حبيباتى سيدات ليبيا تفضلو لأعرف ما حالكم

[اوشي]

[اوشي]

[اوشي]

جنودة ..

والله الا عندك حق وانا فهمت قصدك بس قلت يعني ممكن تطب في راس راجلك التوصيلة

فعدي وغيري جو

وكان مش في خاطرك المشية وهم مصرين يبو يمشو عطوهم السيارة وخلاص


وربي يردهم طيبين


والله ماعندي مانقول غير هذا لانهم شكلهم امتاعين واجب بكل

[اوشي]

وهذي صورة توت بري مازال ماطاب

[هدية الخالق]

شن الجو توا
ماشاء الله أوشي جو يهبل باين عليه
احني طلعة الاسبوع اللي فات والله ما ارتحنا في الشوي
لان الاجانب طبعا ما يمشيش معاهم الشوي عالارض
تعرفي بدينا في الطرحة الاولة جانا امتاع الأمن قال ممنوع
الشوي عالارض لأنه العشب يابس خايفين تولع فيه النار
قال امشوا في بداية الحديقة في طاولات وكراسي اشوو فوق
الطاولة لكن راجلي ما عجباتاش فكرة الشوي عالطاولة وسط الناس والزحمة
قالي ما ناخدش راحتي
معدش صار قعمزنا كلينا فواكه وحاجات خفيفة بس والشوا كملنأه في الكوشة
في الحوش

[أمل ليبيا]

السلام عليكم

جنودة كيف حالك ان شاء الله تكوني بالف خير بالنسبه لموضوع العرس ماظايقيش روحك ياحلوة لكن بغض النظر نحسها حتي الطريق مش امان من ناحية ورشفانه والاشتبكات لكن اهل زوجك اكيد يعنولهم هلبا مداما بيخاطرو ويمشو لذلك لو اطريتي معليشي البسي لبسة خفيفه وذهبك دسيه في شنظه اول ماتوصلي البسيه


تعرفي اني مرة مشيت لطرابلس بنشري حوايج عيد العشيه اتصلت عزوزي قتلي الليله عندك بيان وتوا عزموك ولازم تمشي المهم روحنا المغرب بالظبط شرطت عليا لازم نمشي وهذه عمته ومستحيل نفوتوها تعرفي اني عروس ليا شهرين مشيت لاحنة ولاشئ لبست وشاح وزيادة تقولي بندهمو ع عرس حماة بنتي ضروري وفعلا بعد ماحاولت نقنعها مانقدرش نمشي هكي مافيش فايده
لكن ناااااااااادمه والله لو يرجع الوقت للتالي مستحيل نمشي قصدي اوقات باش ترضي غيرك لازم تظغطي ع نفسك لكن مش لازم ديما تسايري

[أمل ليبيا]

اوشي كيف حالك وحال سنافرك ربي يحفظهم

ماشاء
الله الصور روووووووووعه حرااام عليك سهفتيني بجد في كل شئ والله جو يهبل ربي يدوم اللمة والمحبه بينكم ويدوم هالزرادي والطبيعه الحلوة

[أمل ليبيا]

هدية كيف حالك وحال بنوتك العسوله بالنسبه للزرادي حالي من حالك حتي احني نفس الشئ ممنوع وزي ماقلتي في الزخمة ماتاخديش راحتك احني واخدين شواية صغيره وكل مانذبحو نشوو فيها مرة مرة وخلاص

فعلا الشواء في ليبيا طعمه غيييييييير




وبالنسبه لموضوع الحمل توكلي ع ربي وان شاء الله ربي يرزقك فعلا فرصه انك غادي اهني الليبيات ماشاء الله في جرت بعضه لانه الاهتمام هنا لايعوض وزيادة الجنسيه وميزاتها لكن بتتعبي شويا ربي يعينك ان شاء الله

[أمل ليبيا]

ام فروسي كيف حالك ياغاليه وحال فروسه و اميرتك الولي ان شاء الله لاباس عليها حتي اني مع رأي البنات احتماااال عين ربي يحفظها ان شاء الله

[أمل ليبيا]

جي جي كيف حالك وحال رنودة ربي يحفظها وحال البيبي شن بديتي توتي وتشري والا مزال

وان شاء الله ربي يسهلك الحال وتغيري حوشك كيف ماتبي
وان شاء الله تمشي حجة بعد ماتنوضي بالسلامه انتي واميراتك قريب يارب