غريبه ليش تسكتين عنه يقولج ألفاظ مو زينه وين أحترامه لج ..!!
وطريقه التربيه لاتصيرين يالغاليه مثل دايم تقوله جدتي طير بيقلد مشية الحمامه وضيع مشيته ومشية الحمامه ربيهم على التربيه إلي أنتي تربيتي عاليها و لا تغصبينهم على شيء هم مايرغبونه ..
إحدى الأخوات تقولي قصة أختها لها أربع أولاد كانو أشيقاء بمعنى الكلمه حتى تقولي أنا نشيل همهم إذا أختي جات تزورنا ونفرح إذا ماكنو أولادها وياهم وتقول على شقاوتهم أختي بس تقول الله يصلحكم ربي يكتبلكم الهدايه وإذا تهاوشو مع بعض تدعي ربي يسخر قلوبهم لبعضهم تقولي كبرو العيال وكل واحد ربي موفقه بحياته وكل الأربعه أأمة مساجد وبرمضان يومياً تصلي بمسجد واحد منهم ..
فالصلاح و الهدايه بيد الله يالغاليه وعليج بالدعاء الصادق لهم وأهم شيء يالغاليه أحترامهم لج ..
وعلى أنو الكبير مايحب الصغير صدقيني يحبه ويموت عليه بس قدام بعض كل واحد بيكابر على الثاني وأني الكبير وماحب أمشي مع الصغير ومو بيتج تقريباً بكل بيت أنا وختي بالبيت شرايج على قولتهم وهي أصغر مني بثمان سنوات وإذا سافرو أهلي وأنا مو وياهم تلاقينها تشتريلي إلي إلي أنا أحبه وبلعكس أتفاجاء بهدياها لي وبرضو أنا نفس الشيء ماحب أحد يغلط عليها وماحب أشوفها دمعتها تنزل وياويل من يجارحها ..
لاكن على قولتهم دا مصرين البطن بتتعارك ..
وربي يهدي لج عيالج ويسخرهم لج ويهديهم لطاعته وإن شاء الله تشوفينهم بأعلى المراتب
,,
11-23-2010, 05:31 AM
رد: عطيني تجربه وش استفاد ولدك منك كونك انتي أمه
**سماسم** 
جديد منتدى منتدى الحياة الأسرية والزوجية
العرض الشجري
