دعوه للبكريات واللي تتنفس ببيتها اكتبي برنامجك اللي يريحك بالنفاس

[عزيزة النفس]

السلام عليكم ورحمة الله وبركاته

اولا ارجو من كل وحده تدخل تعطينا معلومه تفيد الاخرين بصراحه انا اشوف اغلب العضوات يبخلون بمعلومات استغفر الله تقول بتدفع فلوس كل هذا عجازه تكتب كلمتين تنفع اخواتها كلنا هنا نتعب البعض ولو هي ساله سؤال واحدطنشها حست بالقهر فياليت نسوي زي المنتديات الثانيه ونخلي البخل على جنب
رجاء انا مابي احد يشكرني على اي موضوع انزله لكن ابي تعليق بسيط ومعلومه مفيده تفيد الاخوات المساكين البكريات اللي ماعندهم خبره ولاعندهم احد ينفسهم:


انا اخذت الفكره من اختي الرائعه (عاشقة الجنه )صحيح اني اكتشفت الموضوع متاخر لكن اهم شي لقيت شي مفيد بفضل الله ثم جهود اختي (عاشقة الجنه)والاخوات اللي معاها هما اللي اسسو التجمع وهذا الرابط :
http://forum.hwaml.com/t31849.html

الاكلات اللي ممكن تتفرزن ويستفاد منها للنفاس وخاصة اللي ماعندها احد يطبخ لها اويجهز لها مشروبات نفاس نقلت لكم هذي التجارب للفائده

انا كنت مسويه التالي من قبل حتى ما ادخل المستشفى:
1- جبت تمر معجون من الصالحية وفرمته مع دقيق وهيل وفلفل اسود وشوية زبده ووزعت الكميه على حوالي 8 اكياس صغيره حقت وجبه....طبعا انتي تقولي ايش بيطلع ذا؟ا
بيطلع حنيني بس حميه 5 دقايق وزيديه سمن وزيت زيتون وكليه

2- الدجاج واللحم قطعيه واسلقيه مع البهارات وحطي كل جزء قد وجبه في كيس او علبه وفي الفريزر ولما تطلعيه زيديه شوية كويكر وهو جالس يسخن وبالعافيه

3- احنا اهل نجد الوالده تاكل حبه اسمها ماش
هي خضرا ومدوره
المهم انا سلقته وحطيت كل جزء في اكياس وفي الفريزر ومره احطه مع مرقه السلق
ومره ثانيه ارشه فوق السلطه

4- شوربة العدس مررره سهله ومغذيه للوالده وزيدي عليها شوية خضار وقرع عسلي وتطلع لذيذه وسريعه

5- فطورك مافيه اسهل منه بيض عيون ولما يستوي رشي عليه زيت زيتون وكمون وفلفل اسود وبالعافيه

6- كمان للفطور شي اسمه مراصيع: انا اسويها كبييييره للسرعه وقرص واحد يكفيني
ومقاديره سهله كلها دقيق بر ومويه ورشة حبة سوداء وانا ابدل المويه بالحليب وازيد بيضه للفايده
وتعمليه زي البان كيك وبالعافية وكليه مع عسل

7- شوربة خضار عاديه اعتقد سهله
ولو ماعندك وقت جيبي خضار مجمده وبهارات ومرقه ويمشي الحال

طبعا الصبح وقبل النوم ضروري خذي لك كاس حليب دافي مع عسل وممكن تحطي ملعقه حلبه مطحونه لو حابة و 7 تمرات..... فلو ما اكلتي كويس هذي تعوضك





أجهز حمسة الطماطم بالبصل والثوم لوحبيتي بس لاتكثرين والبهارات والصلصة وشوية ملح
وأكيسها في الفريزر مطبوخة وجاهزة
وهذه مرييييييييحة جداً تختصر لك الوقت بالإضافة اللحوم أقطعها وهي طازجة
حسب إحتياجي من الحجوم وأغسلها وأحطها في الفريزر



وبس إذا بغيتي تطبخين كل شيء جاهز بس طلعي وأطبخي


فرزني لك مصابيب بر ومطازيز ولحمه مفرومه مكشنه وكشنه بصل عشان يسهل عليك الطبخ
المطازيز اعجنها واشكلها في الالة الكهربائية بعدين افرزنها



اللي يتفرز اغراض الطبخ للنفاس
مثلا قطعي اللحمه ونضفيها وقسميها حسب الايام اللي تبين في اكياس وعلى الفريزر
كشني كشنه وقسيها وكيسيهاوعالفريزر
سوي عجينة مطازيز وقرصيها وجمديها مفروشه على صينيه بعد ماتجمد حطيها في علب البلاستيك حسب الايام وعلى الفريزر
وكذلك القرصان جيبي جاهز وحطيه بالفريزر
اسلقي لوبيا وكيسيها وبالفريزر

وابغي اعطيك فايده انك تحطين كورنر بالمطبخ فيه علب الاعشاب وغلايه وترمس الخاص بالاعشاب واكوابك الخاصه
بكذا يسهل عليك عمل العشبه


خبز الصاج للشاورما (ممكن ينفع لك بس استبدلي الدقيق بالبر) وهذى المقادير
كاسين ماء + بيالة زيت + نصف فنجان سكر +ذرة ملح +ملعقة خميرة
تعجن بلماء لين تتماسك العجينة تترك لترتاح لمدة ساعة
ثم تكور حسب الحجم المرغوب فية وتفرد كل وحدة وتخبز على الصاج
بعد ماتستوي ترش بالعسل والزبده او السكر والقرفه او ممكن تقطعيها وترشيه كشنه بصل وطماط بالسمن مع فلفل اسود



جهزي كميه كبيره من عجوة التمر تكفيك الاربعين

التمر
تمرمنزوع النوى
زبده اوسمن
قليل جدا من الرشاد
توضع السمن مع التمر ويقلب لمدة 5 او10 دقايق ثم يضاف اليه شويه رشادحب
" يمكنك عمله قبل الولادة وتشكيله كور لكل يوم كورتين بحجم البيضة أو اكبر بقليل بحسب شهيتك " ضعي قطعة واحده في الميكرويف وسخنيها لمدة ثواني فقط حتى تلين دون ان تسخن كثيرا ثم تناوليها إما مع القهوة أو مع كوب حليب ساخن بحسب رغبتك .
وتشكل كرات وممكن تغمس في سمسم محمص او جوز هند او مكسرات


جهزي
شاهي الاعشاب بكميات معتدله ومكون من (((حلبه+يانسون+كراويه+حبه سوداء+ الحبة السوداء المفروض ما يؤخذ اكثر من سبع حبات في اليوم
شمر+قرفه +قرنفل قليل)))وحطيها بعلبه تحطي بالترمس مع شوية سكر ومويه من الغلايه وكلمت رائعه فيه قليله



سوي عصيدة التمر وخليها بعلب بالثلاجه وكل يوم طلعي شوي سخنني وكلي منها منها مع فلفل اسود


ملعقة صغيرة كمون مطحون/ نص ملعقة صغيرة رشاد مطحون/ 7حبات حبة سودة مطحونة/ 7حبات حلبة حب لا تطحنية علشان ماتطلع ريحة/ كسرة مر قد حبة الحمص مطحونة/ ملعقة كبيرة عسل.وهذة المقادير تكفي لمرة واحدة فقط.
طريقة الاستعمال:تعجن مع بعضها وتؤكل مع كاس ماء دافئ على الريق(هذي لتنظيف الرحم من البلاوي وكمان كويسة للامساك )



بنسبة حق الحلبة
تكون مطحونة ملعقة مع الحليب
مع المرق
السلطات مهمة العصائير الطازجة
المرة جدتي اللة يرحمها توصيني على المرة المنقع با الماء
الحلبة تقوي الظهر وانتو عارفين ان في الاشهر الاخيرة ينحني الظهر اكثر


باليمن يوم ترجع الولدة من المستشفى يسوون لها قهوة الوالدة اللي هي مكونة من قشر القهوة - قرفة - شمار - ينسون - عناب - برير - سكر نبات واذا مافي عناب يحطون بدالة تمر ((هذي القهوة تنضف الرحم وتنزل الكرشة)) ويسوون لها مفحوسة بالعسل ((كل يوم لازم الافطار حق الوالدة مفحوسة )) وطبعا قبل الفطور بساعة يجيبو لها كاس حليب على سمن بلدي وشوية تمر


((تشرب النفاس المرق لانة ينضف وعلى قولهم يرد العظم ))


هذا اللي جبته اليوم
والله لي اكثر من خمس ساعات وانا ابحث في المنتديات لعيونكم وياليت الاقي تفاعل
وزي ما قلت مابي شكر ابي معلومه تفيد غيري وياليت تكون مجربه