الحيل الذكيه في الحيآة الزوجيه

[عذبة الروح]

الموقف الأول :
كنت مرة من المرات ذاهبة إلى زيارة أهلي .. وكنت مشتهية حلا جاهز يباع قريبا من أهلي فطلبته من زوجي فرفض بحجة أنه مستعجل وأنه ابتعد عن المحل ولا يسعه العودة ثانية , ولما يئست منه بدأت أعزف على الوتر العاطفي في نفسه فقلت وأنا أهم بالنزول عند بيت أهلي : أصلا أنا عارفة ان قلبك الحنون ما راح يطاوعك تتركني بدون الحلا وأنا مشتهيته .. والطيب يغلب عليه الطيب حتى لو حاول يقسى !!!!!!!!
ونزلت .. وما راح عشر دقائق الا وهو داق علي بالجوال يقول : الحلا عند الباب !!!!!



الموقف الثاني :
شكت لي اختي مرة زوجها وانه ما يحب السوق .. سألتها : كيف تطلبي منه؟ قالت : أقول له أبي ثياب لبناتي وسراويل لعيالي وووووووووووو !!!
قلت لها : بس بس .. غيري طريقتك وأسلوبك .. اجلسي عنده وبيني أنك سرحانة تفكرين .. وبعدين ارفعي راسك له وقولي مع حبتين خجل وصوت منخفض : الصراحة اني مستحية منك مرررة يالغالي .. وأحس اني مقصرة معك .. أحس أن المرة السنعة لازم تجدد لزوجها وكل يوم تظهرله بشكل .. لذلك ( وهنا مربط الفرس ) ناوية أسوي لك مفاجأة وليلة روما نسية خاصة ما تنساها طول عمرك !!! لكن ..( وطلعي آهه هنا طويلة وارفعي حواجبك مظهرة قلة الحيلة ) ما أدري متى أروح للسوق اجهز أغراض المفاجأة الي يحبها قلبك ؟؟؟
بتلاقيه تلقائي هو الي يعرض عليك تروحي للسوق !!!! لأنك سويت له جو





وهذا اللي نسميه بلغتنا ( المساحل والمسايس) يعني باللين والهدوء مع حبتين ذكاء تقدرين مو بس تاخذين اللي تبين
لا تقدرين تملكين قلب زوجك وهذا الاهم ...



الرجل لما تاخذينه بالطيب والتفهم وعدم الاصرار والالحاح تلقينه يلين ويحقق للك ماتشائين بس بالوقت اللي يشوفه هو مناسب...والحيلة مع الصوت الناعم مع شوية دلع خفيف يجيب نتيجة اغلب الاحيان(مو بكل وقت) مرات لما الرجال يقول لالا يعني لالا وهنا يجي دوركم ياحلوات وكل وحدة وفنها...








لي صديقة ساكنة بيت جديد لها شهرين .. وكانت ناوية تفصل مطبخ صغير فيه مجلى لغسل الصحون داخل المستودع حتى ما يخرب مطبخهم الغالي والحساس .. وكذلك لأن طريقة مطبخهم نظام بوفيه وجلستهم في الصالة وهي ما تحب ان الشغالة تكون مقابلتهم لما تشتغل في المطبخ !!

الزبدة : من أول ما سكنت صديقتي البيت وهي تزن على زوجها حتى يفصل المستودع وهو رافض ويقول لا المطبخ يكفي ويفي بالغرض ... ويوميا هواش على نفس المنوال .. والأدهى أن صديقتي كل يوم تقريبا تجي للدوام معصبة ومتنرفزة وحالتها حالة والسبب ( دولاب المستودع) الي هي مصرة عليه وزوجها رافض !!!

قلت لها : شوفي يالحبيبة .. باعطيك طريقة عليك أنك تنفذيها بحذافيرها وباتقان وراح تشوفي النتيجة بنفسك قريب..
قالت : مستعدة أنفذ بس أخلص من هالموضوع..

قلت لها : 1 / لا تجيبي سيرة موضوع المستودع نهائيا لمدة يومين وإذا سألك قولي الي تشوفه انت .. أنت سيد البيت !!
2 / زوجك فيه نقطه ضعف وهي انه يخاف من العين.. لازم تجيري هالنقطة في صالحك ..كيف؟؟ أنا أقول لك : لما تجلسون للأكل في الصالة قدام المطبخ والشغالة فيه .. تظاهري أنك غصيتي أو شرقتي وأنت تآكلين .. ومباشرة علقي وانت تناظرين المطبخ ( والله مشكلة هالي قدامنا حتى على الأكل ) .. !!!!
هو راح يربط في ذهنه بين العين الي يخاف منها وبين وضع الشغالة قدامكم في المطبخ المكشوف !! والنتيجة راح تكون بصالحك ..
3/ لما تصحون العصر نفس اليوم : تظاهري بالتعب وانك ما أخذت كفايتك من النوم .. وعللي الأمر بقربعة الشغالة بالمواعين الظهر وانها واصلة لغرفتكم ومطيرة النوم من عيونك !!!!
4/ آخر العصر لما تجلسون للقهوة تكشخي مرررررة بشكل مغري وحطي عطر مثير حبتين .. وقربي لزوجك كأنك .. وفجأة ابعدي وقولي شكل الشغالة بالمطبخ تشوفنا حتى لو كنت متأكدة انها مهي موجودة !!!!
أنت كذا بتربطين بين حرمانه من المتعة وبين وضع المطبخ بدون مستودع !!

سوت صديقتي الطريقة بشكل مضبووووط مررررة ... تدرون وش النتيجة؟؟؟؟

ماصار المغرب إالا وزوجها جايب العمال يمترون المستودع حتى يفصل فيه مطبخ صغير إضافي تجلس فيه الشغالة بعيد عنهم ويأخذ هو راحته !!!!!


طبعا هذي حيله لكن لاتتبلون على الشغالات وتهينوهم وتشكون فيهم
انا حذرتكم







أختكم في الله إذا كانت مشتهية طلعة مع زوجها وهي طالعة أمس وقبل أمس والي قبله !!!! يعني مالها وجه تطلب كذا عيني عينك وجه ابن فهره !! تسبل عيونها شوي قدام زوجها .. وتلعب بنتها وهات ياكيد نسوان : ( بعدي يا بنيتي ضايق صدرها من البيت ) ـ الكلام موجه للبنت مو للزوج بس هو المقصود وفق سياسة إياك أعني واسمعي ياجارة !! ــ ناه ناه .. يا حياتي راحت للباب .. عمري أنت حبيبتي ودك تركبين بالسيارة ؟؟ آه يا بعدي ملت من البيت !!

طبعا أنا كذا ما صرحت بطلب الطلعة.. فقط استثرت عواطف الأبوة في نفس زوجي تجاه بنته .. والنتيجه انه يفهم الرسالة تماما مثل ما أبي .. ويشيل بنته ويقول : يا بعدي يا بنيتي ودك تطلعين .. ويلتفت علي ويقول : هاتي عباتك !!!

وانا من زود الكيد أقول ببراءة : وين ؟؟؟

خخخخخخخخخخخخخخخخخخخ !!!!

شفتوا انها سهلة وأفضل ألف مرررررررة من الهواش والنقرة










واحكيلك ها الموقف ترانى مافلحت الا فيه::
كانت عندى فازه كبيرة فى البيت جايه حق زوجى هد يه وهى غاليه عليه
وجيت انا بنظفها من الغبر فوقعت وانشق على اثنين وووووووووووووووووووووووو

قعدة اضرب اسداس فى اخماس شو اسوى لهالورطة
قمت حطيتها فى مكنهاولزقتها لبعض طبعا بدون لزيق المهم انها تبين انها واقفه مافيها شى
هذا طبعا صار الصبح وفى المساء جاء زوج الغفله وقلت له ياريت تساعد نى فى شيل هذه الفازه
لا انها ثقيله واخاف ان تسقط من بين ايدى وجاءيقدم خدماته ورفعها من مكانها وحطها
تحت طبعا لما حطهاا انقسم على اثنين : برررممممممممممممممممممممم
وبداء الفيلم..قمة صرخت وقلتله شوف شو سويت كسرت الفازة قام هو ينظر الى مدهوش من هول الصدمه وقال انا ما حطيتها با القوة ..قتله لاعاد كيف انكسرت..قال اكيد انتم
كاسرينها وهنا تد خلت وقلت له مو با يد ك شلتها من مكا نها صاغ سليم ..قال ايه..
قلت له شو ايه يعنى انت الى كسرتها وريحتنى منها..قال خلا ص دفعه بلا ..صار خير
ودخل يغير ملا بسه وانا الم الزجاج واقول فى نفسى صار خير ومنين يجى الخير اذا انا قلتلك
انو انا كسرتهاالمهم فا تت على خير







اذا ابغى وأروح مشوار ترفيهي أو السوق واقول لزوجي إذا جيت أنزل على لسان بنتي وأنا شايلتها كأنها هي تكلمه : ( بابا أبغى فلوس أشتري فستان وجزمة وشراب حتى أصير حلوة , ويقولوا الناس لما يشوفوني : بنت مين الحلوة هذي ؟ واقول لهم وأنا رافعة راسي : انا بنت ....... ( اسم زوجي ) !!!!
زوجي مباشرة يفتح محفظته وأشوف عينه على ميتين ريال أروح ساحبة أنا خمس مية من المحفظة وأنا أقول له : وماما يا بابا تبي .. الله يخليك لنا ولا يخلينا منك يا ابيّنا ... ( ابينا هذي تصغير أبونا وبصراحة لها مفعول السحر )!!!!!

يبتسم زوجي ويقول : كلي لكم






ا"النساء يغلبن الكريم ويغلبهن اللئيم "

يعني النيه الطيبة واحتساب الاجر بطاعة الزوج والكلام اللين معه اكيد بيجيب نتيجة...

من تجاربي مره كنت مشتهيه انام عند اهلي بس ماابي اقول له


المهم قلت له اخواتي مجتمعات وكلهم موجودين وقعدت اسولف قال تبين تنامين قلت


انا ماتزوجت علشان انام عند اهلي انا ابي راحتك وانا بس اسولف لك



ومادريت الا هو مرجعني لبيت اهلي وقال الصبح اجي اخذك




مره كانوا خوالي مجتمعين

وهو قاعد بالبيت ماعنده نية طلعة

قلت له ان خوالي مجتمعين ويبوني اجي

اول الامر رفض

بعدين قال وانتي وش تقولين
قلت انا ابي رضاك من ايدك هذي لايدك هذي
قال روحي البسي

بس طبعا مو دائما تمشي عليه هالحركات بس عاد نسويها وحنا وحظنا...







عندي لكم حيله استخدمتها مع زوجي وجابت نتيجه فعاله :

زوجي دايما مشغول والأونه صار يسهر جاء من الدوام ونمنا وانا سويت نفسي نايمه وبعد ماتأكدت انه نام رحت وطلعت صورنا واحنا في الملكه وكنت شاريه بروايز جنان وحطيتها فيهم ووزعتها بالغرفه وبعد ماقام العصر شاف الصور تذكر ايام زمان(((( لاني من النوع اللي مايطلع صوره بالساهل عشان مايمل استعملهم سلااح (*_^) ))))
المهم اول ماشافهم حجز تذكرتين لجده واوتيل والالي كنت ابغاه وصلني ....
وقعد يقولي: والله لو انك قلتي لي خلنا نسافر ماراح اوافق لكن اسلوب الحريم هذا احبه وخليتيني غصبا عني استرجع ايام الزواج









سمعت بمكر احدى النساء وهي زوجة رجل تاجر معروف جدا وهي الثالثة من زوجاته وصغيرة بالنسبة له .......لكنه على الرغم من حبه لها وعلى الرغم من تجارته بخيييييييييييييييييل يعني يعيشها مستوى حلو بس مو زي ماكانت تطمع أنها تلعب بالفلوس ....لا أبدا
فبعد أن أعيتها الحيل بكسب مبلغ ضخم منه .....تجهزت في ليلتها ولبست أحلى ماعندها ......وفي آخر الليل وبعد أن راق مزاج زوجها جلست تقص له وهي تمثل الحزن والبراءة .......وتقول له أتصدق عاد أن اليوم البنك الفلاني أهانوني ....رحت أدخل في حسابي الخمسة آلاف اللي عطيتني .....فشافوا المبلغ وقالوا استني شوي .....وماعطوني وجة ........وماأدري الاهم مشغولين بوحدة جايه تحط عندهم مائة وخمسين ألف .....وتلفت علي وعلى الحريم وتقول لمديرة البنك يالله أكيد هذولا المعلمات يتعبونكم .....جاين بخمسة آلاف ....عشان يدخلونها .......بس يسون زحمة على الفاضي ....ويعطلون مصالح سيدات الأعمال ....وتناظرني وتضحك.....بكل وقاحة .....حتى بغيت أصيح من القهر ..
بعدين كل ماقمت أبي أدخل الفلوس قالوا شوي .....ويعاملوني بشين نفس ......وبس يبتسمون في وجة ذيك الحرمة وسمي طال عمرك ..........وقمة الاهانة ....أنهم جابوا لها شاهي في كاس وأنا جنبها ماعبروني ولاعطوني وجه .............وأقول لهم لو يدرون أنا زوجة من؟؟ ماعملوني كذا .........زوجي حاط عندهم ملاييين وآخرتها يهينوني

الا وزجها يتحمس معها .........ويقول أوريك فيهم قليلات الحياء....بكرة أتصل على مدير فروعهم وأهدده اذا ما تأسفوا لك أسحب كل حسابي لبنك ثاني.........وعشان تقهرينهم خذي ميتين ألف وروحي دخليها بكره عندهم (بس ترى بس بسحب من رصيدك بعد ماتمثلين عليهم )وعلميهم من أنت ؟؟وخليهم يعرفون يحترمونك .......المهم خذيت الميتين ألف ودخلتها حسابها وانتهت التمثليه ...........وأمرها زوجها ترجع الفلوس وتتعذر وتتدلع وتماطل لين خذتها

[demoshka]

[زوجي كل حياتي]

ههههههههههههههههههههههه
بصراحه الرجال ماينفع معاهم إلا كذا
حتى لو كان يحبك ومو مقصر عليك بشي بس لازم من الحيله

تسلمي حبيبتي

[يارب عفوك]

ههههههههااااي

موضوع روعه يالغلا وافكار حلووه ^_^

يسلمو يالغلا ع الطرح

[عذبة الروح]

يافدييييييييييييييييييييييتكم
منوريييييييين

[أ ح ــتواني وأح ــتويته]

ههههههههأإأإأإأإي والله تمشي عليهم في البدايه بس يعني يبيلنا بعد شوية تجديد خخخخخخخ ان كيدهن عظيم

يسلمؤؤؤ غلاتي

[روح الورد]

[حنين الجنة]

صحيييييييييييييييييييييييييح
ان كيدهن عظيييييييييييييييييييييم

[ميرنا]

لا شلت يمينك صح يبو هك