ساعدوني خايفه

[البريد الملكي]

هلا عزيزتي
ما عليك شر ان شا الله و المسألة سهلة و بسيطة و بالعادة الأكياس الوظيفية ما تأثر على الخصوبة إلا اذا كان حجمها كبير جدا و بالعكس بعض الأحيان وجودها مؤشر زين يدل ان الخصوبة ممتازة و المبيض نشيط يؤدي وظايفه بس انبهك لشغلة بالعادة ما يصير حمل الا بعد زوال الكيس و في حالات يحملون و الكيس موجود
و بالنسبة للعلاج
بالعادة الكيس الوظيفي يروح من نفسه خلال دورة او دورتين
و ممكن تاخذين علاجات تخفف الألم و بعض الأحيان الأطباء يوصفون حبوب منع الحمل عشان توقف التبويض و تمنع حدوث أكياس أكثر بس بالعادة ما يلجأون لهذا الخيار في حالة ان المرأة تبي تحمل
اما اذا الكيس ما صغر حجمه خلال فترة من ٢-٣ في هالحالة المفروض الطبيب يعمل تحاليل أكثر و يتأكد بالألتراساوند اذا كل شي طبيعي يوصف حبوب منع حمل او ممكن يستأصل الكيس جراحيا بس بالعادة هذا آخر الحلول اتمنى اكون اني افدتك
و ربي يشافيك و يرزقك بالحمل التام و الثابت و يعوضك عن طفلتك اللي فقدتيها