المشاركة رقم: 11
المعلومات
الكاتب:
اللقب:
VIP
الرتبة:
الصورة الرمزية
البيانات
التسجيل:
Dec 2012
العضوية:
68174
المشاركات:
16,313 [+ ]
بمعدل :
3.44 يوميا
اخر زياره :
[+ ]
معدل التقييم:
219
نقاط التقييم:
4040
الإتصالات
الحالة:
وسائل الإتصال:
كاتب الموضوع :
sosolibya
المنتدى :
ملتقى عضوات حوامل
رد: حبيباتى سيدات ليبيا تفضلو لأعرف ما حالكم
اقتباس:
المشاركة الأصلية كتبت بواسطة اوشي
مشيت لطبرق الثلاثاء الصبح تغدينا في طبرق وبعد الغدا بدينا في تجهيز التطريفة لبست الاولاد وجهزتهم وجهزت نفسي لبست لبسة عادية قونة وسديري كحلي مع بدي بيج في بحري في كحلي وبدو الصبايا يجن عالمغرب بدينا بالتقديم مشروب راني عنب مع جواهر وبعدها كابتشينو مع معمول ايهبل ايهبل دايرته اختي ومقروض صقوعي بكل دايرته اختي الثانية وبعده قدمنا العشاء كسكسو بالتقلية وشربة وسلاطة عربية وامسير وشاورما دجااج وبيتزا ومشروب وبعد الشاهي وطقوسه طلعنا الكسوة والذهب وريناهم للحضور مع رقيص وشطيح والجو كان ايهبل والرجال كانو في المزرعة بنو فيها خيمة وخذو العشا امتاعهم غادي لانهم جايبين فرقة الفنان رمضان ونيس يعني اللي في الحوش كان نساوين بس وبهذا انتهي يوم التطريفة اليوم الثاني الاربعاء كان السياق .. اللي هو انودو فيه الحوالة والشبيزة لهل العروس مشن خمس سيارات فجعة .. فجاعي هههههههههههه فجعناهم وجينا مافيش حاجة اتسميها علي فمك الا وشلناها مع اربع ثنيان يعني الخرفان اللي قريب يقعدو كباش ومشينا في السيارات انا وخواتي كلهم الا وحدة وعماتي 2 وبنت عمتي ودرنا جو في حوش هل العروس وجينا وذبح باتي ودرنا عشانا ارز وجا يوم الخميس لبست الفستان الليليكي اللي قلت لكم عليه والمكياج والتسريحة كانو بسيطات لاني كنت بنوري الكسوة لهل العروس مشينا رمينا عليها وحنيناها وجبناها ... والعروس ماشاء الله تبارك الرحمن اية من خلق الرحمن اللهم بارك وخذيناها لحوشنا وصفقنا ودربكنا عليها شوية بعدها خذها العريس لشقتهم وجا يوم عزومتنا اللي هو يوم الجمعة كان الرجال اكثر عدد من النساء وقدمنا للرجال نفس ما قدمنا للنساوين نحكيلكم شن حطينا علي كل طاولة ترمس شاهي وبيتزا وطبق كنافة وبكلاوة وعصير اورجنال وسيزر ومشروب واطباق كبيرة موز وتفاح فاخر وقدمنا العشا رز الخلطة وكبة ونوع موالح طالع جديد مانعرفش مع لحم وعصبان وبالنسبة للخلوط او كان القالب فضي مربع من تحت ومن فوق ضسق اشوية ومربوط بنسترو ابيض ويحتوي على مكسرات وطرف شكلاطة مارس وباكوماستكة كبير مع منديل معطر وباكو عطر وطبعا البنات دارو جو ورقصو وشطحو وانا لبست العبروق كامل لونه نبيتي جا علي ايهبل لما خشيت القاعة وبدون غرور الكل قعد ايبهت فيا زطلت عالعروس خخخخخ والحمد لله تم العرس علي خير بدون اي خزعبلات وتعبت تعب لين كرعي مازالو يوجعو فيا لتوة وتوتة توتة خلصت الحدوتة
ماشاء الله اللهم بارك فرح امقنط بجد وهذا شئ معهووود في أهل امشرق أهل الجوووود والكــرم ,, شوقتيني لافراحنا اهئ اهئ... به ماجبتليش خلوووط واكيد ماشاء الله طلعتي بالعبروق نفس ماقلتــي.. خصيصا النبيتي روووعه ورمضان ونيس عاد عرب البيضااا شورهم هههه وعقبال باقي خوتك او خواتك الباااقين وعقبال ماتفرحي بعيالك ان شاء الله يارب وربي يدوم الافراح والمناسبات الجميله على غزالة الجبل
من مواضيع dr.loly
11-06-2013, 03:05 PM
رد: حبيباتى سيدات ليبيا تفضلو لأعرف ما حالكم
.gif "hwaml13")
dr.loly 
جديد منتدى ملتقى عضوات حوامل
العرض الشجري
