مساء الخير
كيفكم بنات ان شاء الله تمام
بنات انا كتبت قبل كذا موضوع عن طبايع زوجي
وأسلوبه
اليوم ي بنات صحيت اسوي الغدا
وماحصلت دجاج بالفريزر انا صاحيه ع اساس ان فيه نص وكذا مادريت
المهم اتصلت عليه قلت ترا مافي غدا لان مالقيت ع بالي فيه
المهم سكرت ورحت تمددت ع السرير جنب بنيتي
وهو بعد ساعه رجع
معصب وقعد يهاوش انتي مسويه كذا عشان تبين من المطعم
وقام يتلفظ ويغلط فيني ويلععن ابوي وهكذا من اسلوبه الفاشل دايم
وماقدرت أمسك نفسي قمت ورديت عليه بالمثل
وهواش
قام ودفني من فوق السرير وجلس يشوت فيني
وضربني ع وجهي بالشماغ
انقهررررت بنات حسيت ب أهانه والله العظيم
قمت أصرخ عشان يعطيني الجوال اكلم ابوي
ورفض وحاول يعتذر
قلت والله ما امشيها هالمره كل مره امشيها ويكرر تصرفاته ويهاوش ع اشياء تافهه
المهم اتصلت ع ابوي وجا وقلت له كل شي
وتكلم معاه ابوي
بس بنات انا ندمانه اني تكلمت عند ابوي
احس انفجرت صرت اقول لابوي كل شي حتى عن فقري معاه استحيت مره يوم طلع ابوي
تمنيت اني ماجبت سيرة الفلوس لان علمت ابوي حتى اني بايعه ذهبي واخذ فلوسه
وعلمت ابوي اني احيانا انام جوعانه لان ما اشترينا للبيت ما معانا فلوس
مره متفشله بنات الحين احس المفروض بس قلت لابوي عن الضرب
انا حسيت اني مقهوره انه ماقدر صبري عليه وكذا
مدري كيف أوصل لكم يابنات احساسي
وأحس بخوف مدري ليش
أبوي يوم جا يمشي قاله تفاهمو وحلو المشكله وترا اذا ماتبيها ابوها حي موجود ماتبي منك شي جيبها عندي والي يضرب زوجته ماهو رجال رخمه وطلع ابوي واخذ زوجي فراشه وراح مجلس الرجال ينام قلت له اعتذر لي قال أسف اعتذر بس عقب ايش خلاص فضحتينا في ابوك !
بنات تكفون قولو لي رأيكم الحين وش اسوي ؟
وش توقعون نظرة ابوي لي ؟
توقعون ابوي بيكره زوجي ؟
وزوجي بيكره ابوي ؟
تكفون بنات ساعدوني
11-12-2014, 05:10 PM
تكفون بنات الحقو علي بسرعه
وطن* 
جديد منتدى منتدى الحياة الأسرية والزوجية
العرض الشجري
