يومياتي مع "رجيم التوست و العسل"

[نسيم الأمل]

بسم الله الرحمن الرحيم
السلام عليكم ورحمة الله وبركاته

الأسم: نسيم الأمل
الطول: 157
الوزن: 72ك
الحالة: مرضع ( بنتي عمرها 3شهور)
الرجيم المتبع: رجيم التوست بالجبن و العسل
واللي هو:
4 وجبات باليوم كل وجبة فيها 2 توست اسمر + ملعقة صغيرة عسل لكل توسته + نص كاس حليب قليل الدسم

اليوم الثاني برضو 4 وجبات كل وجبه فيها 2 توست اسمر + 2شريحة جبنه دايت + خيارة
ومسموح بالشاي والقهوة بدون سكر طبعا

مدة الرجيم 6 ايام يوم بالعسل ويوم بالجبن وهكذا ...
يقولون ينقص 3كيلو ..

لكن انا راح استمر عليه 12 يوم :) ان شاءالله
هدفي اوصل 68ك
(^_−)−☆(^_−)−☆(^_−)−☆



بدأت على بركة الله يوم السبت .. 12/6/1436
وكانت الوجبات توست بالجبن و خيارة
بدأت بالجبن لان ماعندي حليب عشان ابدأ بالعسل :(

المهم صحيت الساعه 1:00 الظهر واخذت الوجبة الاولى
(2توست+2شريحة جبن+خيارة)

الساعه 4:00 العصر اخذت سناك
(5تمرات+نسكافيه مر)

الساعه 7:00 مساءا اخذت الوجبة الثانية
(2توست+2شريحة جبن+خيارة)

الساعه 10:00 مساءا اخذت الوجبة الثالثة
(2توست+2شريحة جبن+خيارة)

الساعة 1:00 اخر الليل اخذت الوجبة الرابعة والأخيرة
(2توست+2شريحة جبن+خيارة)

الساعه 4:00 الفجر اخذت سناك
(5تمرات+ماااء)

وهيك انتهى يومي على خييير والحمدلله
انطباعي لليوم الأول: كان مره مريح وممتع.. مافي جوع ولا دوخه
شربت مويه تقريبا 8 اكواب.. وعملتلي ترمس شاي اخضر بالليمون والنعناع وجلست اشرب فيها طول الليل

القاكم غدا في نفس الموعد مع يوميات الأحد (اليوم الثاني من الرجيم)
والدور على التوست والعسل يم يم