تجمع لحوامل شهر جمادى الأولى 1433

[سرووءة]

صباح الخير كروشات
ام رزان واخيرا طمنتينا
الحمدلله عسللامتك وماتشوفي شر يالغالية
ديري بالك على حالك وعالبنوتة وباننظارك بس تطلعي طمنينا عنك ..
ريم ياقلبي انت مو انا يلي كاتبة هالكلام يلي كاتبته هي همسات قلبي
خخخخخ ياشيخة انا وين واهلي وين .. هههههههه

كيفكم بنات متغربة اول مرة اسمع ان لازم تشربي موية قبل الاشعة الرباعية
انا لسا مارحت اسويها مكسلة وزوجي موفاضي
قلت بنفسي كل ماتاخرت فيها كل ماكان احسن والبنوتة بتكون اوضح ههههه
يلا سويها وتعالي احكيلي بالتفصيل الممل كيف عملتيها .^^

[hawrah]

صباح الخير لكل الحلوين الموجودين
اووه ياكثر الاحداث اللي فاتتني
ام رزان حبيبتي ربي يقومك بالسلامه وماتشوفي شر يالغلا
بانتظار رجعتك سالمه انتي والبنوته العسل
متغربه الله يساعدك .. وماباقي ششي ويجي زوجك وترتاحي وتفرحين بششوفته
احسس وناسه الفرحه عندك فرحتين وصول زوجك عندك وولادتك بالسلامه ان شاء الله
قمر اهنن يادبه .. اخبارك واخبار عبودي الجميل ..!
سهاد ياقلبي ربي يشفيك من جد الامساك مزعج .. انا الحمد الله ماجاني خير شر
بالعكس مع الحمل ماشاء الله صايره الامور متسهله خخخخ
بس سمعت عصير البرتقال مفيد للامساك حيييل والعنب ..!
همسات يالغاليه لازم تتحمليين .. انا تخيلي ماتحمل زوجي يجامعني من حملت وانا قرفانه من الجماع بس مع كذا مامره رفضته او بينت له اني مو مبسوطه
بالعكس احاول البس اله واهيئ الجو له اقول يمكن بداخلي احب االشي بس مافي فايده لحد احين اعاني بس لازم نتحمل
كلها فتره وتعدي ان شاء الله وعشان زوجك مايكره الحمل كذا ..!
ريم حبيبتي الله يجمع شملك مع زوجك باقرب فرصه ياكريم
سروءه يالبطه اخبار بنوتك واخبار ترفيسها

[سرووءة]

hawrah
اهنن اهنن ياعسل
انت متل القمر ماتبيني كل يوم تطلعي مرة بالشهر
خخخخ
اخبارك ياعسل كيف البيبي
وحشتنا اخبارك واخبارو ^^

ريم عادي ياقلبي
الحوامل غير معصومين عن الخطا
هههههه

[أم رزاان]

مساء الخير كروشات

كيفكم يالغوالي ؟

وربي وحشتوني ووحشتني جمعتكم :)

أبشركم طلعت اليوم والأمور كل شي تمام إن شاء الله

اعطاني الدكتور علاج للخفض الضغط لأقل مستوى

مع أن ضغطي ماكان يتجاوز 130 على 90

بس يقول مع الحمل ماتنفع هالقراءة ولازم ينزل الإنبساطي لـ 80 بدل 90

وأعطاني علاج عبارة عن مضاد حيوي للصديد لانو الاملاح عامله لي صديد

في البول اكرمكم الله

تصدقون بعد ما اخذتة خفت حتى الإفرازات البيضاء اللي

كنت احس فيها اول وصار يمضي يوم كامل يكون الكلوت نظيف ومرتاحة !!

مع أن الدكتورة كشفت من تحت وقالت مافي اي التهابات وكل شيء الحمد لله سليم !

وطبعاً نصحني الدكتور اشرب بيرة كثير وموية

وقال لو مدمنة قهوة اشربي قهوة شعير غيرها لاااااا !!

والحمد لله التورم خف كثير .. والبنوتة هالمفعوصة برزت بشكل

وااااااضح وصار بطني مبوووز وواضح .. ووزن البنت طبيعي

يقول الدكتور 1 كيلو وراح تكبر بشكل واضح وسريع على الفترة القادمة

ويقول لو عديتي 30 اسبوووع راح تعيش بإذن الله لو صار وولدتي وبشكل طبيعي جداً

لآن الرئه بتكون اكتملت عندها !

الله يهونها علينا وعليكم يااااااااااااااااااارب .. ويعوض تعبنا خير .. اللهم آااااااااااااااامين

[hawrah]

سروءه وه فديتك عنوني .. كنت مشغوله اجهز لعيد ميلاد زوجي ..
بكره ان شاء الله بسويه .. ذا الاسبوع حاولت اخلص الاغراض كلها ..!
.
.
ام رزان الف الحمدالله ع سلامتك يالغلا ..
وسلامة البنوته .. ويارب ياكريم يتمم عليك حملك ..!
وانتبهي لنفسك ياعسسل ..
يعني تتوقعي هالفرازات اللي زايده معي بسبب الصديد
وقسسم تعبت من الالتهابات والصديد من اول حملي لذحين ومابقى علاج ماعطاني اياه
ولذحين اذا سويت تحليل بعده موجود >> تحطيم ..!
.
.
بديت اوسوس انه يأثر ع البيبي ..!
.
.
بنات بسألكم عندكم دلع ل اسم ( فارس ) من وقت مااتفقنا انا وزوجي ع الاسم
وانا افكر له بدلع وزوجي يضحك علي يقول بس هذا همك ..!

[أم رزاان]

الله يسلم قلبك يالغالية .. والله يتمم لك بخير ياقلبي
ويفرحك بشوفة فارس بحضانك سليم معافى

يعني تتوقعي هالفرازات اللي زايده معي بسبب الصديد
وقسسم تعبت من الالتهابات والصديد من اول حملي لذحين ومابقى علاج ماعطاني اياه
ولذحين اذا سويت تحليل بعده موجود >> تحطيم ..!
.
.
بديت اوسوس انه يأثر ع البيبي ..!

لا تخافي ولا توسوسي ياقلبي
الدكتورة تقول مالها دخل بالصديد وهي وقفت عندي تقول لأني
أخذ مضاد .. والمضاد بصراحة ريحني والله
وأنا نسبة الصديد عندي بسيطة بس الدكتور يقول لازم علاج
حتى ماتأثر عالكلى وترفع الضغط !

اما البيبي إن شاء الله مافية إلا العافية
وطالما أنت تراجعي بشكل منتظم لا تقلقي من شيء يالغاليه

[((ام ليان))]

الحمدلله على سلامتك وان شاء الله ربي يتمم حملك على خير
وتشوفين بنوتتك وهي سليمه يارب وتكون بخير
بس اهتمي في اصحتك ولا تمشين كثير

[متغربه]

نورتي التجمع أم رزان.. والله ماتدرين قد أيش فقدناك يالغاليه والحمد لله على سلامتك..
عاد ألحين اتركي الظفاره والشطاره وريحي نفسك على الآخر فكري بنفسك وببنوتك وبس والله يتمم لك على خير وكل البنات يارب..

[سرووءة]

ام رزان
ياقلبي انتي
واخيرا رجعتيلنا بالسلامة ..
الحمدلله عسلامتك وربي وحشتينا مووووووووووووووت
والتجمع ابد ابدا مو حلو بدونك
الحمدلله عسلامتك وصاير معك قصص كتير ..
بس الحمدلله انك بخير ..
انت والبنوتة ..
قصة الصديد قصة والله ... اخت زوجي عانت منها كتير ..
لاعاد تعيديها .. وتغيبي
نحن يابنات لازم نوكل حدا من طرفنا بس نغيب او يصير معنا شي يدخل يطمن الباقي .. خخخخ
انا من جهتي بوكل بنت خالتي تدخل .. خصوصي وقت اولد لازم يدخل حد يطمنكم يلا انتو كل وحدة توكل حدا تدخل تطمنا

hawrah
انت متلي انا ادور اسم دلع ل يارا وزوجي يقلي هذا يلي يهمك
ههههههههههه
بس اسم فارس ممكن امممم
فروسي .. هههههههههههه ماطلع معي غير هالاسم الحين المخ مسكر

ام ليان كيفك انت وشو اخبارك ^^

[متغربه]

hawrah
أحس أن اسم فارس ما يتدلع ألا (فروووووووس) وخليها زي ما تجي تجي، اذا شفتيه بيطلع الدلع من نفسه، الله يفرحك بشوفته يارب..
بنات ما دام الكل بخير وعافيه أبي اشاوركم في موضوع.. وش رايكم اخلي زوجي يحضر ولادتي أو لا؟؟ أنا في ولاداتي السابقه كان يدخل معي وقت الطلق بس واذا انفتح الرحم 5 يطلعونه وما اشوفه الا بعد الولاده لأنه ممنوع، بس ألحين بولد بأمريكا وطلبوا مني اعبي بيانات تسجيل المستشفى ومن ضمن الأسئله حددي من راح يدخل معاك بالولاده؟؟ أنا قلت فرصه خليه يدخل معاي هالمره وناقشته في هالموضوع ولكن بشكل بسيط.. أخواتي اللي منهم تأيد واللي منهم تعارض يقولون أخاف ما يتحمل أو يأثر على العلاقه بعد النفاس.. أنا لو دخلته معاي ما راح أخليه يشوف شي من تحت بس يكون جنبي، وش رايكم؟؟ أشوف في فترة الظهر هنا برنامج يجيبون فيه كل يوم قصة ولاده وأشوف ازواجهم ما يخلونهم ولا لحظه وبالعكس أشوفه قريب من زوجته كثير وما أثر عليهم هذا الشي.. أبي رأيكم..