دردشة بنات العراق, دردشة حوامل العراق , تجمع بنات العراق

[توتايه]

والله رويده مليت كل يوم اني هيج اذا معاجبه خلي يرجعني لبيت اهلي

[رويدة_ أم ألق]

ياا هلا ام كرار.

[بنت الخليج]

ام يوسف عيني شنو هذا الحجي هو انتي اشعندك غير يوسف وابو يوسف . طولي بالك حبيبتي والدنيا مخلصت لان كلب خلقتة

[رويدة_ أم ألق]

حبيبتي الشيء اللي ما يرضيه تجنبيه
واكسبي محبته
لا طبعا ميرجعج الزواج استقرار وديمومة حال
مو شي سهل ننهيه شوكت ما نريد وانت أم ابنه
اكعدي واحجي وياه بهدوء.

[توتايه]

ما احجي وياه اني هم الي كرامه يعني نوم ماكو فوكاها لازم كل يوم امسح واكنس ويعرف عندي حساسية من التراب يعني ما اكدر كل يوم شسوي تعالو شوفو الكاع تنلطع لطع كلش نحس واني ابيت اهلي اصلا جانت عدنا منظفه تجي ايدي مواعين ما اعرف اغسل المفروض يقدر هالشي فوك هذا كله متأنقه هاي لو باقيه اني نايمه بالفراش وشعري منكوش وخلفتي خلفة البوم جان اجه يبوس ويحضن من خرب بحظي اذا عندي حظ

[بنت الخليج]

هلا خيتي ام الق اشلونج . اية حبي يمعودة ترة حتى انضربنة وانهانينة وكل شي صار بينة واتحملنة ومشت الامور ترة منكلبت الدنيا

[توتايه]

بيداء اذا انتو تتحملون ضرب واهانه هاي كرامتكم وانتو متنازلين عنها والله يهيني بيت اهلي موجود اروح اكعد بيه والا افندي يتأمر ويتأفف براسي

[رويدة_ أم ألق]

أيوتة أغلبنا كنا يم أهلنا مدللات
انا اكبر منج وتزوجت عمري 28
يعني لحد27 ما أعرف أطبخ تمن والله
يا دوب أسوي زلاطة وأقلي شغلات بسيطة
مع ذلك لازم نكون غير شكل ببيوت ازواجنا وما نعتبر نفسنا متفضلين عليهم
بالتالي كل شي راح تسويه لأجل زوجج وهو جزء منج
ميخالف تحملي شغلة التنظيف والتعب تهون
بس كون انت معززة مكرمة وما يبخل عليج او يتجاوز بلفظ وبتصرف.

[رويدة_ أم ألق]

لا لتخليها توصل للضرب ... الكرامة خط أحمر
بس اكو شغلات بسيطة تفاديها إذا تحبيه وتعرفيه يستحق
وهو إن شاءالله كذلك.

[بنت الخليج]

هاي عود اني دااهدي عليج تالي اطلعت متنازلة عن كرامتي اني اشكرج اهواية