منهارة !*

[قوتشي]

××




" رب لاتذرني فردا وانت خير الوارثين "

انا اليوم هو الـ 11 من ابرة التفجير اللي قوتها عشرة الاف زوجي أصر علي نروح نحلل دم عادي قلت يلا ورحت وسألت السستر قبل لا تسحب مني دم قلت لها انا باقي 3 او 4 ايام تقريبا عن موعد الدورة لأنه احنا عارفين ان الدورة تنزل بعد الابرة التفجيرية بـ 14 او 15 يوم "يارب ما اشوفها الا بعد الولادة " المهم ردت وقالت لا ما يبان بدري لازم تجين بعد موعد الدورة بيوم اذا مانزلت بس خلينا نشوف قال زوجي مو مشكلة نجرب محنا خسرانين شئ المهم طلبت مني كمان اعزكم الله تحليل بول يعني بول و دم وننتظرها ربع ساعة والصددمة قالت مافيه حمل مو باين بالتحليل انه فيه حمل تعالي بعد ما تعدي موعد الدورة سألتها فيه حريم كذا قالت قليلات اللي يبان حملهم اما الأغلبية يجون بعد موعد الدورة يطلعون حوامل وهم كانت نتيجتهم سلبية قبل موعدها بأسبوع او 4 ايام الززبدة ليتني سمعت رايها وهربت اول ما قالت ما يبان الحين انا برجع لها بعد 4 او 3 ايام اذا ما جتني الدورة " يارب ماشوفها " انا متححححطمة يابنات مرره ياليتني ماسمعت كلام زوجي و رحنا نحلل بس الانتظار صعععب كل قريباتي ماشاءالله تزوجوا بعدي بثلاث اربع سنوات عندهم 1 او 2 الله يخليهم لبعض مدري اخاف ربي قعد يعاقبني تتوقعون عقاب او ابتلاء ومحبة انا منهارة نفسيا وخايفة وبموت من الهم احس ان نهايتي بتجي من الهم وطول الانتظار ما ابغى شئ بس ابغى اجيب نونو وافرح نفسي وزوجي واهالينا والله تبلدت مشاعري تماما حتى البكا احس غصب ابكي اختنق دموعي شكلها خلصت من كثر ما ابكككي انتوا متخيلين طفش وحدة قهههر شعور بالحرمان انعزال عن العالم ثقتي بنفسي تزعزعت خايفة من الله يكون هذا عقاب منه على شئ بدر مني ليش انا !! يااارب رضاك و الجنه اللهم اني لا أسألك رد القضاء ولكن اسألك اللطف فيه ياكريم اكرمني ولا تحرمني يا جبار اجبر كسر قلبي يا رحيم ارحم ضعفي وقلة حيلتي وانس وحدتي ......... بنات انا زهقت مليت خلاص هذا وانا توي صغيرة في عز شبابي ابغى طفلي يكبر معاي ابغى نكون اصحاب مو ام وطفلها والله اني استغفر كثير وابكي وانا ادعي ومحافظة على الاذكار واتحرى اوقات الاجابة ادري مهما سوينا نظل مقصرين امام الله عزوجل انا بس استنى رحمة ربي ان شاءالله اني حامل قولوا يارب )‘: راح الملم نفسي من جديد واوقف على رجلي وكلللي أمل بالله انه راح يكرمني هالشهر وان شاءالله يكذب التحليل ويصدق احساسي واكون حامل ..