الشاعره عابرة سبيل

[بحــ العيون ــــــــر]

ها أنا اليوم أبحر معكم إلى دولة الكويت الحبيبة وسوف أتطرق إلى كل من الشاعرة عابرة سبيل الشاعرة الكويتية عابرة سبيل رحمة الله عليها أتحدث اليوم عن شاعرة ظهرت شمسها وغابت فجأة .. الشاعرة / عــــــابرة سبـــــيل كتلة من الإحساس والمشاعر التي تشبه بالجبل المتدفق منه ينابيع وشلالات تسربت من بين صخور الشموخ والمعاناة .. وهل هي حقيقة أم اسم مستعار لشخص آخر ؟؟ عندما تقرض المرأة الشعر يكون قوياً في كثيراً من الأحيان وصادقاً . وربما ما نتصفحه من هذه القصائد التي لا تزال في الذاكرة لا تجبر أي ذكر على أن يقتبس شخصية أنثى ويكتب تحت اسم عابرة سبيل إلا في أحوال ربما تكون فراستنا تسلك طريق الخيال والخطاء فتصديق أنها رجل اعتقد أنه من المستحيلات .. أبدعت في كثير من القصائد .. لقد نشر لها الكثير من القصائد .. وطبع لها ديوان شعري .. وعند البحث عن حقوق هذا الديوان وجد مهول الهوية .. لكنها كانت مجهولة للجميع ولم يستطع أحداً تحديد هويتها .. تضاربت حولها الروايات .. فهناك من قال انه لا وجود لها و إنما يكتب ذلك رجل .. وعندما أنحرج من إظهار اسمه قتل تلك الموهبة المتمثلة بــ عابرة سبيل .. وقيل إنها شاعرة حقيقية لكن خوفها من عائلتها هو الذي حال دون إظهار اسمها .. لكن رحلت المبدعة الشاعرة الكبيرة التي استطاعت أن تصل إلى قلوب الناس ببساطتها وقربها من قلوبهم ومن معايشة حياتهم وأوضاعهم .. لكن بعد رحيلها بقيت هناك الكثير من الأسئلة .. من هي عابرة سبيل ؟؟ وهل هي حقيقة أم اسم مستعار لشخص آخر ؟؟ وهل شاعرتنا عابرة سبيل لازالت حيه ؟؟ سأحاول أن جيب قدر المستطاع حسب ما أسمع وما يكتب من هي عابرة سبيل ؟؟ كانت الراحلة الشاعرة المعروفة عابرة سبيل تكتب شعراً جميلاً خلف ستار الاسم المستعار ولكن هنا سنذكر بياناتها الحقيقية بعد اعترافها وكذلك أشياء لم نكن نعرفها واليكم آخر الأخبار : - البطاقة الشخصية 1 - اسمها الحقيقي وسميه العازمي ( أم فهد ) من الكويت 2 - عمرها الحقيقي عند وفاتها43سنه 3 - لديها أربع بنات وولدين ولقد توفيت في تاريخ 18/ 3/ 2003م الساعة العاشرة والنصف مساءاً وقد ذكر عنها أنها إنسانه طيبه جدا وهادئة وتكره الإعلام ، والمفاجأة أن زوجها لم يكن يعلم بشاعريتها إلا عندما اعترفت له بذلك أثناء مرضها وزوجها هو من تولى طباعة ديوانها ورفضت أن تستلم دينارا واحدا من مبيعاته وهذا دليل على روعه هذه الشاعر ة الطيبة رحمها الله @-@@-@@-@@-@@-@@-@@-@@-@ وهل شاعرتنا عابرة سبيل لازالت حيه ؟؟ سمعنا قصيدة رثاء لشاعرة تودع زوجها إذ تقول : - حـــان الـوداع حـان الفــراق .. وتم توديع غالين قسـوة زمن وظروف ما هي رحومه وحـاولت أبدّل موقف العسـر باللين وأبين قدامه جسورٍ ظلومه وأعاتبه وأنقد على دمعة العين وأنا - حشا لله – ما ني ألــومه وأقول هذا حال كل المحبين وهذا الفراق اللي تجينا علومه ومسكت نفسي كن ما صايرٍ شين أخشى على خلي يشقق هدومه ثم قلت وش تنطر حبيبي لهالحين؟ أثر أيديني ماسكاتٍ كمـومه !! @-@@-@@-@@-@@-@@-@@-@@-@* وقصيدة من عابرة سبيل توصي زوجها على أبنائها إذ تقول : - تـرى الـذبايح وأهلها مـاتسليني انـا ادري ان المرض لا يمكن علاجه ادري تـبي راحـتي يـابعد عـيني حـرام مـاقصرت ايديك في حاجه اخـذ وصـاتي وامـانه لاتـبكيني لـو كان لـك خاطرن ما ودي ازعاجه ابـيك فـي ايـدينك تـشهدني وتـسقيني وداعتك لايجي جسمي بثلاجة لف الكفن في أيديك وصف رجليني ما غيرك احدن كشف حسناه وحراجه ابـيك بـالخير تـذكرني وتـطريني يـجيرني خـالقي مـن نـار وهاجه سـامح عـلى الـلي جـرى مـا بينك وبيني أيام امشي عدل وأيام منعاجه أعيالي هـمي وأنا الـلي فـي يكفيني علمهم الدين تفسيره ومنهاجه @-@@-@@-@@-@@-@@-@@-@@-@* في قصيدة طريفة بعنوان البطاقة الشخصية الشاعرة عابرة سبيل تقول : - أنا عجوز مطلـــقة وام ورعـــــــان وأيضاً مدام وبنت وآنس وعانس أنا بدوية وعايشه عند حضـــــران وبنت البحر وابوي زارع وغارس أمية ماتعرف حروف وألــــــــــوان وتلميذة دشت جميع المدارس ضفره وخبله ، عاقله،في نقصان شرود وأنطح لي ثمانين فارس خلونِ أعيش العبره دون عنـــوان طــــــيف يمر بلا رقابه وحارس @-@@-@@-@@-@@-@@-@@-@@-@* والتي تقول عن نفسها : أهلي يدرون إني شاعرة بس مايدرون في جرح الليالي يمنعوني من كتابة خاطرة مادروا إني من زمان بهالمجال آه لو يدرون اني (( عابرة )) عندهم بتصير موتتنا .. حلال @-@@-@@-@@-@@-@@-@@-@@-@ وتقول أيضاً يسألوني عابـره ويـن الجديـد والاجابـه ضايقـه فينـي ملـل راحت ايام السعـاده والقصيـد عشتهـا بيـن التكانـه والجهـل كنت اروض شارد الحرف العنيد ماعسرني لو بغيته فـي عجـل فيه اصور لوعة الحـب الاكيـد ومنّه(اشكل) ماحوى قلبي غـزل ومعه (اسافر) عن معاناتي بعيـد ولأجل حبه ماشحنّي من زعـل احضنه (فرحة) طفل في يوم عيد واسكنه (روض) الخزاما والنفل واحتويته ليت لي (قلـب ٍ) بليـد ماعرف (فرق) الجزاله والهزل والنهايه مابقـى عنـدي جديـد واعذروني صارت ايامـي ملـل @-@@-@@-@@-@@-@@-@@-@@-@* بريال عارضته بريال عارضته على السوق بريال من باعني برخيص والله لأبيعـه من يشتري رجّال قصّر بالافعـال باع العهـود الماضيـه للخديعـه رجّال يسوى له ثمانيـن رجّـال كل الصفات اللي ملكها فضيعـه له ضحكةٍ تشبه لضحكات الأطفال ذيبٍ ونظراتـه حنونـه وديعـه وله فزعةٍ منها المجانيـن عقّـال وفجوج لا ضاقت عليّ الوسيعـه ياما عدل عوجا ثقيلات وطـوال وأنا معاقبتـه غيـورٌ صريـعـه والله يسوى لـه ثمانيـن رجّـال والخبل مثلي لا زعل يب يبيعـه وهنا تأخذنا شاعرتنا رحمها الله الى الأصالة .. حيث النقاوه .. حيث البساطه .. تأخذنا الى حياة البادية .. رساله من بدويه (عابره سبيل) هنا سأترك الأبيات تتحدث عن نفسها لنقرأ بتمعن بعض ما كتبته لنا من صادق إحساسها الذي يجعلنا نستيقن من أننا فقدنا شاعرة من الصعب تعويضه الها بصمتها الخاصة بها في مسيرة الشعر الشعبي ، قالت فأبدعت في مختلف أغراض الشعر بتلقائية كاملة وابداع متناهي ، كان لها هاجسها الخاص بها ، لم تقلد أحدا في استحضار أفكار قصائدها ولغتها ولهذا كان التميز إذ تقول : - بقصيدة بعنوان (( رســـــــــالة من بــــــــــــدوية )) تعال بشـرح لـك أنـا كـل مغلـوق تعـال شاهـدنـي مــع ذكريـاتـي لا لا يغرك لبس موضـة ومسحـوق انفض غبـار الوقـت تلقـي صفاتـي قرب وطالع معّـن الشـوف بحـدوق وزيف التطـور جـرده مـن حياتـي بتشوف في وجهي من الماضي اطروق أخذت من بطن الصحـاري صفاتـي طفلـة بثـوب مخيطينـه ومفـتـوق تنطـر جديـد الثـوب بالعيـد ياتـي سمعت طرف اخبار عن كلمة السـوق وتاخذ وتسـأل هـو وجـوده ثباتـي طفلـه سحبهـا الوقـت للهم برفـوق حتي انهـا صـارت مـن العاشقاتـي وجار الزمن وعرض الحـب للعـوق شـرق ركايبهـا وهــم مشمـلاتـي واتلا عهدها فيـه يركـض ورا نـوق مسرود جيب وفـي يدينـه عصاتـي ويصد لكن يلتفـت لـي مـن الشـوق عجـلان يلخصنـي بعيـنٍ تحـاتـي وقفـى وخطواتـه يتـلـن معـلـوق وخلانـي ماتنقـل عظامـي عبـاتـي ودار الزمان ولا مشي الحظ بوفـوق ومازلـت أخفـي بالظـلام اعبراتـي ولا زلت أنا العب له علي كل طاروق حتـي يجيـب الله مـوعـد وفـاتـي @-@@-@@-@@-@* وين بنات اليوم عن هالبيت ..؟؟ سمعت طرف اخبار عن كلمة السـوق وتاخذ وتسـأل هـو وجـوده ثباتـي @-@@-@@-@@-@@-@@-@@-@@-@* أترككم مع مختارات من شعر شاعرتنا ... ضايقه ضايقه بالحيل محتاجه اشتكي لولا طبع فيّ .. يمديني شكيت بس أدور عذر منشان البكي لو يدوسون بطرف ثوبي بكيت كل ماجيت اتريح وارتكي يزدحم في خاطري الفين بيت ويش بيدي افعله غير الحكي؟ قاصره خطوات رجلي لو مشيت أسرعي يانفس موتي واهلكي صرتي همي يوم بالدنيا شكيت @-@@-@@-@@-@@-@@-@@-@@-@ لاتسافر لا تسافر وتتركني أجاهد غلاك كل شي يهون إلا جهاد الغرام أما تبقى معايا أو اسافر معاك لاتخليني لطوال الليالي طعام خوفي البعد لامنه خذاك وطواك مثل قصر تولاه الزمن والهدام لا تسافر وانا اللي في رجا الله ورجاك !! لاتسافر وتلقاني بقايا حطام @-@@-@@-@@-@@-@@-@@-@@-@* هيـّا تغــزل كل ما اتصل فيك.. صبح وليل تشكي لي من عوج الاوضاع والدنيا ومتاعبـــها مليت يا صاحبي مابيك تحكي لي هالأسطوانه أنا مليـت مطـــربها حتى خيالك بتـال الليل ياتي لي جروح وعيون معقوده حــواجبها عيشتني بعالم ماهو على جيلي زهرة شبابي حرام انك تخربها ياما هجرتك ولا كملّت ترحيلي حبايب ماتعبر عن حبايبها حبيبتك ما تحمــّل هالبهاذيلي إضحك معاها ولاطفها ولاعبها هيّا تغزل وغن وزيد تدليلي البنت ياحبها للي يداعبها قلي وش رايك بفستاني ومنديلي؟ الوانهن تعجبك .. أو مانت راغبها؟ وقلي وش رايك بعقدي مع خلاخيلي؟ وشف قذلتي يوم قصينا ذوايبها وقلي وش رايك بأطباعي وأقاويلي لاحظ عليها وغيّـرها وشطّبها خل بيننا انقاش وعلوم وتعاليلي وآمر على البنت وان حبيت طالبها يامدمن الهم كافي دمع بالليلي بكره تشبع من الدنيا ومصايبها دنياك والله .. ماتسوى التزاعيلي حتى ولاهيب كفو الي يعاتبها @-@@-@@-@@-@@-@@-@@-@@-@* إنا لله ليتني البارحه ياغالي ماسريت يم درج ٍ مقفل من قديم السنين أشهد اني فتحته وانتحبت وبكيت شفت ماهيض الجرح القديم الدفين شفت وسطه رساله وليتني ماقريت بيت شعر قديم وظرف مع صورتين اشهد اني لغيره بالغلا ماعطيت واشهد انه بغاني مير ما من عوين صحت من قلب ياويلي على اللي هويت وقمت امسح دموعي من يسار ويمين لاطرالي حبيبي بصوت واطي حكيت !! إنا لله .... وإنا للولي راجعيـــــــن @-@@-@@-@@-@@-@@-@@-@@-@* يا يمه يمه .. يايمه .. فديتك لاتخليني بعثرني الهم وأبغى يديك تجمعني يمه افهميني تراك ان مافهمتيني مافيه شخص بهالدنيا بيسعمني ماعدت انا طفلتك.. كبرت شوفيني خليك يمي ترى الاطماع تتبعني لاتدلليني .. أبي منك تدليني وابي ايديك تداعبني وتصفعني ولا انهد حيلي أبي عطفك يقويني ياما كلامك على الشدات شجعني وان جيتك ابكي .. ابي منك تهديني مابيك تبكين .. أبغى العقل ينفعني يامملكة عطف ياعطر الرياحيني براثن الهم والهوجاس تلسعني بسمتك عندي الا من ضقت تكفيني وارضاك عني عن الاحزان يرفعني اسمى العلاقات تربط بينك وبيني ياللي احضانك ان ضاق الكون تاسعني لك احترامي وحبي والوفا .. فيني وفيك اروع الحب مايخطي ويخدعني @-@@-@@-@@-@@-@@-@@-@@-@ الناس الناس سدّادة سلف يوم الرخا باكر يضيــــع ما بي اسوي حاجة أصبح عليها نادمـــه أبحث بقلب التجربه وآخذ من أحداث الجميــع عبره تساعدني على صدمات وقت قادمـه بعطي واسامح للبشر وأحسن مع الكل الصنيع حتى إذا جار الزمن القى صديق انادمــــه ودي على طول الزمن أكون منديل الفجيــع أحب أعمّر ما أرتضي أكون ـ لحظةـ نادمـه وما دمت أنا متعافيه وما زلت في سن الربيـع مهما يكن حجم العمل أرفض وجود الخادمه @-@@-@@-@@-@@-@@-@@-@@-@ وأطرف ما قالته دوم يعيرني يقول : انتي متين ((حلجك)) المفتوح لازم نغلقه هيه (( يادبه )) لزوم تخففين والاا أثور فيك عشرين فشقه وفي رجيمي استمريت اسنتين جدي اللي مات بغيت ألحقه ويش رايك؟... قلتها بصون حزين قال دبــــــــه .. وانقلبتي لى اسلقــه @-@@-@@-@@-@@-@@-@@-@@-@* لي صاحبٍ منه تبي تطلع الروح خبلٍ ومن هي مولعه فيه .. خبله عاملين المح له من الجد ومزوح واقول ياعنتر تناديك عبله طال المدى ثم قلت انا اغليك يالوح مجروحه جرحٍ مخاطره عجله دنق وقال آنا من العام مجروح وأشر لجرحٍ مبطي وسط رجله @-@@-@@-@@-@* ومن أبياتها أيضاً : - أبكسر الاغلال واعيش حــره بصنع قراري وكل شيٍ بيــدي مليت من صبرٍ عطاني مـضره أعيش في عصرٍ لجدّان جـدي وما دمت أنا متعافية ما زلت في سن الربيع مهما يكن حجم العمل أرفض وجود الـخادمه الشاعرة / عابرة سبيل ولقد توفيت في تاريخ 18/ 3/ 2003م الساعة العاشرة والنصف مساءا رحمة الله عليها @@-@@-@@-@@-@@-@@-@@-@@-@*@ @-@@-@@-@@-@@-@@-