التجمع المغربي الجديد لتجديد الامل و مرحبا بكم من كل بلد

[أسيرة زوجي]

حبيباتي بنات المغرب أهلا و سهلا بكم في تجمعكم الجديد هنا تجمع للتشاور للطرح التساؤلات ،للتعاون، ،،،، إن شاء الله يكون تجمع خير و بركة يا رب الله يرزق كل بنات التجمع الذرية الصالحة في القريب العاجل يا رب آمين آمين آمين

[huyam]

يسعدني اكون أول من تكتب
مرحبا بالجميع و ان شاء الله ترجع اللمه كيف قبل وأحسن تحت شعار "سرسر يا غزالي "
كنبغيكم بزآاف مح مح عليكم

[chamcham]

اهلا بيك الزين لاباس عليك كاين شي جديد، قبيلة ياللاه كنت كنكتب لام محسن و ام مريم وهما يسدو التجمع بغيت نتسطا تنرفزت ههه
مرحبا برجوع ام محسن و م مريم تشرفت بمعرفتكم البنات فالتجمع لقديم كانو كايسولو عليكم بزاااف بالنسبة لطالبة انا مفهمتش علاش راهي موقوفة والله مفهمت وااااالو توحشتها و توحشت لبنات كاملين ايات،وفاء،ام جمال،ام توام،ايمان،حنان...........
الله يرجعهم على خير و يكون هاد تجمع لجديد خير علينا كااااملين

[يآ أرحم الرآحمين]

السلام عليكم
اش خباركوووم ألبنات


شنو كتعنيو بسرسر آغزالي هههههه

[يآ أرحم الرآحمين]

شمشم اش خبارك مع المريمية فين وصلتي!!

[chamcham]

اهلا سلطانة لاباس عليك ياختي شربتها عشرين يوم و حبست انا دابا فايام تقراق ههه زعما ايام تبويض ياللاه سالات مني الحيض و هاد شهر متاملة خير والله يجيب تيسير
و بالنسبة لسرسر يا غزالي زعما للي كيدخل كيعاود للي عندو و ملي تسولي شي واحد و خصوصا الا كان جديد قولي ليه هادالجملة حتى انا عاد قالو لي اشنو كتعني حيت كانت فالتجمع لولااااني ههه
و انتي اشخبارك اشنوهي التحضيرات لهاد شهر كاين شي وصفات؟ درتي لكلوميد ولا لا؟

[يآ أرحم الرآحمين]

ضحكتيني الله يعطيك شي خييير من عندووو
التقراااق ههههههههه حتى انا كنتسنى ايام الإباضة
ماخديتش الكلوميد هاد الشهر مازال مأجلاه شوية خايفة منو بصراحة

[يآ أرحم الرآحمين]

ايمتى موعد الدورة ديالك شمشم؟

[huyam]

المشاركة الأصلية كتبت بواسطة سلطانة زماني

السلام عليكم
اش خباركوووم ألبنات


شنو كتعنيو بسرسر آغزالي هههههه

اهلا سلطانه زماني لاباس عليك
التقراق و سرسر يا غزالي مصطلحات الحبيبه ام محسن
الله يحفظها ويفرحها

[huyam]

المشاركة الأصلية كتبت بواسطة chamcham

اهلا بيك الزين لاباس عليك كاين شي جديد، قبيلة ياللاه كنت كنكتب لام محسن و ام مريم وهما يسدو التجمع بغيت نتسطا تنرفزت ههه
مرحبا برجوع ام محسن و م مريم تشرفت بمعرفتكم البنات فالتجمع لقديم كانو كايسولو عليكم بزاااف بالنسبة لطالبة انا مفهمتش علاش راهي موقوفة والله مفهمت وااااالو توحشتها و توحشت لبنات كاملين ايات،وفاء،ام جمال،ام توام،ايمان،حنان...........
الله يرجعهم على خير و يكون هاد تجمع لجديد خير علينا كااااملين

اهلا شمشم الغزالة ديالي انا الحمد لله لاباس ولجديد هو رجعت البنات الغائبات
فرحت برجعتهم بزآف حيت عندي معاهم عشرة اكثر من عام وذكريات حلوه
وان شاء الله هاد التجمع الجديد يكون فال خير للجميع