عندي كيس دموي ع المبيض الايسر وبطانة رحم مهاجرة منو عدها معلومات عن هذة الامور

[نور الرافدين]

مساء الخير يا بنات


الي عدها معلومات عن بطانة الرحم المهاجرة و الكيس الدموي اوعدها كيس دموي وتعالجت منه اتمنى تفيدني
ومنو صار عدها حمل بعده؟؟

صار اكثر من سبع اشهر اتعالج وبعده الكيس ديصغر بس شي بسيط

اتمنى تفيدوني

[أميره مملكتي]

م اعرف والله بس حبيت ارفع موضوعك

[سناااااريا]

شوفي أختي الحبيبة لاتصدقين الكيس الدموي يروح بالعلاج مستحيل
اني كان عندي كيس مائي بس قياسه كبير 6سم والله بقيت اتعالج منه
4سنوات وماراح وصار عندي بسبب العلاج لخبطة بالهرمونات وضعف
بالتبويض لأن علاج الاكياس دائمآ تكون يامانع حمل يا مثبطات للتبويض
وبعد كل هذا العذاب سويت عملية ورفعوا الكيس والحمدلله خلصت منه ومن همه
وتدرين بسبب تأخير العملية طلع الكيس مسوي عندي الالتصاقات بين المبيض الي
كان هو عليه وبين الانابيب .. الاحسن حبيبتي توكلي على الله وسوي عمليه واخلصي
وأي سؤال اني حاضرة .

[نور الرافدين]

اشكرك سناريا اني الكيس العندي كان 6 بس هسه 3 ونص بالابر الزيلودكس
والدكتورة مالتي ماتقبل تعمل عملية تكول العملية تسوي تلصقات ..
ونوع هذا الكيس العندي يرجع

زين انتي صارعندك حمل بعد الكيس؟؟

[سناااااريا]

شوفي حبيبتي اذا تسوينها بالمنظار تسوي التصقات
بس اذا تسويها فتح بطن مايصير ان شاء الله طبعآ هذا كلام دكتورتي

اني صار 3 اشهر من سويتها ودكتورتي تقول هي مسألة وقت ان شاء الله
ويصير عندي حمل بس اني هسا الحمدلله ماعندي مشاكل تعيق الحمل
المشكلة عند زوجي عنده ضعف بالحركة .. والله المستعان.

[نور الرافدين]

سبحان الله ربي يسرلك وتبشرينا يارب

[نور الرافدين]

المشاركة الأصلية كتبت بواسطة أميره مملكتي

م اعرف والله بس حبيت ارفع موضوعك

مشكورة عزيزتي جزاك الله الف خير

[محبوبة ميمو]

كانت عندي نفس مشكلتك كيس دموي على المبيض يعني بطانة الرحم المهاجرة 7وعملت عملية بالمنظارمن 3سنوات والحمد لله بس للاسف ماحصل حمل
ان شاء الله تكوني بخير يرزقك بالذرية الصالحة

[نور الرافدين]

المشاركة الأصلية كتبت بواسطة محبوبة ميمو

كانت عندي نفس مشكلتك كيس دموي على المبيض يعني بطانة الرحم المهاجرة 7وعملت عملية بالمنظارمن 3سنوات والحمد لله بس للاسف ماحصل حمل
ان شاء الله تكوني بخير يرزقك بالذرية الصالحة

ياعمري انتي ربي يرزقك بالطفل عاجلا وليس اجلأ يارب

وشنو اخبار البطانة؟

اتمنى نتواصل مع بعض حته اعرف حالتج

[jojo 123456]

الله يرزقنا جميعا ما عندي فكرة