دردشة حوامل أهل القصيم - دردشة بنات القصيم - تجمع حوامل القصيم

[لياليـ]

واياك اشتياق

صدقيني الجلابيه فخمه وناعمه مو تاخذين كلها حوسة فيه نعومات على قطعتين رايقات بما انك بعنيزة روحي عنيزة مول وشوفي محل واحة الجلابيات يمكن يعجبك شيء

[اشتياق]

افكر اخذ بجامات ..
وروب واحد للاستقبال بس ان شاءالله احصل اللي يعجبني
اذا رحت للسوق بمر واحة الجلابيات واشوف يسلمو ليال

[d&s]

بنات الاسبوع 24 يعني باي شهر ؟ وبالعادة المستشفى يحسب الولادة باي اسبوع؟

وشكرا لكل الي ردو علي

[لياليـ]

اشتياق الله يساعدك وان شاء الله تحصلين اللي يعجبك

دي اند اس >>>عجزة تكتب بالانجلش

الولادة تحسب بنهاية التاسع الاسبوع 40
هذا الجدول ان شاء الله يساعدك

[ام ميتو]

المشاركة الأصلية كتبت بواسطة d&s

بنات الاسبوع 24 يعني باي شهر ؟ وبالعادة المستشفى يحسب الولادة باي اسبوع؟

وشكرا لكل الي ردو علي

اهلا وسهلا
الاسبوع 24 يعني توك بنص الشهر السادس
انا بحط لك اسابيع الحمل للفائده
الاسبوع--------- اشهر الحمل

من1-4-------- الشهرالاول
من 5-8--------الشهر الثاني
من 9-13-------الثالث
من 14-17------الرابع
من 18-21------الخامس
من 22-26------السادس
من 27-30------السابع
من31-35------الثامن
من 36-40----- التاسع

والحمل اربعين اسبوع اغلب ولادات الحريم بين الاسبوع 37 الى 42 طبعا الي تتعدى الاربعين اسبوع تصير دخلت بالعاشر---(الله يستر علي اخاف اعوشر)
اتمنى اكون افدتك يالغلا

[ملكة القصيم]

السلام عليكم ورحمة الله وبركاته
مساء الخيرات كروشاتي الحبيبات
اعذروني غبت فتره عنكم

ام ميتو
اشتياق
d&s
ليال
alih- فيه مقاسات كبيره عند القرعاوي لاني صراحه ابموت ماحصلت مقاسي رحت للحسون عندهم ارواب رضاعه بنفس الوقت فخمه مخمل بس مالقيت مقاسي اكبر شي XL
ورحت للنخيل مثل ماقلتو واحة الجلابيات اللي عنده قمصان نوم وارواب وجلابيات بجنب حلويات الارياف
حتى هو قمصانه تجنن بس ماحصلت مقاسي الا صيفي فوشي واخذته وندمت واخذت سكري اكس لارج وطلع ضيق علي بدلته بستيانه رضاعه عاد اللي يسمعني يقول ابرضع ههههه عندي بنت 4 سنوات مارضعتها
بس ابي الروب للاستقبال

خلونا نتكلم عن تقديم الشكولاتات والمحلات الحلوه
بنات مين تعرف محل شكولاتات حلو افكر بباتشي ودليشيز اللي بشارع الملك عبدالعزيز الفخم بجنب احذية الرمضاء وزوجة اخوي تقول بالرياض عندنا محلات حلوه وكشخه للشكولاتات عطيني بس 500 اجهزهم لك مدري محتاره اوصيها تشتري لي ولا لا
ومن ناحية الفطائر اتمنى فيه محل يرتبها لي زي اللي اشوفه بالنت
مثل هذه







لان ولادتي ب14 محرم واخاف تكون قبل كذا ابي اكون مجهزه كل شي

الله يسهل علينا يارب ويعطي كل محرومه

[لياليـ]

وعليكم السلام ورحمة الله وبركاته

الحسون عنده حاجة حلوه امره لان ملابس الحمل اخذت من عنده حلوات مرررررره

التوزيعات احلى شيء جهينه شوكلاتاهم مررره فخمه

وفطائرهم حلوه لكن مادري عن التقديم انتي عطيهم الصينية ويرتبوها لك

[ملكة القصيم]

مشكوره حبيبتي
الحسون ابغى نه ارواب رضاعه بس ماحصلتها كله مقاسات صغيره حتى الاكس لارج
ولا كلهم حلوات

والله مدري محتاره من ناحية الحلويات الى الان

[لياليـ]

حلو انا عجبني بمحل عندنا طقم روب لكن كبير علي ولا فيه شيء يربط فيه

يالله ان شاء الله امر على بريده يوم من الايام ,,,,

الشوكلاتا عادي وتذكري اكيد راح يجيك سلال من الضيوف لاتشغلين نفسك فيه بيكثر عندك للضيوف الثانين

[ريتاال]

موفقاااااات