دردشة بنات ليبيا , دردشة حوامل ليبيا , تجمع بنات ليبيا

[جوهرة ليبيا]

امشيتي سوسو
استمتعي بوقتك وديري بالك علي صغارك كان عويلة ماشاء الله

[جوهرة ليبيا]

توة انا غيرت دار المعيشة شاشة 50وشريت النشاف والدمسكة لونها درجات الوردي وافوشي في البيج وخيطتهم وشريتلها بساط موكيت ومازال العجمي محتارة فية
والستار خدمتة قطعة وحدة بسيط وناعم ومنظر طبيعي بنعلقة عالحيط وكيف خديتلها في بداية الشتاء مكيف لان امتاع وسط الحوش ميطقش فيها
غيرت بساطات الممرات عندي ممرين
وسط الحوش خدمتلة حرف ال من سيدار ومادرتلاش طاولة ممنوووووع للاطفال هههه بس خدمتلها في التقاطع كان طاولة يعني في التركينة بنحط عليها تحفة كهربائة حجم متوسط ومازال مخديتلاش بساطاتة هو لونة موف في البيج اخديتة كان تابع لصالة الاستقبال ماهو اتجي امقابلتة عرفتي كيف يعني رسبشن صالون
وجلسة وصالة(مفتوحة علي وسط الحوش) نفس درجة لونة وخديت بوفية بيج هادي وتحفة اللي فية عالكرستال الملون يعني الوان الطيف لان ترايات اخديتهم الوان طيف مش دهبي ولافضي والسبت لايت حتي هما نفس الشئ بصعوبة القيتهم
وبما ان مصبخي بار يعني اكسسوارات حاطة علية 3تحف الشمع في المرش ورد
اكسسوارات المطبخ لاتحصي ولاتعد اولا ستار الباب الخارجي للمطبخ خدمتة نفس لون جوا الغسالة <<في المطبخ

وستار الكوشة الكهربائية ومفرش الطاولة وجوا الكراشي وخدمتلي وردة للتلاجة اخديتها الفكرة من برنامج في فتافيت اسمة المطبخ العربي هي اتجي في صنع التلاجة لاكن انا لصقتها تلصيق ههههه والدولاب الي بيبانهم مرش الفوقيات درتلهم نفس الوردة حلوة والسلة الخضرة وسلة ,,,الفط والبخشات والسفر وسفرة مبخرة الوشق خدمتهالي كامله وكلفتني بصراحة وجوا الكواشيك وحاجات الاستقبال كلهم خدمتهم نفس لون صالة الاستقبال ماعاد الصواني مقدلرتش انديرلهم شئ خخخخخ
خواتي ايقولولي مجنونة ههههه
حتي لبسة الاعياد انا وبنتي نفس اللون هههه حتي بروشة الشعر نفس الديزاين
خاطري نخدم شمعدان غريب وحلو وسط الحوش بس مكلف لهذا الي حين اشعار آخر هههه

ننصحكم متبعونيش لانكم بتتعبوا وبتعبوا ابوا الشباب زي ماانا مجننناته
مش اتقولوا هادي مسرفة او فلوس وماادراك لااااااااااااا انا نقتصدومنقرزش ومانطلبش لكن لما نطلب آآآآآآخخخخخ


اعيت من الكتابة وبنمشي انصلي النافلة والظهر وبنقرا سورة الكهف سلاااااااااااام

[جوهرة ليبيا]

وينكم ؟؟

[أم أجنادين 80]

السلام عليكم
اوشي صحتين البسبوسة نبي الطريقة وبالتفصيل
اما قبل مانفتح النت كان خاطري اندير بسبوسة الجالكسي بس للأسف الدحي كملته في الفطور ...
شموسة حطيلنا رابط صفحة الفيس متاع الفساتين مع اني نخاف منهم الصفحات هذه مرات مش مضمونة
وعموما عندي صاحبتي خداته من عباية غاليري لبساته في بيانه زي يلي عرضتيهم وكله مستور حلو
بس اعتقد انه سعره في الألف ... قلبي الصغير لايحتمل هههههههه
وين بنلقوا من يخيط زيه احني في الزاوية مفيش خياطات شاطرات هكي او انا منعرفش ...
جوهرة لو كنت حامل لكان حوشك جي في خاطري ,,, صوريلنا لو ممكن ,,
سوسو المحل قلتي في الأولمبي الفتحة يلي جنب خاشعة يعني الطريق يلي لاصقة في مدرسة الأولمبي
نستني اتصوري شن شريتي لو عجبوني بنطلع ناخد زيهم صوري في اقرب وقت ..

[أم أجنادين 80]

اوشي عجبني موقع تي في قران حملت منه كتاب صحيح السيرة النبوية للألباني
كتاب صحيح السيرة النبوية بقلم الشيخ الألباني

وهدا الرابط لو بتحملوه
وانا قصدت بتحميل مصحف الكتروني كتابة وصوت وفيه تفسير للأيات حتي نقرا الأية ونسمعها صوت
ونحاول اني انردد مع الشيخ اقل شي نتقن الأحكام الي غاية ماربي يفرجها وانحصل نمشي للجامع
شن صار في من القت رابط لبرنامج تحفيظ القران

[أم أجنادين 80]

يلا من عندها اقتراحات
او نستنوا اتكمل سوسو امتحانات ,,,

[أم أجنادين 80]

اقتراحاتك حلوة يااثري بس بالنسبة ليا انا مبتدئة
نبي انراجع معلوماتي الدينية البسيطة قبل
والله ماتضحكوش عليا
بس قريب اندور كتب الدين لسنة رابعة وخامسة ابتدائي ندير ريفرش بيهم
وبعدين وحدة وحدة نتوسع ,,,

[أم أجنادين 80]

سوسو بالنسبة للتحزيم
انا سالت علي فاطمة شعيب قالتلي عليها بنت نعرفها مجربتها
قالت تحزيمها علي البارد ماياثرش بكل
وشكرتلي نعيمة الباشا في صرمان هيا مراة كبيرة ونسمع بيها من صغري قالت تحزيمها كويس كويس
علي ثلاثة ايام وادير في رمل سخون وغيره وهيا قالت انها فادتها هلبة ...
وفي عجيلية المداح علي الطريق الساحلي الحرشة ممكن هذه زحمة زحمة زحمة والمواعيد بالتلفون راجلها يفتح في تلفونة نصف ساعة بس ماشيتلها صاحبتي قالت رقمها في 100 مشت الصبح روحت العصر ..
وفي خديجة كوكو جنب ثانوية الأمل وحصلت رقمها بس الباين جديدة زي مرت عمارة الفروج
وطبعا نعيمة الباشا اتعالج حتي في الصغار

[أم أجنادين 80]

برنامـج مصحف الذكر الحكيم إصدارة 1.0.5 .. صورة مطابقة تماما للمصحف المطبوع بطبعة مجمع الملك فهد - Download - 4shared - MM Qatar

[أم أجنادين 80]

ويــــــــــــــــــــــــــــــنكم ؟؟؟؟؟؟؟؟؟؟؟؟؟؟؟؟؟