هنا تجمع الحوامل الي ولادتهم في ذو القعدة 1434

[Dana]

انا نفس الشي بس بطني كبر شوي وإلا جسمي متل ماهو
بس عادي لأنه من بعد الشهر السادس بتبدأ الزيادة في الوزن اكتر وحتى البطن بصير يكبر اسرع

[صافو]

ميمي حبيبتي لانك بكرية هيدا شي عادي ما رح تلاحظي كثير تغير بجسمك ،،
بتعرفي انا رغم انه هيدا الثالث بس.وزني حلو زائدة 4 كيلو بس
والزيادة كلها في بطني وصدري ممتلئ جدا

[ميمي 17]

الله يحفظكم صافو و دانا
مين بدات تحظر اشياء النفاس
مرات ادخل قسم النفاس ادوخ من كثرة الخلطات وجداول الي حاطينهم الاخوات ومابعرف شو اتابع

[Dana]

والله يا ميمي عنا بالاردن ما بستخدموا اي خلطات ..
عنا اهم شي القرفة والشوربات المتنوعة المفيدة وبعدين الرياضة ..
انا ببنوتي ما استخدمت اي نوع من الخلطات .. والحمدلله. ما تغير علي شي.. المهم اكلي كان منيح ومفيد

[ام اية]

المشاركة الأصلية كتبت بواسطة اطخم بنت

ام ايه متى موعدك خل نشوف ايش فيك ويارب يحقق مناااك

امييين حبيبتي تسلمي على دعوة موعدي ان شاء الله 3/6 ميلادي

المشاركة الأصلية كتبت بواسطة dana

ام آية والله الغدا طلع كتيييييير زاكي ... تمنيتك معنا


اطخم بنت هلا فيكي ... كيفك
انا وام آية ومنور لسه ما عرفنا جنس البيبي

تسلمي حبيبتي بصحة والعافية كلك زوق ياعسل

المشاركة الأصلية كتبت بواسطة فوفو89

يسعد مساكم يا حلوين

دانا
صحه وهنا ع الغدا
انا من فلسطين من نابلس .. وانتي ؟؟


ام اية
صحة وهنا ع الطاجين


خواتي بدهم ييجو عندي سهرة .. وانا نعسااااااااااااااانة
ما بعرف ليش من اول الخامس ل حد الان وانا بنعس كثير
بالنهار بنام مرتين
في حد مثلي ولا انا بس هيك ؟!!!!!!

صحة على قلبك حبيبتي تسلمي

المشاركة الأصلية كتبت بواسطة صافو

مساء الورد صبايا
تسلمولي يا رب حبيباتي
دانا اهلا فيكي يا البي منور بوجودك الحلو تسلميلي ، باذن الله رح اسمي ابني ( علي) ..

فوفو حبيبتي انتي اهلين فيكي الله يسلمك
لا يا البي هيدا ماشالله رقم 3 هههههه ، عندي سارة ومحمد :) ، وانتي بكرية ؟

بنت النور تسلمي يا البي اهلا فيكي ويتمم لكي وللجميع يا رب

ام أية الله يبارك فيكي حبيبتي شكرا كثير الك

ميمي يسلملي البك النور نورك يا حلوة

منورين اهل فلسطين والأردن حبيباتي وكل الصبايا
انا من لبنان :) وعرفت شو معي من الاسبوع الخامس عشر ومعي صبي

باقي الصبايا أبقوا بشرونا شو طلع معكن ، مع انه هلاء فيها الدكتورة تعرف جنس البيبي بسهولة

ماشاء الله حلو اسم علي ان شاء الله يتربى فعزك حبيبتي

[صافو]

تسلميلي ام أية حبيبتي

ميمي نحنا كمان عندنا بلبنان مثل دانا ما في عنا خلطات ولا شي
انا بولّد عند أهلي وماماالله لا يحرمني منها
بتعملي شوربة خضار مع لحمة موزات هيدي الشورية كثير مفيدة لفترة النفاس
وكمان بتعملي مغلي مع المكسرات (لوز وصنوبر،،، لإدرار الحليب باكل كاستين منه بالنهار
وعصير رمان وبشرب شاي اخضر ونعناع ساخن .. بس هيك
لا تحتاري ولا يدوخ رأسك ولا تاخدي خلطات ، بس اهتمي بأكلك وخدي اشياء مغذية
وبيمشي الحال

[حكآية ليل ~]

صباح الخير ياحلوات

بنات ابغى حل لالم المعده حييييييييل ذبحني ورحت للدكتوره واعطتني علاج مدة اسبوع وارتحت عليه بس من تركته رجع لي الالم

والله حيل تعبني الالم شو الحل ؟

[بنت النورر]

جمعه مباركه صبايا
كيفكم ان شاءالله كلكم بخير
ميمي احنا كمان بفلسطين مابنحضر لفترة النفاس بس بنهتم بأكلنا يكون مفيد وصحي
يعني ماتاخدي كتيير بالخلطات وتتعبي حالك
انا بلاحظ بدول الخليج كتير بيهتموا بفترة النفاس وبصممولها مفارش وغرف وخلطات وحوسه
احنا عنا بس اول اسبوع بيهتموا فيكي وبعدين بنرجع لبيت ازواجنا وبنرجع لحياتنا الطبيعيه
حكاية ليل مابنقدر نوصفلك شي من عنا لازم تستشيري طبيبك لانك حامل لازم اديري بالك
الف سلامه عليكي الله يشفيكي ياااارب

[فوفو89]

يسعد صباحكم يا حلوين

جمعة مباركة

كيفكم اليوم


صافو
الله يخليلك اولادك يارب وتشوفي علي ع خير يارب
انا بكرية وحامل ببنت وان شاء الله قررنا نسميها رزان


بنت النور
انتي من وين من فلسطين ؟


باقي الصبايا كيفكم وكيف الحمل
شو ناويين تعملو غدا اليوم ؟؟
انا بدي اعمل صينية كفتة بالبندورة ممممممم بموت عليها اتفضلوووو

[بنت النورر]

فوفو انا من غزه

انا اليوم بدي اطبخ سمك وصياديه رز كتيير بحبها
الكفته كمان كتيير طيبه صحتين وعافيه ياعسل