ملف منوع لكن شهي جدا وبسيط

[ايلاف]

ميني كريب










2 بيض
2 كاس حليب سائل
كاس ونص دقيق
رشة ملح
ملعقة صغيرة فانيلا
نصف فنجان سكر
تخلط سوا .. وتصب ع النار


للحشوة :
نوتيلا
استخدمت اليوم كريما وشرايح فراولة
والتزيين بتشاكلت + ستروبري سيرب .
ممكن لوز أو سكر باودر و سكوب آيس كريم





رايفل

هذا الشي روعة
وحدة من الصديقات بالفليكر اقترحت علي اسوية , ومررة انبسطت بالنتيجة حبوة كل اهلي كبار وصغار

بشرح طريقتي ثم بحط اليوتوب اللي اخذت منه الفكرة
(1)
الفواكة افضل طازجة اي شي متوفر وتفضلينة
فراولة , عنب , كيوي , اناناس ( امريكانا كانة طازج ) , رمان , موز , توت
(2)
كيكة اسفنجية بالفانيلا خبزتها بصينيتين عشان السمك ..
شلت الطبقة الذهبية فوق وتحت ( بسرعة تنشال شوي شوي بالسكين )
زي الصورة هنا :


تقطعينها حسب القوالب اللي بتزينين فيها الترايفل

(3 )
شراب التوت .. فيمتو او توت
اما تسقين طبقة الكيكة بشويش بالملعقة او تغمسينها غمسة بسيطة بالشراب
بس افضل تسقينها كمية بسيطة ..
بعدها ترشين الفواكة .. اذا تبغين زي المحلات بالزبط حاولي تصفين الفواكة على واجهة القوالب
اليوم راحة عن بالي
ثم ترشين ( بندق مجروش , لوز شرايح , جوز الهند ) رشة بسيطة

(4)
1_ الباتسيير
2_ الخلطة الكريمية :
علبة كريمة خفق < حجم صغير
حليب مركز محلى < كمية قليلة
ساور كريم < ملعقتين اكل
جبنة كريمة القوام .. مثل فلادلفيا او بوك
استخدمت فلادلفيا علبة كاملة .. اللي تجي صغيرة تقريبا .
نحط طبقة من الباتسيير ملعقة صغير بس
ثمن من خلطة الكريمية او طبقة كذا وطبقة كذا
زي الصورة هنا :


طبعا طبقات الكيك اكبر مقاس قصها حسب تدرج مقاسات القالب
اخر شي خلطة الكريمية البيضا واغلف القالب بالنايلون واخلية يبرد بثلاجة
كل ماطول بالثلاجة افضل

دجاج ( مشكشك )



التتبيلة بكتاب الطبخ مااعجبتني بحليب مركز غير محلى
تبلته عادي بليمون , ملعقة صغيرة فلفل احمر , ملعقة صغيرة فلفل اسود, سماق حسب الرغبة
رشة ملح

صحن فيلية دجاج
اعواد اسنان
بيض مخفوق
بقسماط ..
وحمرتة بالزيت .

كانيلوني السبانخ واللحم ..




مقدار الكانيلوني
يكفي 8 حبات ..
كوب حليب
بيضتين
كوب دقيق
رشة ملح + رشة فلفل اسود .. بالخلاط الكهربائي
ثم في مقلاة صغيرة نحط زيت .. وبفنجال القهوة ثلاثة ارباعة تصبين بالمقلاة ..
سهل حيل ماتوقعته بخلص منة بربع ساعة
مره الطبق اعجب اهلي وطعم الكانيلوني طعم المكرونة بس جاي لين وطري .

هذا شكله النهائي :


هنا بالحشوة .. قصيت اطرافة عشان تطلع بشطل كانيلوني :


هنا بعد اللف :


هنا قبل ادخلهم الفرن :


غلطتي حطيت جبن تشيدر
الافضل موزريلا عشان يذوب ويصير طبقة بيضا فوق صلصة الطماط .







فطائر الحزمة :



هنا اثناء الحشو :




الحشوة ذي احبها حيل
بصل اخضر + جبن تشيدر المراعي مبشور .