لاتلبسين الثوب العلاّق تكفين ... أمي وأمك قبلنا مالبسنّه ..!

[فوق مستواااك]

يابنت بعد الستر صْرتي تعــّرين ... لاهوب ذا فرض ولا هوب سنـّـه

لاتلــبسين الثوب العلاّق تكفين ... أمـــي وأمــــك قبـــلنا مالبسنـّه ..!

كانــك بتقليد الخواجه تبــاهين ... وراك يـوم الحشر نـــــــارٍ وجنــّـه

وان كان ذي موضـه ! تراكن مساكين ... الكــافرات لباسهن تلبسنـّـه

لبــسٍ عليكــن مثـل لبس المجانين ... متقطّـع حتى الظــهر بان منـّه

الكاســـيات العــاريات (......) ... ياويــــلهن مــــن شــي يواجـــهنـّـه

جداتـــنا باقــي صداهـن لهالحين ... الكــــم لا منه قصـــر طـــولــنـّـه

لا ما لبسن لبــسة "ديانا ونادين"... والســاق مثل "كلوديا" ماكشفنـّـه

ترى الحـلا ماهو بكشف الكراعين ... ولا هو بكشف الصـدر ياللي تبنـّـه

ترى الحــلا بالستر بس الستر ويـن ... دام اللبــاس الفــــاضح تؤيـدنـّـه

لاشفتهــن بالعرس مثل الشياطين ... حتى الشعــر فـوق الاذان جْـبَعَنـّه

ماالــوم انا من عندها نقص بالدين ... ألـــــوم زوج خـــيـّب الله ظــــنـّـه

يمشي وراهــا مثل مشي البعارين ... لمطـــارد الموضــه معاها تقنـّــه

وليــا نصحها قالت: اسكت وبعدين ... وإن ما سكت في كف يدها تصنـّه

غصـــبٍ عليه .. الحُبّ فوق القوانين ... لاتحــــترم رايه ولاَتخـــاف مــنـّه

الجَيب فـــــاضي بعْد جمْع الملايين ... بنــــات حَــــوّا ضاعــــن وضيّعَنّ

***

راقــــت لي

[الزهراء]

سلمت يمناااااااااااااك بجد راقت لي انا كمان

[أميرة الصمت]

يعطيك العافية

[دلوعة سعد]

يعطيك العافيه مشكوره

وصح لسان الشاعر والناقل

[سموة الشوق]

زمن مبكي

وتقليد أعمى

الله يهدي بنااات المسلمين أجمعين

والله يجزل لك المثوووبة يالغالية..

[امونه.~]

اووووه اوووه صح السانك حبيبتي..............؟
والله وانتي الصادقه كانو جداتنا وامهاتنا مايعرفوون شي اسموووو علاق]ــ]ــي....
بس للاسف جيل هالايام كل شي يعرفووه من اسكيني وانتي رايحه هع...

[تــــــوفي]

الله يستر ع المسلمين يارب ويعطيكي العافيه وجزاك الله خير

[فوق مستواااك]

منورررررررين والله.. ولكم جزيل الشكر

تحياااااااااااااااااااااااتي

[منو الزهراني]

جبتيها على الجرررح ...فعلا هذا حال بنات اليووم ..
الله يهدينااا ..
يسلموووو ..

[همس الكلام]

الله يستر علينا يارب
يسلمووووووووووو