بنات انا أجهضت والحمد لله على كل شي

[سيران]

بنوتات،صرعتكن بقصتي بعرف وكله عالفاضي،بس الحق عليكون قولوا ليش؟؟؟لاني بكتبلكون اخر التطورات اول بأول وبنفس الموضوع اللي نزلته بكون وانتو مابتلاحظو..بقى تحملو مواضيعي كل يوم،لان قصدي انو مو ضروري كلما صار معي شي افتح موضوع وانزل،بكتبلكون ردودي بنقس الموضوع اللي نزلته وخلص،لك مو مشان شي،بس مشان المنتدى ما يمل مني،اي فهمنا مافي غير سيران يعني...
المهم انا قضيت مبارح اتعس ليلة بحياتي كلها كوابيس و نواح وانا بنومي عم ابكي ومغصصصص بالبطن متل الطلق (مع اني ماجربت الطلق)ووجع بظهري،و فقت الصبح عينكون تشوفوا،الفوطة غرقانة بالدم،المهم صار تقريبا متل النزيف بس الحمدلله انو نزل بوقت الدورة وما طول ببطني اسبوع ،والحمد لله على كل شي.وهلق انا مبسوطة ومتفائلة وجوزي مشان مااظلمه هالمرة،هو اللي لين الجو و حضنني و رجع من الشغل بكير وقللي بدي اشرب معك قهوة واروح،وقللي انا تعبان قلت لحالي برجع عالبيت بشوفك فبرتاح(شقد عقل النسوان صغير،لاتناقشوني وتقولوا قلبنا طيب لااااا هاد فعلا من صغر عقلنا منرضى ولو بعد جرح)المهم بحمد الله وبشكره انو نزل هلق احسن من بعدين،اكيد كان حمل ضعيف او في خلل لهيك ما اكتمل،وع فكرة هي مو اول مرة بتصير معي،يعني صار اجهاضين ما بيكتملوا ابدا
يعني يا بنات لو لاسمح الله كبر جنيني وصرت حس فيه وابني أحلام ويصير اجهاض شو فيني اعمل وقتها؟؟؟؟عسى ان تكرهو شيئا وهو خير لكم،بنات ربي رح يعوضني ورح يعرض كل وحدة خسرت جنينها بإذن الله وهي مو آخرة الدنيا

انا رجعتلكن من جديد ومتفائلة متل قبل ورجعت سيران الحبوبة البريئة ابوس قلبي،و قريبا كلنا حوامل وحدة ورا التانية ومنلتقى بقسم الحوامل ،يعني بدنا ننقل بيتنا من هون لقسم الحوامل حاجتنا اعراض حمل ووحام

بكرا احلى يا بنات،وكل عام وانتو بخير

عجب نسيت شي؟؟؟؟؟؟؟ لا مانسيت







ثواني..............




لالا مافي شي فضيت طنجرة قلبي ماضل شي








حياتي توأمي لاتضحكي كتير شايفتك




هههههه تسلمولي اذا عم تضحكوا واذا ماضحكتوا اقل الشي من باب المجاملة ابتسموا

[البريد الملكي]

الحمدلله على كل حال حبيبتي اي و هيك خلك مبسوطة و عيشي حياتك
و يارب يرزقنا و يفرج قلوبنا بالجمل التام في الوقت اللي يريده
تحياتي لك

[يآ أرحم الرآحمين]

هيك بدنا ياكي حبيبتي كلك حيوية و تفاءل
الله يسعد أيااامك و بفعلا احنا النسوان بعد زعـل كبيييييييير بننسى من أول كلمة حلوة أو حتى حضن دافي
الله يخليلك زوجك و يسخرو لك
وإن شاء الله راح يرزقك بالحمل الثابت اللي تفرحي بيه

[اميرة سلطان]

معلش حبيبتي احنا بالهوا سوا و عم بنواسي بعضنا انا جنيني هالك من زمان بس كنت حاسة باعراض الحمل و موعدي كمان اسبوع انزل لانو ما نزل لحالو ما بعرف ليش
و الحمد لله على كل حال
و ربنا يكتبلنا اللي في الخير انا و انتي و كل البنات يا رب

[ميوووش محمد]

ربنا يفرح قلبك ,, الله يعوضك خير

[رياحين علي]

ربي يعوضك قريب ..
خليكِ دوم متفائله .. و عيشي حياتك ..

[Josy]

الله يعرضك يارب ويعوضها يارب يارب يارب

حبيبتي ليش ماتروحي تساوي تحليل الأجسام المضادة والتكسوبلازما

وشوفي لو عندك نقص حديد بدمك

الله يوفقك يارب ويرزقنا جميعا ذرية طيبة بها الشهر الكريم يارب يارب يارب

[عائشه مصطفي عمر]

ربي يرزقك بس ضروري تعملي تحاليل اذا كانت فصيله دمك سالبه فقد يكون هذا الدي سبب الاجهاض ع مهم تاكد وان شالله ربي يفرحك عن قريب
انا مشتركه جديده بالمنتدي ماصارلي الشرف اني اقرا مواضيعك حتي اني لا اعرف كيف اكتب موضوع ابحث عن اضافه مشاركه ولا اعرف وين ع عموم صيام مقبول

[أم.محمد]

يا قلبي الله يعوضك بأحسن يارب الله يجبر بخاطرك خلال هذا الشهر يارب ونحن معك.
هذه فرصة لنا بهذا الشهر ندعي بقلب خالص لبعض ولكل المسلمين والمسلمات بالحمل السليم
الله يرحمنا جميعا ويفرج همنا يارب

[وسيمو محمد]

ربنا يعوضك يا روح قلبي إن شاء الله تحملييييين عن قريب
لا تتشاأمين
رب لا تذرها فردا و أنت خير الوارثين