دردشة بنات فلسطين, دردشة حوامل فلسطين, تجمع بنات فلسطين

[احساس أنثى]

هههههههههههههههههه ليش تشيلي بس صحنك ؟؟ مش حلوة ولا انتو متعودين هيك

والله ياسما الكهربا من الحكومه الرشيده ... مش من اسرائيل بقطعوها بحجة مافي سولار بس هادي سياسه الله ياخدهم ومع هالرمضان سار جدول القطع منيل اكتر من اول ... ربي يجازيهم ...

والله ياحرام مبارح شفت قصة واحد عايش بالمعسكر عندو طفل مولود جديد معاه ياحرام حساسيه جامده ومابعرف ينام الولد الا على مروحه بقول لمابتقطع بشتغل انا ومرتي نهوي عليه شوية انا شوية المدام ...

حسبي الله ونعم الوكيل ...........


بالنسبه لسؤالك الأول مابعرف بس التاني انا بعرف عادي مادام مش متعمده ونسوه عادي كملي صيامك ... ربي يتقبل منك يارب

[maisa odeh]

المشاركة الأصلية كتبت بواسطة بينك روز

هلا حبيبتي احساس
نهارك سعيد حبيبتي
انا مش خايفة من المشي
بس امبارح لما مشيت حسيت بضغط جامد اسفل بطني وعظمي اسفل بطني كتير بجعني
لدرجة اني ما قدرت اروح على البيت وصرت اعيط بالشارع
زوجي حزن عليه وطلب سيارة تروحنا
والله والوجع لهلا بس اخف من الاول
انتي كيف بتحسي لما بتمشي

مرحبا بينك كيفك اليوم انشالله احسن من امبارح حبيتي مش ضروري تمشي كتير بالتاسع كتير بنسمع انوه لازم نمشي بس بالاخر قرأت مؤكده مش حكي نسوان كبار انوه مش اهم شي المشي مجرد صلاتك هيه رياضيه ممتازه لتمارين الحوض وبالنشبه للمشي امشي بس بهدوء وما اطولي لما تمشي
حبيتي لا تخافي لانوه صار معك وجع اسفل بطنك هادي اسمها توازين نهايه الحمل بتخفف كتير عنك انشالله وئت الولاده وشغله وجع عضم الحوض هدا لانو راس الجنين صار باسفل ابحوض وهدا اشي كتير منيح يعني ان الله راد راح تولدي طبيعي ب ازن االله وبكون ما تخافي حبيتي ومن هلا بما انك فتي بالتاسع كلي كتيررررررررررررر تمر وكل ما تحسي بوجع ببطنك اشربي كمون ازا زاد الوجع بكون معك طلق ولاده بس ازا راح بكون طلق كاذب

وشغله اخيره مشان تميزي الطلق الحقيقي بكون الم ب اسفل ضهرك وبلف على ضهرك وبكون اهم شي مننتظم يعني لما تحسي بهيك وجع بلشي عدي ع الساعه ازا كان الوئت منتطم انتي بحاله ولاده وما تخافي يعني تفكري انوه من اول ما يصيبك وجع معناتو بدك تولدي ازا كنتي بكريه بطولي وئت كتير يعني بتزكر ب ابني البكر بلش الضهر يومها خلصت غسيل ورتبت الدار ورحت عند اهلي وتغديت ورحت لما كان بين الطلئه والطلئه 5 دئايئ وكانت الساغعه 7 المعرب وبس فتت بعد ساعتين ولددت يعني ازا كانت امورك تمام حبيتي ما تستعجلي وتروحي ع المشفى لانو بالبيت بضلك ائادره تتحركي وتروحي وتشربي ميه بس ازا صرت بالمشفى بتنامي ع السرير ومتعبه كتير هادي نصيحتي الك وبرضوه اسالي اللي كانو ائبلك حوامل بالعيله راح يحكولك حكسيي صح ويا ربي نسمع عنك خبر الولاده عن ائريب وتحكيلينا عن ولادتك وتكون يا ربي سهله وما تحسي حالك الا والده

[maisa odeh]

المشاركة الأصلية كتبت بواسطة سما الدنيا

سؤال فقهي .....
هلاء انا مبارح صمت وقبلها بيوم اتحممت باليل من شان اطهر عالسحور بعد ما ادن الصبح اكتشفت انو لساتو في بقايا منكير عاضافيري ومش كاينه شايلتهم هل انو اطهرت ولا لاء..وجاز اصيامي وصلاتي لانو مسحتهم عالسحور وكملت عادي وبنفس اليوم اجيت بدي اشرب الولد مي اشربت منها لحتا اشوف كيف برودتها منيحه ولا لاء...هههههههه مضيعه اعذروني اول يوم الا الواحد ينسا..

سماااااااااااااااااا حبيتي بما انك ما كنتي منتبهه ربنا ما بحاسبك متل حكم النسيان وبالزبط شربك الميه بما انك كنتي ناسيه انشالله ب اذن الله ما عليكي اثم

[سما الدنيا]

هلا اميسا منورة يا عمري...الله يتقبل من الجميع

[maisa odeh]

احساااااااااااااااااس انتي بضلك تحكي خواصرك بوجوعكي اشربي ميه ائد ما فيكي بعد الافطار لانوه احسن شي بلا ما يسير عندك حرئه بالبول لانوه احسن شي الميه حبيتي وما تحكي زهئت ائد ما رحت ع الحمام لانوه هدا بنضف المسالك البوليه عندك وبمنع يسير عندك ترسبات واملاح والتهابات انتي ب اي يوم بالتاسع وازا شفتي كلامي ل بينك روز استفيدي منه لانوه جد عن خبره تلات اولاد ههههههههههههههههههههههههه ويا ربي تئومي بالسلامه

يعني ما تنسي شو حكيتك اشربي ائد ما فيكي ميه احسن شي من كل السوائل الميه للحامل \

اكيد الدين ما بسير نشدد فيه لانوه الدين يسر مش عسر



انا ما بروح كتيرعلى عزايم رمضان لانوه هوه الشهر الوحيد اللي بئدر زوجي يجي ياكل معنا على الاكل بالايام العاديه ما بجي على فتره الغدا لانوه طبيعه شغله محل وبضل طول النهار رزئتوه وبدوه يدير بالوه عليها فبستغل تئريبا كل شهر رمضان مشان ياكل مع الولاد والله لمه العيله ما بعدها لمه ازا من البدايه علمتي ولادك على اللمه بضل معهم للكبر هيك انا بشوف ما بعرف ازا صح

[سما الدنيا]

الله يعينكم يا احساس ..بجد اشي بيقهر حكومة واليهود يعني من وين بدكم تتلقوها...بس يا رب مااضلو عهالوضع كتير لسا اليوم بفكر فيكم بحكي طيب كيف بتخبزو وبتطبخو لانو مرات الاكل بدو فرن وبتنامو بالليل والشوب والله قلبي معكم...
الله يعينهم عحالةابنهم يعني بجوز ما بنامو الليل منشانو الله يشفيلهم اياه والله صعبه...الله يحل امورنا جميعا يا ربي..
يلا هانت يا احساس انشاء الله عن قريب بتشوفي زيوده واتقومي بلاسلامه انتي وياه

[سما الدنيا]

اها صح يا يا ميسا ما في احلا من لمة العيله وانا هيك رح اعود اولادي بكره ان شالله...
انتي كام وراكي اولاد ميسا؟؟؟
احساس مش انو هيكة متعودين دار حماي بس انا هيك متعودة اشيل صحني وارح عغرفة الجلوس..
بتعرفي مهي حماتي كمان عمرها ما حكتلي تعالي ساعدينا ما بتطلب.. مرات ها مرات يعني بتطلع مني النخوه وبتطلع هالجوهرة من تمي وبحكيلهم بدكم مساعده:):):):)

[maisa odeh]

المشاركة الأصلية كتبت بواسطة سما الدنيا

هلا اميسا منورة يا عمري...الله يتقبل من الجميع

تسلمي حبيتي سما نورك كفايه وانشالله الله يتئبل منا كلنا

انا الحمدلله حتى اليوم ما تعبت وما حسيت بالعطش ولا الجوع الحمدلله تسحرت منيح واكلت تمر والحمدلله

[سما الدنيا]

منا نطلع نتمشا انا وجوزي بشوفكم عخير

[maisa odeh]

المشاركة الأصلية كتبت بواسطة سما الدنيا

اها صح يا يا ميسا ما في احلا من لمة العيله وانا هيك رح اعود اولادي بكره ان شالله...
انتي كام وراكي اولاد ميسا؟؟؟
احساس مش انو هيكة متعودين دار حماي بس انا هيك متعودة اشيل صحني وارح عغرفة الجلوس..
بتعرفي مهي حماتي كمان عمرها ما حكتلي تعالي ساعدينا ما بتطلب.. مرات ها مرات يعني بتطلع مني النخوه وبتطلع هالجوهرة من تمي وبحكيلهم بدكم مساعده:):):):)

انا الحمدلله عندي تلات اطفال ابني صف رابع وبنتي صف تاني وبنتي الصغيره عمرها تلات سنين و7 اشهر وكنت حامل ائبل سنتين ونزلت وكان عمر الجنين 5 اشهر ونص ببطني الحمدلله يعني طير بالجنه وهلا حامل ب الشهر الخامس اوله يعني بس الحمدلله اموري كتيررررررررررر منيحه وبدعي ربنا يعطيني ولد مشان يصير ابني عند اخ لانوه ابني وحيد بمعنى الكلمه ما الوه الا ابن عم واحد صغير عمره 3 سنوات وبس مشان هيك كتير يحس بالوحه ودايما بحكيلي ماما جيبلي اخ متل اصحابي يا رب الله يرزئني الولد وينبسط ابني ب اخوه



اكيد ما في احلى من لمه العيله انا هدا الشي عندي مستحيل اتنازل عنه لانوه ما حدا الوه الواحد الا اولاده بالاخر متل ما بربيهم بلائيهم بالمستئبل