تجمع لحوامل شهر جمادى الأولى 1433

[أم رزاان]

هلا وغلا آجمل شيء
والله ياقلبي تمنيت اساعدك .. بس ما اعرف كثير في الرياض !

إن شاء الله بنات الرياض يفيدووووونك اكثر :)

[فوفو سكر]

شخباركم بطوطات ..

انا ماباقي لي وايد وادخل الثامن ولا اعرف شي عن الولادة

ام رزان حمدلله ع سلامتج وانتبهي من الضغط .. متى قالت لج بتولدج الدكتورة؟؟

[سهاد-الروح]

اهئ اهئ والله انهم يخاصموني بس وش السوااااااات والبواسير عانت منها اختي وكرهتها في الشطة ان شاء الله احاول ابتعد عنها ولو بها الفترة والله يصبرني ع فراااااااقها


اجمل شي يالله نسوي تحدي اللي تقدر تتركة ..

[أم رزاان]

هلا قلبي فوفو سكر
والله يالغالية اعطوني موعد يوم السبت بكرة
بيشوفون الضغط لو مو مستقر بيدخلوني المستشفى
تحت الملاحظة لمدة 24 ساعة ولو ما استقر بيعملون عملية قيصرية

تصدقي .. نفسي اعمل العملية وارتاح خلاص تعبت وابغى ارتاح
والبيبي لو ربي كاتبة لي بيعيش .. ولو مو من نصيبي فأنا راضية بما يكتبة الله ويقدرة

والحمد لله إلى الآن وضع الجنين ممتاز ومو متاثر بشيء
وربنا يكتب لنا الخير حيث كان

[أم رزاان]

هلا وغلا متغربة .. الله يكون بعونك
اهم شيء تطمنا عليك .. وانتبهي لنفسك يالغالية

[فوفو سكر]

يقلبي لا تحاتين انا لما شفتج كاتبه قياس ضغطج اختي كانت معاي قالت لازم بولدونها لان خطر عليها بعيد الشر عنج

ولا توسوسين بتيبينها بصحة وعافية وبتفرحين انتي و زوجج وبنات يارب

[أم رزاان]

تسلمي ياقلبي

أنا الأن ماشية على الدوميت كل 8 ساعات حبتين 500 غرام

صحيح الجرعة كبيرة واحياناً تعملي هبوووط بالضغط

بس مافي حل غير كذا !

واليوم مع متابعة القياس الضغط كويس 120 / 85

هذه آخر قراءة اليوم .. وبنشوووووف بكرة ايش بيكوووون

[فوفو سكر]

هونيها وماعليج الى العافية

[سهاد-الروح]

ام رازان الله يطمن قلبك والله يكتب لك الخير يارب ...

صحيح انا كنت ابغى افهم وش المعدل الاساسي للضغط دايم اذا يقيسوا ضغطي يطلع عددين مو عارفة بايهم ياخذوا يعني اللي فوق او اللي تحت ...

[((ام ليان))]

مساء الخير على الجميع
رجعت المدارس ورجع همها اليوم قمت من النوم بعد الفجر وصحيت اولادي معي
وفطرتهم والحين كل واحد ما يقدر يفتح عيونه يحزنون مرررررررره بس اليوم
نزلنا كلنا لصلاة الجمعة للحرم مشي صح تعبت من رجولي بس وناسة
زوجي يخاصم يقول انتي لا تمشين قلت انا معكم بمشي لاني اشتقت للحرم مرررره