تجمع رعاية المولود من شهر 4 إلى شهر 6

[اموووووول]

المشاركة الأصلية كتبت بواسطة يارحيم

عندي خلودي الله يحفظه.. لا لسا ماعطيته شي بستناه يكمل ست شهور بعدين بعطيه زي ما قالي الدكتور..

ربي يحفضه ويخليه لك يارب
انا قالت لي الدكتوره ابتدي ااكله سريلاك بالارز

[يارحيم]

اخباركم بنات واخبار النونوات؟

ابشركم ولدي قلب اليوم ههههه فجأة كان على بطنه وانقلب عدل نفسه :)

[Mishael]

مشااالله تباارك الله اللف مبروووووك ،، يمكن ينسهى كم يوم بعدين يرجع يسويها ،،
وعقبال ريوم هالخوافه صايره تزحف على ظهرها هههههه

[آم ريفـآل]

صبآحآت آلعسل
بنتي ريمآ بدت تقلب يمين يسآر ...
و بمآ آنهآ مآ رضت تشرب حليب صنآعي .. ف لدكتور قلي آبدآ ب سيريلآك و شوربه خفيفه لين آرجع م لدوآم

[يارحيم]

وشلون تزحف على ظهرها يعني تدف برجلينها؟؟ ياملحها هي ومزاجاتها بس..

[ياهم ربي كبير]

اهلين يا حبايب

شلونكم ؟؟؟

المشاركة الأصلية كتبت بواسطة شهآليل

اي يارحييييم فديتك والله


زينب هلا ومرحبااااا اجل احملي خليك معي ههههههههههه

ههههههههه لا لاتفاولي علي ههههههه لسا مش مستعدة نفسيا وجسديا

المشاركة الأصلية كتبت بواسطة يارحيم

زنوووبااا يا قددددمك قربنا ننساك هههههه امزح معاك قبل كم يوم جيتي على بالي وقلت اكيد مشغوله مع قريبتها النفاس..

شكلك مارحتي لاهلك لسا.. اكيد بيموتون ويشوفون نور :) انا الحمدلله رجعت السعودية بس يعني نفسيتي تعبانه شوي لان كل شي تغير علي ويبيلي اتأقلم ولسا ما استقرينا ومحتاسين..

خلودي بيصير خمس شهور بعد كم يوم وللحين ما ياخذ الا حليب عاد قبل رمضان باسبوع ببدا اذوقه الاشياء عشان على ست شهور خلاص يبدا ياكل ان شالله..

مب مستوعبه انك للحين ماركبتي لولب وعايشه على العد يعني لو تتخربط دورتك مرة حملتي.. واضح انك بتحملين قريب وشكلك ودك ههههه.. حنا كنا ناوين نمنع الحمل لمدة ست شهور بعد الولاده وبعدها نوقف المانع على اساس يمكن الحمل ياخذ وقت ولو احتجت علاج يمديني ما اتأخر لكن فجأة غيرنا راينا لان الظروف الحين ابد مب كويسه ولو حملت على طول بنتوهق بالبيبي الجديد.. قررنا ننتظر لين تضبط امورنا ونستقر ببيت لنا وساعتها نوقف المانع.. يعني يمكن بعد ست شهور كذا.. انا ابغا اثنين ورا بعض لاني قعدت فوق خمس سنين ماحملت والخطه كانت اثنين ورا بعض اذا ربي سهل..

اهلين يا رحيم انتي اللي اكثر شيء اشتقتلك ولسوالفك هههههههه

ايه رحت لأهلي هالجمعة الحمدلله ، سوري نسيت اذكر هالشيء المرة الماضية هههههه

الحين قاعدة مرتااااااااااااحة و فاااااضية ع الآخيييير ، تصدقييين كأني مش والدة هههههه
لان نور مرة مع امي ومره مع اختي ، يأكلونه ويشربونه وينيمونه ، وانا مرتاحه ما اصدق خخخخخ
مادام ما يرضع نهائي مني خلاص ارتحت منه ومن مسؤولياته <--- شريرة هههههههه

ايه صحيح ، وقفت الرضاعة عنه لما صار عمره 6 شهور ، لان من عمر 3 شهور رفض يرضع من صدري وثلاث شهور وانا اشفط له فــتعبت مرررة وصدري صار لين مرررة وخفت ينزل ويبشع ، فـ وقفت الشفط وبديت عليه الأكل ، فطور (سيرلاك) غذا(خضروات مهروسة مع رز او دجاج) والعشا(فواكه مطحونه) واعطيه الصناعي بعد كل وجبه ..

المهم ، هو الحين كبر ماشاءالله وبدأ يتشقلب من عمر 4 شهور تقريبا 5
والحين يجلس !! :) حماتي والدة زوجي الله يخليها لها الفضل في ذلك لان جت لنا وعلى طول قالت لازم تعلمون الولد يجلس ماتخلونه على طول بالارض نايم ومنسدح ههههه فـ بدت تجلسه وتحط حوليه مخدااات وبعد اسبوعين تعلم الجلوس ، بس لو ضل جالس مدة يتعب ويطيح ههههه
وشريت له مشاية يمشي عليه بس بحركات مضحكة مرة ع الجنب ومرة ورا هههههه يحاول يمشي بس يروح ع جهات ثانية

بالنسبة للمانع ، سويت مواعيد كثيرة وكل موعد تيجيلي ضروف او انشغالات واضطر اغير
وبعدها كنصلت كل شيء وقررت امشي ع الحسبه
والحين انا بانجلترا عند اهلي ومادري بضل شهر او شهرين وارجع ع الاغسطس ..
بس عندي شوية شكوك ، تدرون احس كان في حركه ع الخفيف في الرحم !!!! بديت اشك !!!!
شو بيكون يا بنات ؟؟؟ معقول حملت ؟؟؟
والدورة تجيلي !! على عكس حملي بـ نور ، الدورة ماجتلي وهذا كان الدليل الكبير ع الحمل


وانتي ان شاء الله تضبط اموركم وتستقروا عشان تبدؤو تخططو لـ بيبي رقم 2 :)

المشاركة الأصلية كتبت بواسطة هوادي***

ياصبااح الورد للحباايب

وحشتووني

زيزززووو يانذله وين هالمده

احسبك اختفيتي


وش قصة نوور..؟؟؟؟؟؟؟؟؟؟؟؟

ولدك مو ابراهيم...؟؟؟ وش القصه

يا هلا يا هوااادي ، قديش اشتقت لك يا حرمة هههههههه
والله ظروف وانشغالات

ههههههههههه شكلك انتي اللي مختفية وماتدرين ع التطورات
الكل هنا يدري بقصة نور
القصة ومافيها ، والد زوجي توفى الله يرحمه ، وزوجي قرر يغير اسم ابراهيم ويسمي البيبي على ابوه (نور الدين) بس انا فضلت نور لحاله ، لان نور الدين مررة كبير عليه هههههه
وش اخبارك انتي والنونو ؟؟؟؟

[ياهم ربي كبير]

مشاعل بنتك كملت السبعة شهور ؟؟؟

[يارحيم]

موضوع ممتاز للي يرضعون طبيعي برمضان..

http://forum.hwaml.com/t262248.html

[يارحيم]

زنوبا ياحبيلك انتي وسوالفك بعد.. ماشالله تطورااات كثيييرة عند نووور.. اجل ياكل ويتشقلب ويجلس :) طيب بدا يسنن ولا لسا؟

ياحلوها جلسة الاهل.. انا كذا لما ازور اهلي ما كاني خلفت حتى تغيير الحفاظ يغسلون له ويغيرون له.. مرة فرحانين بجيتي :)

مالومك بطلتي شفط مرة متعب والحمدلله اخذ حليبك ست شهور ممتاز ماشالله انا قاعده استناه يصير سته على احر من الجمر عشان اوقف رضاعه ههههههه لان قريت وبحثت كثير وتبين لي ان ست شهور فترة كافيه للرضاعه الطبيعيه ويكون الطفل بنى مناعته واستفاد.. بعدها ابدا اركز على الاكل المفيد وارتاح انا من هم الرضاعه ومسؤوليتها.. طبعا قلت الرضاعه الحين كثير صار ياخذ من ثلاث الى اربع رضعات صناعيه باليوم ويرضع مني مرتين او ثلاث بالكثير واحيانا بعضهم مشفوطات.. وقل حليبي مرة لاني دخلت الصناعي بكثرة وصرت اعتمد على الشفط اكثر.. توني من شوي كنت اشفط وطلع لي نص اللي كان يطلع اول.. يمكن استمر لين يكمل ست شهور ويمكن ينشف صدري قبل ماعرف وش بيصير..

صديقة لي حامل الحين وقاعده تشتري اغراض البيبي وتسألني اساله عن البيبي وفجأة حسيت اني خبيرة هههههه عشت الجو وقعدت اعطي نصايح واتفلسف ههههههههه بس بيني وبينكم جاني شعور غريب رحمتها شوي وحسيت براحه اني عديت مرحلة الحمل والولادة والنفاس وزحمتها.. صراحه اول شهرين من عمر البيبي مرررررة متعبه.. الله يكون بعونها بس ما اشتهيت احمل ابددددد!!!!

[جروح الحب]

السلام عليكم
كيف الحال
وحشتونى