|
تكفون بنات الحقو علي بسرعه
مساء الخير
كيفكم بنات ان شاء الله تمام بنات انا كتبت قبل كذا موضوع عن طبايع زوجي وأسلوبه اليوم ي بنات صحيت اسوي الغدا وماحصلت دجاج بالفريزر انا صاحيه ع اساس ان فيه نص وكذا مادريت المهم اتصلت عليه قلت ترا مافي غدا لان مالقيت ع بالي فيه المهم سكرت ورحت تمددت ع السرير جنب بنيتي وهو بعد ساعه رجع معصب وقعد يهاوش انتي مسويه كذا عشان تبين من المطعم وقام يتلفظ ويغلط فيني ويلععن ابوي وهكذا من اسلوبه الفاشل دايم وماقدرت أمسك نفسي قمت ورديت عليه بالمثل وهواش قام ودفني من فوق السرير وجلس يشوت فيني وضربني ع وجهي بالشماغ انقهررررت بنات حسيت ب أهانه والله العظيم قمت أصرخ عشان يعطيني الجوال اكلم ابوي ورفض وحاول يعتذر قلت والله ما امشيها هالمره كل مره امشيها ويكرر تصرفاته ويهاوش ع اشياء تافهه المهم اتصلت ع ابوي وجا وقلت له كل شي وتكلم معاه ابوي بس بنات انا ندمانه اني تكلمت عند ابوي احس انفجرت صرت اقول لابوي كل شي حتى عن فقري معاه استحيت مره يوم طلع ابوي تمنيت اني ماجبت سيرة الفلوس لان علمت ابوي حتى اني بايعه ذهبي واخذ فلوسه وعلمت ابوي اني احيانا انام جوعانه لان ما اشترينا للبيت ما معانا فلوس مره متفشله بنات الحين احس المفروض بس قلت لابوي عن الضرب انا حسيت اني مقهوره انه ماقدر صبري عليه وكذا مدري كيف أوصل لكم يابنات احساسي وأحس بخوف مدري ليش أبوي يوم جا يمشي قاله تفاهمو وحلو المشكله وترا اذا ماتبيها ابوها حي موجود ماتبي منك شي جيبها عندي والي يضرب زوجته ماهو رجال رخمه وطلع ابوي واخذ زوجي فراشه وراح مجلس الرجال ينام قلت له اعتذر لي قال أسف اعتذر بس عقب ايش خلاص فضحتينا في ابوك ! بنات تكفون قولو لي رأيكم الحين وش اسوي ؟ وش توقعون نظرة ابوي لي ؟ توقعون ابوي بيكره زوجي ؟ وزوجي بيكره ابوي ؟ تكفون بنات ساعدوني |
رد: تكفون بنات الحقو علي بسرعه
اهو غلط بس الا صار صار
اذا التقيتي بأبوك وسألك قولي له كنت معصبه وما فيه بيت يخلو من المشاكل الحمدلله انا مرتاحه معه ولو انه فيه عيوب بس الحمد لله ما فيه احد ما عنده عيوب يكفي انه ،،، وطلعي محاسن زوجك قدام ابوك وبالنسبه للوضع المادي قولي لأبوك الله بيرزقنا في المستقبل يكفي اني ماكله وشاربه ووساكنه وكلمي ابوك ان الا صار لا احد يدري فيه هي فترة غضب وزلة لسان وتفاهمي مع زوجك اذا قدرت او حاولي تنسين الموضوع وكأنه ما شي حصل وهو ان شاء الله بياخذ درس |
رد: تكفون بنات الحقو علي بسرعه
شوفي حبيبتي طالما انه ضربك يعني تعدا الخط الاحمر
وطالما انه جاي يهاوش ويلعن هذا يعني انه ماخذك شغاله عنده لو انا مكانك والله ثم والله مااسكت له ولااجلس عنده ولادقيقه عشان يتأدب اتذكر خالتي زوجها يسوي فيها مثلك وتسكت ولاتعلم احد الين خلاص حست بتموت منه وراحت لوحده عجوز حكيمه وشرحت لها كل شي قالت لها العجوز طالما انك سكتي ع اول مره ضربك انا ماعندي لك علاج |
رد: تكفون بنات الحقو علي بسرعه
اقتباس:
الضرب مافيه تفاهم بالعكس احسن عرف ابوها عشان زوجها يدري ان وراها رجال وان بنات الناس مو لعبه وانه مو عشان زوجتك تضربها لا |
رد: تكفون بنات الحقو علي بسرعه
اقتباس:
والله اني ساكته 4 سنوات ع النق والكلام الفاضي والكرف وكل شي وصابره بس انهرت وعجزت امسك نفسي ياختي ربي يفرجها علينا جميع |
رد: تكفون بنات الحقو علي بسرعه
اقتباس:
والله ساكته من الي ب قلبي وين اروح لو اتطلق امي شبه منفصلة عن ابوي وعند امي جحيم لانها ماتقبلني الله يهديها تصب جم اهتمامها ع اختي الكبيره وعيالها وابوي مستحيل اروح وأخلي زوجته تشمت في امي لو انقتل الله يفرجها وانا اختك قادر كريم انا بس حاسه بخجل حسيت اني فضحة زوجي وفشلته لان وجهه انقلب اسود واستحيت مره من ابوي كان نفسي ان حياتي تكون مثاليه بس للاسف |
رد: تكفون بنات الحقو علي بسرعه
حبيبتي الحين إنت فضفضتي و حكيتي إلي في قلبك
و إنت حكيتي الصدق ما كذبت هو أحسن عشان ما يزيد يهينك و مو أحسن لأانك تسرعت في الكلام مع أبوك مشاكلنا لازم تقعد في البيت و تصير إنذارات إذا زاد الشيء عن حده أتمنى حبيبتي إنه هذا كان إنذار لزوجك و يا رب يبطل من تصرفاته و الحين كلمي أبوك و قوليله إنه ما يعصب قترة غضب و مرت و إنه اعتذرلك عشان أبوك يرتاح و زوجك طيبيه بطريقتك الله يسعدكم يا رب |
رد: تكفون بنات الحقو علي بسرعه
الله يسعدك حبيبتي ماقصرتي
والله يفرجها قادر كريم ويسخر لنا ازواجنا واطفالنا ويسخرنا اولاً واخيراً ل دينا |
رد: تكفون بنات الحقو علي بسرعه
بلعكس مو غلط انك قلتي لبوك عشان يحسن من وضعه ويعرف قدرك الله يهديه ويسخرة لك
|
رد: تكفون بنات الحقو علي بسرعه
بالعكس انا عندي افضل انك قلتي لابوك
عشان يعرف ان عندك اللي يدافع عنك وانك مو رخيصه عشان يهينك ويذلك ولا تسمحي له يمد يده عليك |
| الساعة الآن 10:48 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .