بعد 100 تخمين ,هذا هو مرض بنتي

[برين]

سلام بنات

انا الي كل يوم اكتب موضوع اتسائل في عن اعراض بنتي الله يحميها

و اخيرا عرفت السبب

بنتي المسكينه الي ما كملت اربعين يوم تعاني من (القلس المعدي المريئي) يعني تقدرو تقولو حموضه بس للاطفال .
هي دائما تتلوى مثل الدوده من الالم و تعمل حركات بوجهها و تعصر و تعمل اصوات مثل الحصان توها تصهل حبيبتي متى عرفت؟
البارحه وديتها الطوارئ بعد ما راجعت و استفرغت اكثر من مره بشكل مفاجئ و سريع و قذفت بالهوا كذا كانه شلال..كميه جدا كبيره ما ينسكت عليها و صراحه ما اعطوني دوا قال قالولي احطها بوضع 90 درجه بعد كل رضعه,
طيب و بعدين؟؟
الناس تنصحني اوقف الرضاعه الطبيعيه بليز شورو علي؟ايش اسوي؟؟
حبيت افيدكم و انقل هذا الرابط الي في شرح مفصل عن الحاله عشان الي ابنها او بنتها تعاني من هذه الاعراض تعرف السبب و ادعولها ربي يشفيها ..


الرابط
القلس المعدي المريئي- ارتداد الطعام المتكرر - ترجيع الحليب و الطعام المتكرر

[طفـ روح ـله]

الله يشفي بنتك ويعينك عليها
اكثر الاطفال بهالعمر يرجعون كثير ويجيهم مغص بالمعده
انا ولدي كان نفس الحاله بس مو شلال على قولتك
لكن لازم بعد اي رضعة يرجع ثلاثه ارباعها
وديته وانا بالاربعين للدكتور وقعد يبربر ساعة الي فهمت منه ان الاطفال بشكل عام تجيهم هالحالة لان المعدة صغير والامعاء مدري ش فيها قالي اهم شي لاتعطينه جرعات كبيره دفعه وحده وحاولي تخلينه يطلع الهوا الي دخل مع الرضاعة بانك تشيلنه وتربتين على ضهرة
وعطاني نقط وقالي اربع شهور ويخف
وفعلا بعد 4 شهور راح المغص وخف الترجيع

[برين]

اي حبيبتي نفس الشي بس اعتقد انه بنتي الحاله عندها متطوره اكثر من ولدك بس ايش الحل؟؟هنا ب امريكا ما يعطون البيبي دوا ه العمر حتى حاسه اليوم رضعاتها خفت و ما الها نفس

[مرهفة الإحساس]

يا حبيبتي الله يشفيلك بنتك يارب ويطمنك عليها وما فيها الا العافية

[ام روينا]

مرحبا
فعلا اغلب الاطفال كذا
انا ولدي نفس بنتك كان يرجع شلال وكمان يطلع من انفه ويشرق كثيير
وسويتله اشاعتين وحده مغناطيسيه وحده صوتيه
والحمد لله كل شي سليم
المهم قالي الدكتور زي ماقالك اني اخليه ع ارتفاع 30 درجه عن الارض مو تسعين
كمان اقلل الكميه واعطيها ع فترات متقاربه
واذا جيت اخليها تطلع الهوا مو اضغط بطنها ع صدري لا اخلي مسافه او اجلسها يعمي ما اضغط ع بطنها ابدا
المهم تعبت صح مع ولدي بس الحمد لله خفت الحاله مررره عمره الحين 6 شهور *

[ام روينا]

معليش صرت الخبط بين المذكر والمؤنث

[عسولةزمانها]

حبيبتي والله الف سلامة عليها ماتشوف ولاتشوفو شر يارب

[برين]

الله يسلمكم كلكم و اشكركم على زيارة صفحتي نورتوني والله..الكل يقلي اعطيها الحليب الي معه رز مطحون مين سمع عنو

[ام روينا]

اهلين
انا كنت اعطيولدي حليب مع سيريلاك الارز من ماركه اسمها صحة وهو عمره 3 شهور
والحمد لله ما ضره

[بدون نك]

احيانا سبب استفراغ الطفل هو طريقتك الخاطئه بعد ان ينهي رضاعته

المفروض تخليه 3 دقايق بعدين كرعيه لان لو رفعتيه على طول بعد رضاعته راح يستفرغ وبشكل كبير


الله يعافي بنتك