دردشة حوامل أهل القصيم - دردشة بنات القصيم - تجمع حوامل القصيم

[ام ميتو]

مشكوره يابيلسان---قسم جتني الصيحه من سالفت ابرتك لاني ناويه اخذها
ماقصرتي ياعمري والله يتمم عليك بالعافيه وييسر لكل الحوامل يااااارب
انا كنت ناويه اولد عند هاديه صديقتي ولدت عندها تمدحها بس دامك شفتي انها ماديه ونفسه شينه ماتلزم ابد---ان شالله عند انصاف بأذن الله تعالى
اااه يالولاده متى تجي بسسسسسسسسسس
مليت من الحمل احس اني من زمااان حامل-ههههههههه
تنصحيني لما اجي اخذ الابره اسوي اختبار قبل يعني اعطيهم خبر اني ابغاها من قبل موعد ولادتي والا اطلبها وانا اولد؟؟؟؟؟؟؟
ومعليش نشبت بحلقك بس والله الخوف من المجهول يقتل والله يكتب الي فيه الخير يااااااااااارب

[ام ميتو]

المشاركة الأصلية كتبت بواسطة راجيه رضى ربي

ألف مبرووووووك والحمدلله على سلامتك يابيلسان
وعقبال ام ميتو يارب.. وعقبالي عسى الله يتمم على خير يارب

بعد عمري انتي عقبالك انتي كمان
اااه ثم ااااااااه ثم اااااااااااااه
الله يسهل ولادتنا ياااارب
انتي بأي شهر ياقلبو؟

[؛بيلسان؛]

هلا حبيبتي ام ميتو
لا تخافين ولا شي واذا انت دافعه برنامج متاعبعة حمل من ضمن البرنامج زياره لاخصائية ابرة الظهر واذا مو دافعه تقدرين تروحين له استشاره انا عندي متابعة حمل بس واثقه انه تناسبني غبيه الله لا يخسر تعب
والله ياقلبي انصحك نصيحه انك تروحين تختبرين قبل احسن من وقت الولاده يجربون بك وانت مو خسرانه شي اذا رحتي ماراح تتحسفين والاختبار ترى ما يوجع ولا شي بايدينه تفحصك ولا تدخل شي ولا ابر يعني لا تخافين
وانصحك بانصاف ترى خياطته مره مره حلوه ونظيفه بس هي كبس وتجميلي مع بعض مع اني ما طلبت بس راح تلاحظين ان شكله غريب مو مثل الخياطات العاديه وتطول ماتروح يعني 3 اسابيع بعده تذوب ما تطيح يعني ما تشوفين خيوط تطيح والله يسهلك ياقلبي وتولدين بالسلامه والحوامل اجمعين

[ام ميتو]

لاااااه!!!! اجل ان شالله بزور اخصائية ابرة الظهر قبل لاني موعندهم اتابع حملي
ودي ادري انصاف وسيع صدره عليك يعني ماتستعجل عليك وتنافخ وكذا لاني بكريه يبي لي طولت باااااااال
ماقول غير الله يجزاك خير ماقصرتي عالمعلومات القيمه ياعمري ويخليلك كتكوتك يارب ويجعله من عباده الصالحين البارين
الله يسعدك ياااااااااااارب

[Alih]

الله يفرج عنا بالعافية

[لياليـ]

سكر زماني

ابسال عن مستشفى الوفاء ليه معامله زفت سمعت العكس
وبرضه بكم الولاده الطبيعيه

[سـكر زمـاني]

مــرحبا لياليـ....على حسب الولاده اذا تعسرت لاقدرالله يعطونك اشيا ويحسبونهن عليك مثل
الطلق الصناعي
التخدير الكامل
الايام الي تجلسين عندهم
المرافق...الخ
بالنسبه لي ولادتي الاولى كــانت بـ11الف لاني جلست تقريبا يومين قبل الولاده وجلست امي مرافق معي ..ولادتي تعسرت واعطوني طلق صناعي وشق العجان مدري وشو؟وخياطه داخليه واصله عنق الرحم وتخديـر كامل يعني مثل العمليه وكـانت معاملتهم حلوه كأني اميره عندهم وهذا قبل 5 سنــوات بس والله ماهمتني الفلوس اهم شي راحتي وجلست امدح فيهم كل الخمس سنوات..
وفي ولادتي هذي؟؟؟؟كانت 7800وبعد تعسرت ولادتي بس جلست عندهم نصف يوم قبل الولاده ورافقت عندي اختي من بكره يعني نصف يوم وأخذوعليه500 وفي الولاده الأولى والثانيه اذا جيتي بتطلعين يعطونك كيس مليان ادويه من صيدليتهم لك وكيس مليان ادويه لنونو ويحسبونه عليك
وهدايا لنونو ولك ومحسوبه عليك ..الولاده الاولى المعامله حلوه وماقلنا شي بس الثانيه معاملتهم شينه مثل السسترات انفسهن شينه واكلمهن وما يردن علي وغير اذا طلبتهم يجلسون ساعه مايجون لمي.مثل طلبت بنتي من الحضانه الساعه12الظهر وما جابوه الاالساعه4 العصر مع اني كل اشوي اضغط الجرس عليهم واتصل على الحضانه كل اشوي لكن لاحياه لمن تنادي ومواقف كثيره لو اكتبها كلها كان تمتلي صفحااات؟؟؟ وغير كذا طالبونا بدفع 2500 عشان التخدير الثاني والخياطه الثانيه لأنهم نسو بقايا المشيمه بعد ما خلصت الولاده والخياطه. ..واي سؤال انا حاضــره

[Alih]

انا اختي ولدت فية وتسب تقول ماكأن بالمستشفي سستر
تقول احرق الجرس واصوت ومحد لمي ومرة تعبت نفسيتها منهم

[مون فلاور]

نصيحتي لكم

وانتي رايحه تولدين 7 تمرات
ماء مقري فيه ورد الولاده ويفضل زمزم
شمي حلتيته تفتح الرحم
الصدقه الصدقه الصدقه
وترديد هذه الادعيه

اللهم لاسهل الا ماجعلته سهل وانت....الخ
اللهم رحمتك ارجو فلا تكلني.....الخ
الاستغفار وسيد الاستغفار
حسبي الله لا اله الا هو عليه توكلت...الخ
حسبنا الله سيؤتينا الله من فضله...الخ
ايات السكينه اذا كنتي خايفه عشان تطمن قلبك
*الدعاء بظهر الغيب لغيرك
اخذ شهيق وزفير قدر المستطاع والتوكل على الله وحده
وليس على مستشفى او دكتوره معينه

[سـكر زمـاني]

السـلام عليكم...شخباركم يا كروشات الله يهون عليكم..
شخباركم يا نفوسات وش اخبار النونوات ههه هاه مليتو من النفاس مثلي
اخ والله من ضيقه الصدر الحمدلله والشكر يالله عاد خلونا نسولف وش رايكم كل وحده تقول لنا
وش راح تسوي من دهونات وخلطات وعنايه ياي ياعيني يالله
اذا شفت تفاعل بقولكم وش سويت...