اهلا باهل الجود والكرم **اهلا بسيدات ليبيا**

[أثري في مدادي]

عندي طواريء هاليومين

امبارح عزومة
ولد خالتي بنته عرووووووووووووسة
جتنا أول مررررررررررررة

واليوم أني
معزووووووووووووومة غدي

والريجيم باااااااااااااااايظ
بالرغم
أن الجميع لا حظ رشاقتي

معلومة
لأهالي طرابلس خخخخخخخخخخ
الملاك الأبيض للبدل وفساتين الأفرا
تخفيضات 50 في المئة
شهر 2 فقط
عنده تاييرات حلوووووووووات ومستورات وأنيقات بــــ130

وبلايز نازكات ع الآخر
كلهم بـــــــ 35
وكانوا بــــــ 70

مع قونة أنيقة بدلة مركبة حلووووة
عنده أحجام كبيررررررررررررررررة

وخلاص

[خوله 2014]

المشاركة الأصلية كتبت بواسطة اوشي

مرحبا خولة ..

شخبارك واخبار الحمل جبتي والا مازال وشن قررتي اديري

اهلين بيك يا غالية والله الحمد لله في نعمة وماشية الامور اهو ليه ليه نستعد مرة مرة نشري في حاجة ناقصتني بالنسبة للمواعين كله تمام وبعض من السبيزة للمة ان شاء الله وحاليا اشريت عوالة الحلويات كاملة لكن والله مش عارفة انديرهم قبل والا بعد ما انجيب ومع ان الافضل ليا توا لكن لامتي زعمة يتحملو يقعدو وما يفسدوش
ويا ريت كل من تشوف ردي وعندها فكرة اتقولي
وبارك الله فيكم يا اوخياتي

[أثري في مدادي]

بنمشي نررررررررررررررررررررررررررررقد

تعباااااااااانة اليوم

قبلاتي لكل نفرة

ولكل سنفورة وسنفور

السلام عليكم

معنديش جهد حتى باش نبخر الحوش ولا نضمه
سامحوني اللي تجي بكري
تضرب فيه دووووووووووورة

[جوهرة ليبيا]

اهلا اثوره وام الحلوات شن ادير حنبخر الحوش واندير عليه دوره مع ان اليوم مش زحمه عالخفيف هههههههه

كيف حالك وحال الصغار

ونفس الشئ ماعلقتيش عالصور <<<وحده تعشش في الحاجه ههههه

ام فروسه كيف حالك والامورين والرز كلهم عجبهم هلللبه حتي السيخ المشوي حاجه تانيه بنته

راجلي لما جاب العشي مقدرش يتحمل من لما جابه وهو يتصل يبي صونيه بعتله مع امه ههههه ربي يحفظه


خوله ربي يسهل عليك ويفيدوك البنات

[جوهرة ليبيا]

منو تقدر ترقد علي السرير هذا هههههههه انحس نفسي انطيح




وتصبحوا علي الف الف الف خيييييييييير

[sosolibya]

السلام عليكم كايف حالكم وصباح الورد..

جيجي ماشاااااااااااء الله ألأ:لات روعة وبجد يسهفو ,,,ألأخيرة روعة شن هي وشن حشوتها وحتى الثانية المقليه ومن الداخل شكلها خبزة محشية .. والرز روووووووووووووووووووووووعة ,, وكيف يفروسة ماتعرفيش تخليطه بالشعيرية أنا ندير في مكرونة السبيقاتي روووووووووعة تحطيها في اللحظة يللي تحطي المية على الرز المقلي,..

كله روعة جيجي بس اللحم غريب شوية حلو بس نحسه كأنه مش مشوي..

وصحة صحة وشن خديتي عشاء أمس هههه قصقصة ..وحلو لما تلقي حد معرفة وتقعدي تهدرزي عليه ..

[sosolibya]

خولة تعالي جاي تعالي ,,, ياخولة ههههههه


الحلويات تقصدي أنت بتصنعيهم صح..

أبدي فيهم من توا عادي يقعدو ويتحملو مش مشكلة بس أهم شىء تحافظي عليهم في مكان بارد وجاف يعيد عن الرطوبة ,,

كيف مدايرة غريبة جتني تهبببببببببببل ديريها لو تبي,,

توا ننزل الورة جتني مشققة وحلوة رووووووعة وساااااااااااااااااااااااهلة

عجنتها بالليل ودرتها الضحى ثاني يوم,, ساااااااهلة ,,

غير ردي بالك وخليك قريبمن الكوشة لأأن أخر طاجين نسيته شوي أنحرق هههههههههه


طبعا الكوشة تكون سخونة ووالعة من الفوق وبعد ما تتشقق وتتحمر ولعي من اللوطة

4كوب دقيق 2كوب دهن يعني خلطي بين زيت وسمن أو زيت وزبدة والحق أنا ماعنديش درت زيت بس وجت روووووووووعة

طبعا بدون خميرة

وكوب سكر ناااااااااعم وإعجني وإسبكي كويس ,, وخليها على ألأقل 6 ساعات أ, يوم كامل أو اعجنيها وأمتى مايواتيك ديري طاجين ههههه يعني عادي مايصيرلها شىء

وايديرلك هذ المقدار عدد كويس

وطبعا حطي لوز ولا حبة كاكاوية وتهبببببببببل مشققة وحلو وحمرة صحة مقدما..

وقددري اديري بسكوت أو حاجة شكلاطة وتحطيها بالثلاجة

أو تقدري اديري بسكوت توا وبعد ماتجيبي شكلطيه....

أو لما تقرب لمتك يعني قبل يوم أو اثنين أديي بسبوووووووووسة

[sosolibya]

كيف يلبس صغيري حذائه لوحده,,


إعملي حمالة دبابيس بطريقة سهلة ,,, ومناسبة للديكور..

طريقة رااااااائعة لحفظ أقلام التلوين..

طريقة لعمل أصيص ورد,, طريقة سهلة جدا .. ومنظر راائع للديكور..

[sosolibya]

هلا وغلا بأثي كيف حالكم وصحة عزوماتكم وماتعدليش طز في الريجيم..خخخخخخخخخخخخ

ومبروك ييللي بتاخديه من الملاك ألأبيض موفقة..

فروسة وينك كيف حالك وشن أخبارك ,, وشن أخر أخبار النوم..


هددهودة ويييييييينك وأوشي وينك..


أروع التنانير للحوامل .. بتصميم مناسب وجميل..

[جوهرة ليبيا]

السلم عليكم ورحمه الله وبركاته

كيف حالكم اليوم

سوسو بالعكس طااااااااااااايب الدجاج والخضرا تمام واحلي حاجه في العشئ

واللي سالت عليه ايقولوله السندوتش بس مش عجينه لااااا شريحه دجاج محشيه ومطبقه ومقليه بالخبزه

ودسمممممممه تشبع وحلو الحق كل شئ عجبني في شاهم

بالنسبه للاخيره ايقولوها الوساده او المخيده هادي اني درت بدلها كباب بافطيره

وهي علي حسب ماقالت اثري زي عجينه الكلوني والحشوه مانعرفش



والعشئ امس اني خديت شاورما الصغيره اللي بالخبزه المصريه تهبببببل ومعاها همبرقر

وراجلي بيتزا سندوتشات حاجه تانيه

واتفضلي قصقصي وكان انتي اتقصقصي وخيتك جيجي ماتبطلش دوا كالعاده هههههههههههه