تجمع رعاية المولود من حديثي الولادة إلى شهر 3

[ليالي حب]

بنات انا طلعت من نفاس معى مبلغ محترم احترت اخذ جوال فخم ولا اخذ ذهب ازين ؟؟

[ليالي حب]

بنات ابنى لا جيت انام قام جنني ؟؟ وطول نهار ليل نايم بسسس بتوقيت نومى يبدا يقوم .. شسواه

[ليالي حب]

رضاعه البلستيك ماتغلى وتعقم ام يضرر؟؟

والحليب الى برضاعه كم يقعد ساعه ويخرب بعدها ؟؟

احترت ناس تقول لاربع سااعات !! مغقوله ماتخرب ؟؟

[ليالي حب]

خااااااايفه من تطعيم شهرين ؟؟
بعد 8 ايام بيكمل شهرين

[ليالي حب]

لاحظت ابنى لا جا يتبرز ونتم كرامه يبكى لين يخلص ؟

هل عادى لو ادهن جسمه بزيت زيتون بس يومين او ثلاث بدون مااحممه؟؟ لا نى احمم بس مره باسبوع

[ليالي حب]

بشرت ابنى كلها بثور حمراء صغير بوجههه فجاءه طلعت ؟؟ مالسبب


بنات مانظامكم مع اطفالكم بنووم ؟؟
وهل تخرجون كثير خارج البيت ؟
احد يساعدكم الان برعايتهم ام اتم فقط؟

[يارحيم]

المشاركة الأصلية كتبت بواسطة ليالي حب

بشرت ابنى كلها بثور حمراء صغير بوجههه فجاءه طلعت ؟؟ مالسبب


بنات مانظامكم مع اطفالكم بنووم ؟؟
وهل تخرجون كثير خارج البيت ؟
احد يساعدكم الان برعايتهم ام اتم فقط؟

ايه اخرج عادي اخذ غيار واغراض له بالشنطة حقته واحطه بالعربيه واطلع.. حتى هو تعود وصار يحب الطلعه والدوارة بالعربيه ومحد يساعدني برعايته الا بعض الاحيان لو عندي شغل او مشوار وزوجي بالبيت ممكن اخليه عنده شوي وارجع..واذا كنت اشتغل بالبيت لحالي احطه بالكرسي الهزاز حقه اللي بالصاله بحيث اسمع صوته لو بكا ولا شي واكمل شغلي..

[يارحيم]

ليالي كتبت لك رد طويل وراح!! لكن ولا يهمك بحاول اعيده.. حاولت اجاوب بعض تساؤلاتك.. بالنسبه للرضاعات كلها تتعقم سواء بلاستيك او غيره بس اذا بتعقمين مرات ومرات لا ماله داعي هي لازم تتعقم بعد كل غسله ولا ما يكون التعقيم له فائده.. اهم شي انك تعقمينها اول ما تشترينها وقبل اول استخدام ضروري جدا.. والحليب الصناعي احذري من انك تخلينه ينتظر ترا بسرعه المكروبات تتكاثر في الحليب.. انصحك اذا ولدك ماشرب الحليب خلال ساعه وحده كبيه ولا تغامرين..

بالنسبه للنوم.. ضروري جدا تبدين تعلمين ولدك الفرق بين الليل والنهار.. اختاري ساعه معينه بالليل وعوديه انه ينحط في سريره في هالساعه من كل ليلة وسكري اللمبات بس خلي ابجورة خفيفه او اي اضائة خافته.. اذا كان متعود على الكوفله او المهاد مهديه وعطيه المصاصه وحطيه بالسرير وطبعا يكون شبعان ونظيف وخلاص اتركيه ونامي حتى لو بكا لا تردين عليه الا اذا جا وقت رضعته بس.. لا تعودينه ينشال اذا بكا بالليل ولا تلعبيه ولا تهدينه.. لازم يعرف ان هذا وقت الليل وقت النوم وبس وطبعا اذا جا وقت رضعته رضعيه وغيري له حفاظته باقل قدر من الاضائه وبدون ما تتكلمين معاه او تلعبينه وعلى طول رجعيه سريره واتركيه.. بالنهار افتحي الاضائه وفكي الكوفله وافتحي التلفزيون والعبي معاه وخليه يصحصح معاك ويعرف انه الحين وقت النهار.. حاولي ما تخلينه ينام طول النهار.. طبعا طبيعي انه ينام ست او سبع ساعات متفرقه بالنهار وزيهم متواصل بالليل (يتخللهم رضعاته طبعا).. الترويش ممكن يساعدك انا اذا روشت ولدي بالليل يغط في نوم عميق احيانا للفجر!! جربي روشيه بالليل بمويه دافيه (مو حارة انتبهي) ورضعيه وحطيه بسريره سويها كل ليله لين يتعود على نوم الليل..

اما البكا وقت التبرز اتوقع انه عادي لانهم صغار ومو متعودين على هالعمليه وتضايقهم بالذات اذا كان مصاحب لها امساك.. اعتقد بعد فتره يتعود ويصير ما يبكي..

بالنسبه للبثور الحمرا ماعندي فكرة اذا رحتي تطعمينه خلي الدكتور يشوفها واسأليه.. ولا خافين من التطعيمه كثير من الاطفال يبكون وقتها وخلاص وخليك مجهزة خافض حراره حق الاطفال لو ارتفعت عطيه..

[يارحيم]

مشاعل قعدت اقرا عن الرضاعه وحليب الام ولقيت معلومات مرة مفيده.. زي ما توقعت احتمال ان بنتك كبرت وزادت كمية الحليب اللي تحتاجها وصارت لما ترضع منك ما تشبع لكن المفروض تنتظرين شوي لانه سبحان الله اذا الطفل زادته حاجته وقعد يرضع كل شوي ويحاول من امه كم يوم ويزيد حليب الام عشان يغطي احتياجاته.. لا تستعجلين وتخلينها تبعد عن صدرك نسخت لك هالنقطه من الموضوع اللي قريته
"- يمر الاطفال بمراحل من النمو المتزايد وفيها يحتاج الطفل الى كميات اكبر من لبن الام فيزيد معدل رضاعته ليحصل على ما يحتاجه وتكون هذه المراحل مؤقتة. فعندما يحدث هذا تظن الام ان لبنها لا يكفى."

الموضوع روعه وفيه معلومات قيمه عن الرضاعه.. يشرح الوهم اللي تحس فيه الامهات لما يحسون ان حليبهم قل وفيه علامات تدل اذا فعلا قل حليبك وكيف تزيدينه.. ميشو الموضوع روووعة انصححك تقرينه وهذا هو الرابط
http://forum.hwaml.com/t241352.html

[@ام عبدالله]

سلاممممممم بنات
فاطمه باقي له بالهجري 3 ايام وتكمل الثلاث الشهر
وبلميلادي 6 ايام