ولادتي في فطومه الله يحفظها ليه

[لحن الشفاه]

طبعا انا بكريه ودخلت التاسع يومين ورحت المستشفى مراجعه وقالولي المويه حول البيبي قليله مره وهذا خطر عليه مررررررررررره لاقدر الله يعمل تشوهات من الداخل اويموت البيبي

الله يحفظها ليه فطومتي المهم دخلت المستشفى يوم الاحد الفجر واعطوني تحاميل الطلق الساعه 6 وماجني اي الم واستنو علي الى الظهر وبعدين اعطوني تانيه

وجاني الم خفيف وبرضوا استنو علي للمغرب واعطوني وحده تاني هاد احس اني بموت من الآم الحمدلله على كل حال تقريبا نص ساعه وبعدين راح الآم واختفا وقالولي راح نعطيك الفجر اخر تحميله طلق وبعدها اذا ماانفتح الرحم عمليه على طول

وانا كنت خايفه من العمليه مره لانهم يقول مو كويسه وراح تتعب الوحده بعدها كثيره

المهم طول الليل امي عندي الله يحفظها ليه يارب ورجع الآم خفيف يرحو ويرجع واذا الفجر واعطوني الآخيره وبدا الآم يقوى مره واعطوني الكمامه الي تخدر عشان تخفف الآم بس لمن حسوا النو الجنين نام شالوها مني ورجعت احس باالآم الطلقوسارت تشد زياده لانو الرحم بدا ينفتح شويه شويه وانا حسيت اني بموت من الآم

وتعبت ماقدرت وقلتلهم خلاص ابغى عمليه بس امي ماخلت الدكتوره تستعجل قالتها اصبري والله وصبرت علي وانا من كثره ماجننتها قالت بيجهزو الغرفه والله وشويه واشوفهم يرفعوا رجولي وتقول انشالله ولده طبيعيه وانا خلاص مومستوعبه والله وتخدرني من تحت وتشق التوسعه وتقول ادفعي والحمدلله ولدت طبيعي بس من جد الجنه تحت اقدام الامهات منالي شوفتوا في الولاده


وجاتني فطومه انشالله اشوفها عروسه


وربنا يسهل لكل وحده حامل وعلى وشك ولاده


ودعواتكم ليه


على فكره ترا اهم حاجه للولاده الطبيعي تشتري المغطس النسائى تلاقيه في الصيدلايات مره كويسه مايحتاج طشت تجلسي فيه ولا شي هذا الله يكرمكم يوضع على الكرسي وتحطي فيه مويه دافيه وملح خشن وتجلشي عشان تنفك الخياطه

بس انا ليه 11 يوم ولا انفكت وتعبت منها وناس قالولي المر وناس قالولي قشر الرمان الي تعرف تفيدني الله يجزيكم خير.........


دعواتكم ياحلوين يابطات





لحونه