طجين أول يوم رمضان

[bassouma]

طجين أول يوم رمضان







هو عبارة عن طاجين حلو بالبرقوق (العين) و الزعرور ( مليص أو مزاح) كل لهجة و كيفاش يسموهم
بس صدقوني طعمه هايل و هذي فاكهة رانا في موسمها متواجدة في أسواق .
بدون إطالا رح أبدأ بطريقتي و صور جمعتها من نيت

طريقة:
لتحضير حشوة اللوز
كأس لوز+ربع كأس سكر+أصفر بيضة +بيضة كاملة+قليل من القرفة




نرحو اللوز




رقيق



ونزيدوله السكر




ونبلله بخليط البيض بالشوية




لازم يبقى الخليط متماسك ومش طري



كما في الصورة



ونحطوه على جهة مغطي
نغسلو الزعرور


ملاحظة : أنا طريقتي نحطه قبل فلكسكاس فوق قدر حتى يعرق شوية
باش كي نقشروه و ننزعوله بذور متفسدش الحبة



ونفتحوه من تحت برأس ملعقة صغيرة
كما في الصورة وننحيو البذور



وحتى الزوائد هاذي اللي من داخل



ونحشوه بخليط اللوز اللي حضّرنا



هكذا...



و تقدري تعمليه في هذه الأيام و تحطيه فالثلاجة ما يفسدش و لما تخرجيه توضعيه مباشرة في قدر

وبالنسبة لطريقة طبخ الوصفة
طاجينك عادي
بصل +زيت+ملعقة زبدة+عود قرفة+ملعقتين سكر+ملح+فلفل اسود+مااااااااء

نقلّو المكونات كامل









ثم نضيفو الماء وشوية ماء الزهر



كي يطيب اللحم نضيفو العين نكونو غسلناها



وكي تقرّب اطّيب نلوحو كأس سكر أو أكثر أو أقل حسب الرغبة



ونخلّوه يغلي ...وقبل مايوصل المرق المرحلة اللي يتعسّل فيها



نكونو موجدين الزعرور في كاسرولة بحيث الفتحات اللي حشينا الى فوق
ونمرقو من المرق نتاعنا



مش شرط يتغطى وانما قريب



هذا وش بقا مع العين



نخلّوه يغلي حتى يبدا ياخذ لون



شوفو لونه كفاه يولّي بااااااهييي ويطيب ويبقا شاد روحه



ومانحرّكوش بزاف باه ماتخرجش حشوة اللوز
وهي اكيد راح تطلق شوية منه
اذا ماعندكمش مشكل حطوه يزيده لذّه
لكن اللي يحب المرق نتاع الطجين معسّل وصافي
يصفّيييييييييييييه



ونرجّعوه لوعاء اللي طيبنا فيه العين
ياخذ غلية وتتجانس النكهات
رشة سخية ماء زهر



نكونو محمصين لوز خفيف
لوز أنا نقليه فالزبدة



نضيفه ونطفّييييييي



وخلاص ....نذوق أحلى طجين