يا ريت حد يساعدنيييييييييي

[nor alhoda]

يا ريت حد يساعدنيييييييييي

والله انا زعلانة منكم كتيييير, لاني قبل يومين حطيت موضوع اسمو من فييكم مثلي بس مفيش حد افادني مع اني كنت محتاجة لاي نصيحة منكم, عشان معنديش حد استشيرو، بس معلش

امبارح عملت تست منزلي و طلعلي خطين من اول دقيقة في الاول ما صدقت نفسي قلت اكيد الجهاز خربان , و جبت جهاز تاني و عملت تست برضو نفس النتيجة خطين واضحين من اول دقيقة قلت اكيد انا حامل مهو مش ممكن اعمل اختبارين و تطلعلي نفس النتيجة

النهاردة الصبح رحت عند الدكتورة و حكتلها عن اعراضي و قالتلي ممكن تكوني حامل
عملتلي تست بول اكرمكم الله و عملتلي سونار داخلي و خارجي
والعجيب انها ماشفتش اي حاجة قالتلي مفيش اي حاجة واضحة ممكن تكوني حامل ممكن لا لان الجنين مابيبنش الا اذا كان في الاسبوع 7 ؟؟؟؟؟؟؟ فهمتو حاجة ؟؟؟؟
و قالتلي لازم تعملي تحليل دم عشان تعرف الالم اللي بحس بيه ديما جاي من ايه
طبعا لما قالتلي كدة زعلت جدا جدا جدا و عيطت ب طريقة غبية اوي حسيت كإنو حلم جميييل و فقت منوو ، احساس مش عاوزة اي واحدة تحسو

ياريت حد يجاوبني و ماطنشونيش زي المرة اللي فاتت

[نَيرُوز]

الف الف مبروك حبيبتي خلاص انتِ حامل مدام طلعلك في التحليل ايجابي

دايمآ تحكيلي صيدلانية التحليل المنزلي لو ايجابي مايخطآ بس لو سلبي قابل للخطأ لان احيانآ مايبان هرمون الحمل الا بعد كم يوم بتأخر دورة

اما لو ايجابي ان شاء الله حامل اهتمي بنفسك ولاتفكري في موضوع وغيري دكتورتك وحللي دم

وياااااااارب حامل وعقبالنا الحمل يارب

[ام بودى الصغير]

انتى زعلانه ليه انتى فعلا حامل بس الجنين لسه مظهرش فى السونار انا كمان مظهرش جنينى اول مرة رحت للدكتورة ولا تانى مرة تالت مرة غبت اسبوع ورحت ظهر ما شاء الله اللى حصلك عادى خالص انتى افرحى واحمدى ربنا وادعى ربنا يتمملك على خير ويثبت حملك والف مبروك ليكى

[nor alhoda]

برضو مفيش حد يطمني ، بجد انا زعلانة

لما بشوف واحدة حاطة موضوع انها حامل بلاقي تعليقات كتييير اوي و بالهبل كمان
بس وواحدة زيي محتاجة مساعدة ولا حد بييعبر

[نَيرُوز]

نور حبيبتي انا رديت عليكِ

[zena ahmad]

الف مبروك
الاسبوع السابع تقريبا شهر ونص
الله يثبت حملك ويفرحك بشوفت طفلك
الله يرزقني ويرزق الجميع

[nor alhoda]

ام بودي حبيييبتي اشكرك جداااا علي اجابتك يااارب تطلع النتيجة ايجابية

والله مش عارفة افرح ولا ازعل

[nor alhoda]

نيروووز حبيبتيييي اسفة و الله . اكيد انا مش زعلانة منك
زينة اشكرك يا رب يرزقك و يرزق كل محرومة يا رب

[عبير الحرية]

حبيبتي ما تزعليش نخلفهالك يارب

انا اقل انك حامل باذن الله لانه مستحيل يظهر الخط الثاني و ما يكونش في حمل

حبيبتي السونار في بداااية الحمل صععععب خاصة لما تكون المثانة ليست مملوؤة جيدا

استني يومين و روحي كرري سونار و انت شربة ماء كثير حتى تظهر الصورة للطبيبة و شوفي طبيبة شاطرة

ربنا يتمملك على خير و يرزق كل محرومة ياااارب

[الطير الحزين]

ماشاء الله حبيبتى
حامل باذن الله بس طبيعى الكيس مايبنش بدرى كده وممكن يكون الحمل حصل متاخر
اصبرى شويه وارجعيلها تانى هيبان ان شاء الله
ربنا يتمم ليكى على خير