دردشة بنات ليبيا , دردشة حوامل ليبيا , تجمع بنات ليبيا

ليبياقلبي · 05-09-2013, 03:06 AM

شموسة شن الجو

ليبياقلبي · 05-09-2013, 03:09 AM

اختي وجه القمر حاولي تاكلي وغصبي روحك حتى انا حملي هدا وحمي اصعب من حملي بناريز

ليبياقلبي · 05-09-2013, 03:10 AM

سوسو شن صار في مسابقة
جنودة وينها مش خاشة

ام معاد · 05-09-2013, 09:09 AM

صباح الخير

dr.loly · 05-09-2013, 10:48 AM

, صباحووو
شخباركن

~~وجه القمرر~~ · 05-09-2013, 12:04 PM

مشكورات بنات بلادي ع الرد وسامحوني لعدم الرد لاني معش نفتح في النت هلبه تقول الوحم جاني عليه هههههههههههه

~~وجه القمرر~~ · 05-09-2013, 12:05 PM

سوسو من عيوني نصوتلك بس كيف نقدر نصوت وفي مسابقة شني لاني زي ماانت عارفه ليا فتره ع النت

جوهرة ليبيا · 05-09-2013, 12:50 PM

السلام عليكم ورحمة الله
سامحوني امس ماكنتش موجودة النت تم رصيدة ومشيت العشية للحوازة مع زوجي بما انا مافيها حد امس
درت سلاطات وجهزت السلة كامله وخدينا من مطاعم البيفي امتاع البورديم مشهورين لو تعرفوهم وجبة بورديم لحم وطني روووووووعة بصراحة والشغل كلة قدام عينك بس ياخد وقت شوي

وربي ايسهل امور زوجي اليوم عندة اكثر من شغل وكلها باوراق وبيع وشراء
امس الصبح قلبت الحوش فوقي لوطي ههه ليا اسبوع انشف في الحوش كل يوم لاني تاعبة شوي <<حوشي بورسلين كلة
قلت خلاااااااص طفح الكيل قمت فرشات وقطع كلهم وبدبيت تسيق حتي الحيوط ههه المشكلة ورق حائط خش عليا زوجي قالي غير متقوليليش بعد فترة معادش ينفع بنغيره خخخخ
وبعدين غسلت القطع كلهم بالواركينة والطابون وملين البساطات وبطانيات رنودة في الغسالة و2بطاطين غسلتهم بروحي واخر حاجة لمعت ووخشيت للحمامات عالسريع في الليل امسيقتهم وطلعت لقدام الحوش حتي هوا سيقتة

عندي مشكلة بما اني مانقابلش وجناناتي كبار لكن مش مفصول علي حوش سلفي فللاسف مانقدرش نطلع الا لونعرفة طالع بيعد لان خدمتة مش ساعة تابتة تو سلفتي تقدر تطلع لان زوجي دوامة تابت من الي وربي ايعين
ومانبيش انقرز علي راجلي ايدير صور بيناتنا مهما ايكون هما راس زوز اولاد وامهم تبيهم ديما مع بعض وناكلها انا هههه انا متعودة بالجنانات الكبار اهلي مع انهم في سوق الجمعة بس حوش بوي كبيرررررررررررررررررررر والحمد لله فانا منحبش الضيق ابداااااا انحب انقعمز في الهواء <<<عارفة اتكلمت ههللللللبة

وعلي فكرة اليوم حيلي مهدود وعظامي بيتكسرو من بساطات امس لانى التسيق متعودة بية

بنمشي العشية لحوش جدي جدو مريض بردة بسيطة مسيكين ربي يشفية عمرة96 وماشاء الله علية ربي ايطول في عمرة

جوهرة ليبيا · 05-09-2013, 12:56 PM

جيجي ممكن نعرف منو هى يللى كنت تتوقعى انها تعرفك من صورة بنتك

ولا اي وحدة لكن توقعت ان المنتدي تجمع اكبر من هكي وعادي ممكن وحدة تعرفني صارتلي في منتدي تاني من خلال الهدرزة مش حتي بالصورة وعادي قاعدة متواصلة معاها
انا حياتي كلها صدف حتي زواجي ههههههه<<تشويقة

شموسه 88 · 05-09-2013, 01:15 PM

السلام عليكم ورحمة الله وبركاته

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات ليبيا , دردشة حوامل ليبيا , تجمع بنات ليبيا	سماسم	إستفسارات حوامل من الشهر السابع إلى الشهر التاسع	24082	03-27-2013 08:08 PM
تجمع حوامل ليبيا	ميرنا	إستفسارات حوامل من الشهر السابع إلى الشهر التاسع	21344	01-02-2012 10:29 PM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
شجرة تجمع حوامل ليبيا	أم أجنادين 80	إستفسارات حوامل من الشهر السابع إلى الشهر التاسع	6	12-19-2011 10:44 PM