتبين لي ان ست شهور فترة كافيه للرضاعه الطبيعيه ويكون الطفل بنى مناعته واستفاد.. بعدها ابدا اركز على الاكل المفيد وارتاح انا من هم الرضاعه ومسؤوليتها.. طبعا قلت الرضاعه الحين كثير صار ياخذ من ثلاث الى اربع رضعات صناعيه باليوم ويرضع مني مرتين او ثلاث بالكثير واحيانا بعضهم مشفوطات.. وقل حليبي مرة لاني دخلت الصناعي بكثرة وصرت اعتمد على الشفط اكثر.. توني من شوي كنت اشفط وطلع لي نص اللي كان يطلع اول.. يمكن استمر لين يكمل ست شهور ويمكن ينشف صدري قبل ماعرف وش بيصير..

صديقة لي حامل الحين وقاعده تشتري اغراض البيبي وتسألني اساله عن البيبي وفجأة حسيت اني خبيرة هههههه عشت الجو وقعدت اعطي نصايح واتفلسف ههههههههه بس بيني وبينكم جاني شعور غريب رحمتها شوي وحسيت براحه اني عديت مرحلة الحمل والولادة والنفاس وزحمتها.. صراحه اول شهرين من عمر البيبي مرررررة متعبه.. الله يكون بعونها بس ما اشتهيت احمل ابددددد!!!!

[جروح الحب]

السلام عليكم
كيف الحال
وحشتونى