قولي كل اللي بخاطرك هنا تفضلي..

[ام البدرين]

هلا العطر الفرنسي
ياقلبي انتي ربي يفرجها عليك ويشرح صدرك وييسر امرك ويسخر لك زوجك اللهم امين
حبيبتي نصيحتي بهالامور المواجهه ثم المواجهه ثم المواجهه
اياك تسكتي وتكتمي بقلبك
بس هاه السؤال كيف تكون المواجهه مو هواش ومشاكل واصوات عاليه لا ياقلبي قولي له بكل هدوء تعال بنتكلم مع بعض
وصدقيني دام هو من قبل واعدك انه ما يدخل ومبدي استعداده لهالشي راح يندم انه دخل وزعلك وخاصه انك حامل وتعبانه
اسمعي ياقلبي ابعدي عنك الشيطان واذكري الله الحين واستغفري وروحي امسكيه بالهداوه
وتفاهمي معه
الرجل لو كان غلطان وجت زوجته تصارخ ولو عندها الحق يواجه الصراخ بصراخ وكنه هو الصح وهي الغلط
وش تستقيدين لو قعدتي متنكده وتبكين لازم تتكلمو بالموضوع حبيبتي
وادعي بسجودك دايما ان ربي يسخره لك ويبعد عنه الشيطان ويقربكم لبعض ويعصمه عن هالاشياء
وحاولي تقولي له لو كنت مكانك ترضاها انا لو ما احبك كان خليتك تسوي اي شي تبيه بس لانك غالي عندي اغار عليك وابيك لي وحدي مثل ما انت تبيني لك لوحدك ومن هالكلام اللي يلين قلبه ان شاء الله

ادعي ربي ان يسخره لك ويعصمه عن اي شي فيه مضره لحياتكم ويرزقكم العطاء الصالح اللهم امين