اهلا باهل الجود والكرم **اهلا بسيدات ليبيا**

[sosolibya]

السلام عليكم ورحمة الله وبركاته مساكم ورد كيف الكم عزيزاتي ,,

شن أخباركم ..

سلمهت أوشي الحبوبة أموااااااااااااااااه والله هذه أحلى بوسة ليك وحنطها الصورة ونقول إنها مشاركة منك ربي يحفظك ياغالية فرحتيني ..

[sosolibya]

أمولة الغالية الحلوة لمتك ماشاء الله تبارك الله لأن رب يحبك جاتك حلوة وراقية وكل حاجاتك تهبل ماشاء الله تجنن

سلم يديك وسلم ذوقك وكل اللقطات حلوة الطاجين وسياخ الفواكه وكله كله حلو ماشاء الله علي وحتى الكب كيك لقطته حلوة عقبال العام الجاي اديري لمة ثانية هههه إن شاء الله..

[أم أجنادين 80]

السلام عليكم كيف الحال

وشن اخباركم

[أم أجنادين 80]

تسلم ايديك خولة علي السمبوسة

والف لاباس علي حمودي سوسو

[أم أجنادين 80]

اوشي يسلم ايديك علي غداك

ااااااااااااااااااه سهفتيني في المقروض

[أم أجنادين 80]

علي سيرة الأكل بنات

امس درت براك " ضولمة " للبنات اللي معاي اثنين كوريات ووحدة من الأكوادور

تصدقوا المدرسة كلها قريب هجمت علينا

رغم ان البراك خضرة بس مافيشي لحم بس طلع يهبل درت جزء بالسلك والثاني بالملفوف

تبع الملفوف احلي لان سلكهم في طعمة قوية شوية سبحان الله وفي الوسط هداكا الطرف اليابس لونه احمر

عالعموم ودرت خبيزة الحلزونات ياحليلي انسيت اسمها

انا في العادة ندير فيها بالمفروم ممكن نزلتكم طريقتها قبل

بس نزيد نعاودهالكم

بصراحه مش عادية خصوصا لو بزبدة قولدينا هذه اللي باكوها اخضر وابيض في ليبيا

حيه عليا بديت ننسي

المهم 3 اكواب ونصف دقيق وملعقة صغيرة بكنج بودر وملعقة كبيرة خميرة بييرة وملعقتين صغار سكر وملعقة ملح
وملعقتين كبار زبدة بحرارة الغرفة
وكوب ونصف حليب دافي

وطبعا الطريقة البارح درت بيها بيتزا امطبقة جتني حلوة

بس بنات لازم تنفرد بالعصا رقيقة شوية لانها تنتفخ هلبة في الكوشة

وهذه الصورة

[أم أجنادين 80]

امممم خطرتي عليا الجمبري ام فراس هنايا رخيص الباوند ب 15 دولار

ديمة ناخدوا في نص لوجبة بس

حاجة خيال

شنو طريقتك ام فروسي للجمبري اللي حاطة صورته

حتي انا خديتها طريقة البيتزا ان شاء الله بنجربها

[أم أجنادين 80]

ماشاء الله علي لمتك امولة كاملة متكاملة ولا تعتبر بسيطة

لانك مش منقصة حاجة ربي يحفظك

وحلوة فكرة البوفيه المفتوح خصوصا لما الوحدة تكون بروحها ومافيش من يحط معاها في الصحون او يوزع علي الضيوف

وين جاراتك ليش ماجوش هما ليبيات

[أم أجنادين 80]

خولة انتي في ليبيا ولا مسافرة

ان شاء الله ربي يسهل ولادتك واديري لمتك علي خير

[أم أجنادين 80]

سامحوني لو انسيت اي منكم