وقت الطلق وين كنتي؟ دخلي وقولي لنا عن تجربتك

[شهآليل]

المشاركة الأصلية كتبت بواسطة habo0ob

قصتك حلوة شهاليل وولادتك سريعه الأحداث
خوفتيني فقدتي الوعي أجل الله يسهل عليناااا يارب

ههههههههه انا اختصرتها بشكل ماتتصورين يعني مثل ماتقولين جبت الزبده

اي والله فقدت الوعي والممرضات صاروا يضغطون على بطني وشوي اصحى وافقد الوعي لما طلع ولدي الا اززززرق منخنق المفروض يطلع من زمان


بس الحمدالله قمنا بالسلامه

[أم تااالين]

لانك مادفعتي وقتهااا اغمى عليك ههههههه
بس الحمدلله على سلامتك وسلامة النونو

عقبال الجميييع بولادة سهله ااامين

[أم ح ــنونـہ]

انا ولادتي الاولى كنت في المستشفى متنومة عشان ضغطي كان عالي واعطوني طلق صناعي
وولدت بعد 8 ساعات بحنونة حبيبة ماما ♥ والحمد لله على كل حال
اما ولادتي الثانية من اول ما قمت من النوم حسيت بوجع في ظهري غريب مو مثل اللي متعوده عليه طول الشهر التاسع
وعرفت على طول انه بداية االطلق ورحت اخذت شاور بموية دافية وصليت العصر
وبس جيت اتغدا الا الالم يجي بقوة مره ونزلت دموعي من غير ما احس
وعلى طول اتصلت بزوجي يجي ياخدني للمستشفى
وطول الطريق الالم يزيد وانا احاول اتحمل قد ما اقدر وما صرخت ابد
وبس دخلت المستشفى ساعة كده واخدوني لغرفة الولادة
وبعد 3 ساعات ولدت الحمد لله وجات دودو حبيبتي على الدنيا ♥

[فطوومه]

انا كنت رايحه موعدي الاسبوعي مع الدكتوره ورايحه مبهدله ع اساس موعدي الاسبوعي اللي تعودت عليه المهم دخلت عند الدكتوره وقالت يلا نقيس الضغط وشوي الا تفز يلا طلق صناعي ؟!! الضغط كان عالي جدا ودوني عرفه خاصه وجات وعطتني تحميلة الضغط وبدا الالم 12 بالليل وكان ياويلي الم مو طبيعي واللي مستغربه منه كان الم متواصل جات دكتورتي الفجر وقاست لي قالت 2 سانتي وتميت لين الصبح وانا اصارخ وبموت منالالم والدكتوره تقول طلقج مو حامي ابد جابت لي طلق في الوريد وانا انتهيت خلاص تميت ع المعاناه لي 2 الظهر والرحم 4 سانتي بس .. وقالت لي خلاص عمليه ودخلت قيصريه للاسف .. شفت الموت واخر شي قيصري الحمدلله ع كل حال .. تخيلو من الحين افكر اذا حملت شلون بولد تعقدت ههههه

[أسوووم]

أنا ولله الحمد جاني الطلق وانا نايمه عند اهلي أنا ولدت الخميس والربوع كنت كاشفه عند الدكتوره

وقالت فاتح 1ونص وقالت يمكن يومين 3أيام وتولدي أمي قالتلها يمكن بكره قالت يمكن

وسبحان الله كلامي أمي الله يجعل الفردوس مكانها صح

وصحيت الساعه 9الصباح والطلق وراااا بعض موووت

ورحت ولدت الساعه 2الظهر والحمدالله

وشرفت احلى واغلى ريوم ربي يحميها

ودحين خااايفه من الولاده الله يسهلها يااااارب

[يغار الحلى]

لﻵسف ماحسيت بالطلق ﻻن نقصت موية الجنين و راسها مو بالحوض

وخوفوني ﻻن المويا ناقصه يمكن تتشوه يمكن تموت و استخرت و اني اسوي عملية

و رحت و دخلوني وانا بعقلي هههههههههه مامعاي ﻻ الم وﻻ شي

بس ااااه بعد الوﻻده الم العملية شي مو طبيعي الحمدالله

بالله ادعولي اولد طبيعي والله حتى ماعندي احد يساعدني الله يستر يارب واجيب

طبيعي وارتاح .. حتى زوجي كان هو الي مرافق عندي و بنتي ماعرفت ارضعها

الحمدالله بس على كل حاال ..

[ام عبد االرحيم]

قريييييت الموضوع كله يهببببببببببببببل وان شاءالله اولد في القريب ونجي نحكيلكم قصتي ادعوووووووووولي ربنا ييسرلي ولادتي