[مشاركه مميزه]مشخول الدجاج بجد لايفوتكم طعم غييييير ...

[مناي طفل اضمه]

السلام عليكم حبيباتي
تسلموا على الردود الحلوه ... واعذروني على عدم الرد لاني والله كنت مشغوله وكان عندي ضيوف وتوي فضيت
المهم مااطول عليكم
انا صراحه شفت الاكله بالنت وعجبتني كثير وقلت لازم اطبقها والحمدلله طلعت روعه وطعمه مره
نخش بالطريقه / اول شي تنظفي الدجاج زين وتبهريه تمام بالبهارات والملح وتحطيه بقدر فيه مويه على النار وتغطين عليه لين يستوي في اثناء مايستوي تجيبي ارز وتسوي الكشنه عادي زيت خفيف وبصل وتخليه لين يحمر وتحطي الارز وتحطي القرفه والبهارات والملح وتغطي عليه لين يستوي
وبعدين تجيبي خضار على حسب الرغبه انا حطيت كوسه وجزر وبطاطس وقطعتها طوليه وقليتها بهالوقت يكون الدجاج خلاص استوى اطلعه واتبله بماء ورد مخلوط ببودرة زعفران يصير لونه اصفر بعدين اقليه بعد مااشيل الخضار بس يكون بنار حاميه وانتبهي له لانه على طول يتحمر مايطول وشيليه على طول
بعدين جيبي قدر ثاني وحطي فيها زيت وبصل على النار لين يتحمر وحطي البهارات والبازيلا والطماطم وحركيها زين واضيفي الملح واضيفي فلفل اخضر واحد او اثنين بيعطيها نكهه حلوووووووه بس بدون تقطيع واضيفي الخضار المقليه والدجاج وحركيه بهدوه واهم نقطه ماتضيفي اي مويه عليه ووطي النار وغطي عليه 5 دقائق بعدين اضيفي الارز وحطي على الارز شوية زعفران عشان اللون وغطي عليه عشر دقائق على نار واطيه وكل شوي شوفيه عشان مايحترق وعشان يكون ناشف وبعدها قدميه وبالعافيه مقدما للكل