اهلا باهل الجود والكرم **اهلا بسيدات ليبيا**

[dr.loly]

مرحبا جيجي
ماشاء الله اللهم صيبا نافعا

بالنسبه لطريقة العجينة للبيتزا العاديه...

كميه تكفي مثلا طاجينين دائريات وسط


ندير في مــق مه دافي ونذوب فيه ملعقة خميرة
وملعقة سكر وملعقة ملح

تخليهن دقايق بسيطه

وبعدها تحطيهن ف صحن لي بتعجني فيه او العجااانه الكهربائيه


والدقيق انحط كميه ع 3 كواشيك نشا معبيات بزايد الكواشيك

ونعجن بحيث ان العجينه تكون متماسكه معاااك ..
واخرتها نحط بس طشه زيت قولي هكي مابين كاشيك ل 2 زيت

كثرة الزيت تيبس العجينه

وع فكره اختي ماتديرش فيه بكل وحتي نا مانحكيلك رمضان ل فات زهايمر يشتغل بعيد عنك ههه
مرات ننسي فيه

بس لو ينحط افضل يساعد ف السبك...

خلاص نكورها ونرش عليها مرات شوي نشا ينعمها ويرطبها اكثر

ونغطيها ومابين نص ساعه الي ساعه

تخمر ديري بيتزتك بعدهاااا خلآص..........



والحمدلله نجحت مع اوشي وعجبتهاااا

عقبال ام معاد واموووله ان شاء الله

تنجح معاهم ومع الكل
وتقعد ذكري تذكروني بها لو فرقنا الايااااام يوما ما


طبعا حتي الخبزة نفس الطريقه وصفيحة اللحمه (عرايس)
هذه لي ديري فوقها مفروم صااافي بس(اكله شاميه)

والسندويتشااات

ونضيف بيكنج باودر لما بنديرها ملفوووفه عشان ماتشقق من فوووق
ومع ذلك مرات تكون العجينه واجده وندير ملفوفه وماتشققش مني