تجمع لحوامل شهر جمادى الأولى 1433

[متغربه]

أم ليان.. يا حبيلك أنتي وهالحار ما شاء الله عليك أنا ما أحب الأكل الحار نهائيا يتعبني علطول، أنصحك تخففين من الأكلات الحاره عشان البيبي ما يتأذى ما أدري بس أخاف يضر الجنين، وحاولي تشربي حليب بارد وما تشوفين شر يالغاليه وطمنينا..

[متغربه]

سروؤه.. كيفك حبيبتي والله فقدناك والحمد لله على سلامتك وما تشوفي شر أن شاء الله..
انتبهي على نفسك وأن شاء الله بترجعين بعد الولاده مع زوجك أحسن من الأول بعد، بس الفتور هذا طبيعي الحين مع الثقل والتعب الله يقومك بالسلامه.. وأكيد زوجك بيقدر تعبك.. وبتعوضيه أن شاء الله..
أنا في أمريكا بولاية فرجينيا والله يسهل ويعجل بالأيام وتخلص وأرجع لديرتي وأحبابي..

[أم رزاان]

سهاد الروح .. معلش ياقلبي تأخرت عليك
رحت مع بنتي للسوووق وتو من شوي راجعة

الأعشاب يالغاليه اغلبها مايخلوا منها اي مطبخ !!
يعني مافية شيء خاص
يعني مثلاً الكمون ، اليانسون ، القرفة ، قشر القهوة ، ، المر ، الزنجبيل
كل هالأشياء مانستغني عنها !!
سواء لنا او للبيبي

المهم ياقلبي أنا بقول لك طريقتي بإستخدام هذه الأعشاب
اول شيء قشر القهوة
أنا احب اشربة مر
وفية ناس يحبووه حلو

أنا اخذ قشر القهوة واجرشة جرش بس بدون طحن
واغلي الموية واحطة عليها
واحط معه 3 اعواد قرفة
وزنجبيل أخضر
وشوية نانخة
ويانسون
وإذا حابة شوية هيل
واعملية مثل القهوة
وحطية في زمزمية واشربي منة طوال اليوم
جداً جداً جداً ممتاز في إزالة الكرش والإنتفاخات !!

نجي للحلبة وهي مهمة جداً للنفساء لأول عشرين يوم بس !!!
بعد العشرين تخرب الحرمة وتنزل لها موية !!!

أنا دائماً بأخذها 10 أيام بس
اخذ حليب المراعي الوسط
واحطة في براد عالنار ولما يغلي احط عليه 2 ملعقة حلبة قصيمية
وملعقة يانسون ( عشان تشيل رائحة الحلبة )
و7 حبات تمر تشيلي منة النوى !
تخلي المقادير تغلي غلوتين بس مع الحليب وتطفي النار
وتتركية لمدة 5 دقائق وتصفية في زمزمية وتشربي منة في الصباح
والعصر او اي وقت تحبي بس الصباح ضروري
ولو حابة تزيدي خلاوتة تحطي معه ملعقة عسل
او تكتفي بحلاوة التمر ,, بصراحة أنا اكتفي بالتمر يعطية نكهة حلوووة وسكرة يكون قليل
بس حلوو !

الكمون والفلفل الأسود احطهم مع الاكل !
يعني مثلاً غداك مرقوق او قرصان او حتى جريش
تحطي صحنك وتاخذي من الكمون والفلفل الاسود ملعقة وتخلطيها مع اكلك
وتاكلي .. وبعد الاكل .. بنصف ساعة تشربي كاسة
نعناع مع زنجبيل اخضر و7 حبات حبة سوداء

المرة تاخذي المرة الطازة اللي لونها بيج او بني فاتح
تاخذي منها قطعة او قطعتين
وتحطيها بعد غسلها جيداً
تحطيها في قارورة الموية الصغيرة
وتشربي منها كل ماحسيتي بالعطش !!


الرشاد والحبة السوداء استخدمها في العشرين يوم الأخيرة
رشاد و حبة سوداء تعجن مع تمر
وتؤكل بعد الفطور مع قهوة القشر

وطبعاً على الشهر ابدأ استخدم تحاميل البوثيل
ممتازة ممتازة ممتااااااااااااااااااااازة
تجفف وتعمل تضييق للمنطقة بشكل ملاااااحظ
وتنظف مررررة وتشيل كل الروائح !!!

وسلامتك يالغاليه .. ولو فية اي شيء تذكرتة بضيفة
ياريت كل وحدة تقول لنا ايش تستخدم عشان نستفيد من بعض :)

[((ام ليان))]

ما شاء الله عليك يا ام رزان بصراحة ما استخدم في النفاس الا
يانسون وقرفه بس لان الحلبة ما اتقبلها بالمررره وسمعت انها
تخلي الوحده سمينه علشان كذا ما احبها

وابغى اعرف قريت اليوم في قناة البداية وحده في التاسع لها 3اسابيع ما ولدت
قالت لها وحده تبخري بحب الرشاد صحيح يخلي الوحده تولد بسرعه

[..ام بدر..]

ام رزان اش هي تحاميل البوثيل؟؟ ممكن توضحين اكثر

ومشكووره لتوضيحك لباقي الاعشاب الله يجزاك الجنه

[أم رزاان]

أم ليان ياقلبي
الحلبة تسمن لما تأكلي البذور حقتها !!
اما المغلي حقها مايسمن بس حلو للدم وللبشرة
والشعر والعظااااام وللرحم وإدرار الحليب

الوحدة بعد الولادة مفككة عظامها من كل جهة ^_^
عاد الحلبة ممتااااازة في عودة كل شيء لوضعة الطبيعي


وانتبهي تستخدمي اي بخورات من تحت !!!
ترى ضررها اكثر من نفعها
بالإضافة انها تسمر المنطقة وتعطي رائحة كريهة !!

[أم رزاان]

أم بدر ياقلبي
تحاميل البوثيل هذة معرووووووفه تجديها في الصيدلية
والمفروض كل وحدة متزووووجة تكون عندها على طوووول
آنا مستحيل اتركها كنت آستخدمها على آخر يوم من الدووورة
يوم بعد يوم

وربي مفعولها فظيييييييييع ^_*

[((ام ليان))]

الله يوفقك انك نبهتيني لاني يوم قريتها قلت ادخل في التاسع
وعلى طول اتبخر علشان اولد بسرعه مستعجله

معليش ما قريت الصفحات اللي فاتتني اش فايدة التحاميل

[متغربه]

ماقصرتي ام رزان الله يجزاك كل خير ويناولك كل اللي تبينه
انا بصراحه ما افهم ابدا في الاعشاب واخلي هالموضوع على الوالده الله يجزاها الجنه
أضم صوتي لصوت أم بدر.. وش هي تحاميل البوثيل؟؟

[hawrah]

سروءه حبيبتي مآعلييك شر آن شآء آلله وزوجك لآزم يتحمل فتره وتعدي ان شاء الله ..!
.
.
متغربه شكل الاولاد يظهروآ عضلآتهم من هم في البطن خخخخ
.
.
آم رزآن مآقصرتي حبيبتي .. وربي آستفدنآ وبحفظ آلكلآم عشآن مآإنسآه وآعطيه آمي تسويه لي ..!
وع آلتحآميل نفسس آلبنآت آول مره آسمع عنهآ ..!
بس دآمك تمدحينهآ شكلي بجيب زيهآ ,,,