تجمع الجزائريات الغاليات المتأخرات في الحمل ‏

[صبورة]

المشاركة الأصلية كتبت بواسطة نور اليقين

ههههههههههههههههههههههههههههههههه
والله هادي قالتلهم ارقدو ههههههههههه صبورة يالمحقق انتاع النتدى مشاء الله محقق شاطر والله ضحكتيني من اعماق قلبي على بيها نحب نشوف الارشيف كامل فيه حكايات يضحكو و اسما ليال ربي معاك اختي وربي يهنيك ويرزقك بالذرية الصالحة مي ياك غير الخير قولينا رايحة تحوسي النت رايح يحبس واش مشكل انفصالك عنا

نو اليقين
واش راكي حنونة..وا الامور راهي لاباس عندك؟وين راح راجلك اليوم باش راكي في الميكرو؟
و على التحقيق..على بالك كي قريت المشاركة تم تم لقيت تناقضات.و نا طبيعتي ما نعرفش نقول عكس مافي قلبي فهمتيني..رحبت بها و حبيت نفهم ..و هي تفهمت الاستفهام تاعي..و عطاتني الحق..و بارك الله فيها..

[ام عمر و هبة]

شحال حاااااااااالة مكنتش عارفة بلي ترحبو بالقهوة و الحلويات هنا امة الرحمان تنسي الواحد في غبينتو هههههههههههههها
انا كل ما ندخل نكتب كلمة منلقاش روحي وين رني نتودر في الردود و المواضيع المتغيرة والله وليت نقرة الردود بسرعة باش نوصل هههههههها يطكم الصحة يا الشابات

[bassouma]

مساء الخير لبنات

[bassouma]

نور اليقين أهلا واش حوالك كانش جديد
صبورة أنا ألما نتاع حرارة ههههههه بصح صدري راه دارني بزاف تقولي حجرات و ليوم دوخة راهي فيا

[alma021]

مساء الانوار بسومة واش مزالكي تقيسي فالحرارة تاعك شحال صبتيها اليوم ههههه انا خلاص نحبس معاها دوختني
ام عمر وهبة مرحبا بيك معانا اختي

[امال3]

السلام عليكم بنات انشاء تكونو بخير

[نور اليقين]

المشاركة الأصلية كتبت بواسطة صبورة

نو اليقين
واش راكي حنونة..وا الامور راهي لاباس عندك؟وين راح راجلك اليوم باش راكي في الميكرو؟
و على التحقيق..على بالك كي قريت المشاركة تم تم لقيت تناقضات.و نا طبيعتي ما نعرفش نقول عكس مافي قلبي فهمتيني..رحبت بها و حبيت نفهم ..و هي تفهمت الاستفهام تاعي..و عطاتني الحق..و بارك الله فيها..

والله دوك راني الحمد لله تعرفي البارح قلت المربح نروحو نحوسو على شجر اللوز الجو مليح قلتلو الديني في بلاصة مافيها حتى واحد غير انا وانت وربي مانيش حابة نشوف العباد كامل قالي ماعليه تعرفي حنا بدينا نخرجو من المدينة وتلاقينا بسلفي هو مروح واحنا رايحين ويط علينا ويحقق فينا احنا ولا خاطيين هو راكب وحدو فالطنوبيل كملنا روحنا للخلاوات ماجينا نوصلو نالقاو فالباباه يعيط ومرت باباه تعيط فالتيليفون وولاد خوه يعيطو خلات المخلية وين راكم ديجة سلفي وصل وقالهم لقيتهم فالخرجة رايحين يشمسو فالحشيش باباه يقولو راك الدور لاه ماديتنيش معاك ونرت بابابه قالتلك لوكان غير فوتو علينا روحنا معاكم وولاد خو ه اللي متزوج يقولو ياك زعمة تحب فلان على بنو لوكان فتو منا الديتوه معاكم يلعب فالحشيش المهم التليفون ماحبسش حتى خرجو هاديك الخرجة من ورايا اليوم ضليت راقدة وصبحت التيليفونات تتخابط على راجلي قالولو ايا الدينا ندورو قالهم ان شاء الله غدوة اليوم راني خدام قلتلو قلهم راكم طرحتوها راهي فالفراش المهم ربي يهدي ماخلق ....................... صبورة راجلي اليوم حاوزتو من الدار ههههههههههههه راه خدام

[bassouma]

ألما ليوم عندي 27 من دورة و حرارة 36.9 و نتي

[نور اليقين]

المشاركة الأصلية كتبت بواسطة bara

واش اخبارك نور اليقين اشربي المريمية راهي مليحة لعندهم ارتفاع هرمون الحليب

والله ياختي لباس وراني بسلامتكم ندبتها شربتها ومادرتلي واااالو ومع العلم علابالي باللي ماشي مليحة لتكيس

المشاركة الأصلية كتبت بواسطة amal jadid

سلام حنونا واش بيكم كامل وليتو خفافيش ههههههههههههههه

جربي المعدنوس الحشيش هو الي يديروه في الصدر حتى ينشف

بصح علاش متشربيش دوسينيكس
تلقاياه في فرماسي انا شربتو شهرين هبطلي الحليب من 30 ل 3

ماعليهش المعدنوس راه ساهل راني وليت فاتحة خضار في سدري ودوسينيكس يمدو الفرماسي بلا اردونانس ويتشرب وحدو ماشي مع دواء اخر والله كرهت الدواوات راني عام ونص مكليتش الدواء وماروحتش للطبيب انتاع الضنايا كامل

المشاركة الأصلية كتبت بواسطة bara

مشكورة انا من اشعة الصبغة راها عندي التهاب و حكة
قلت نديرها بلاك نريح من الالتهاب

انا تاني راني نعاني من الحكة وحرت واش نديرلها مرت سلفي دارتلها قالتلي ديري شمعات يجي فالباط ثحبات برك دوك ترتاحي ومازال ماجربتش

المشاركة الأصلية كتبت بواسطة amal jadid

صح مليح للحليب بصح ماشي مليح للي عنها تكيسات حتى و لوكان صغار

وتانيك يزيد في احتمال الحمل المتعدد

علابالي مي ندبتلها واحتمال الحمل متعدد ياااااااااااريييييييت

[bassouma]

نور اليقين أنا شرب مريمية هذا الشهر زعما مليحة تنفع