مطلقه .... منفصله ... تعالي احكي قصتك وماذا استفدتي؟؟

[منفصلة]

منفصلة من ثلاث ليالي فقط

تزوجت بشخص اكبر مني بسنتين من طريق حب وبالفعل تزوجنا وكانت حياتناحلوه توظفت وبعدت عن اهلى اكتشفت انو عقيم بغربتي وقفت معه وقفة بنت رجال واشتريته وطبتبت عليه وقلت الطب تقدم وربي موووب مضيع من سعي وكنت يتقطع قلبي كل ماشوف حامل غبطة مو حسد

حاولت بالعلاج من شان يشوف ذريته وبالفعل وانصدمن من اول تجربه للعلاج كانت فاشلة ..رماني عند اهلى وجاء وقت العملية بس وقال تحملي كل شيء لوحدك والحمد لله سواق يوديني ادق ابري بموعدها لانو كل يوم بساعه معينه وتحملت نفسيته وكان يرمي كلااام مره جارح وقلت معليش رجل وحاااس بنقصه تحملى ومانجحت ولله الحمد وتعبت ولا وقف وياي ابد قرررت ماسوي العملية طفل انابيب مره تانيه لانو مايستاهل هالتعب

بعد سنتين حنيت لل1رية ولانى احبه ضحيت وسويت العمليه ولوحدي وهو بعيد بس وقت العملية يجي وفشلت وحمدت الله وشكرته

بعد سنتين تمادى بالتعامل السيء معاي صابته حاله نفسيه تعامل معي سيء خيانات استغلال مادي خيانات قطع قلبي مرررررررررررره وصا ر يضوق على تبي الطلاق قولى لابوك عشان يكلمنى بموضوع الطلاق حنيت للذرية وصار يقولى مشكلتنا مو اطفال احنا ماناسب لبعض لو اجيب ولد منك ترى احنا مانستمر وصار يتلفظ ويتعامل معي بالسيء صرت اشوف مشكلته الحقيقة انووو مايقدر ينجب لانووو من تصرفاته خلتنى افكر بنفسي مع العلم سويت كثير عشانه درس بكالوريس على حسابي مذاكرته دراسته كبرته على يدي علمته سنعته بس مابان بعينه

تفاجات لما رجحت عقلي وطلبت الطلاق قلت للوالد يطلبه منه قال عوضوني ابي نص المهر والذهب وانا تغربت معها عشان وظيفتها وهي فكرته واستغلمي بكل ماتعنى الكلمه من كل الجهات

انصدمت من طلبة وماطل فيني ثلاث شهووور قال استلم اطلق والحمد لله طلقني مشاعري مختلطه فرحانه زعلانه فرحت لاجل الخلاص زعلانه ليه تضحياتي وقفاتي معاه مابانت بس الحمد لله انوو انا صغيره 30 وانفصلت منه والله يعوضني احسن منه