مشكلتي مع الرضعه الصناعيه , و استفراغ طفلي المتواصل

[ام الشبلين]

السلام عليكم ,



كيفكم اخوااتي إن شاء الله تماااام
انا ولدت من 21 يوم تقريبا ,, وطفلي من أول يوم ما رضى بالرضاعه
الصناعيه , فـ كان شي عادي عندي في البدايه
وضليت هالفتره ارضعه طبيعي
بس المشكله الحين ان اجازتي بتخلص بعد شهر ونص
وراح اضطر ارضعه صناعي على الاقل في فتره غيابي


جبت له اليوم حليب وعطيته أول رضعه الساعه 12 نام ساعه ونص
وصحى يبكي يبي رضعه كمان ,
هذا واضح انو يفتح فمه في كل الجهتين يبحث عن الرضعه

بس التعليمات على علبة الحليب تقول رضعه كل اربعه ساعات
مدري كيف اتصرف هل عادي ارجع اصلح له رضعه ثانيه
او ارضعه من صدري ,,
انا خايفه يتضرر لما ارجع اصلح له واخالف اللي مكتوب بالتعليمات


::

مشكله ثانيه ,, انو يرجع ( يستفرغ ) كثير ,, حتى لما يرضع من صدري
بعد ربع ساعه او اقل يرجع , واحس كميه كبيره ومع كل مره يرضع نفس الحاله ,,, مع انو امي تقول
عادي خليه يرجع ما يضر
بس انا احس كذا ما يستفيد من رضاعته
ويصير يجوع بسرعه لدرجه اني ارضعه كل ساعه
واحيانا كل نص ساعه ,,
نومي مررره متلخبط وماني قادره انام اكثر من ساعتين
متواصله , والباقي كل نص ساعه يصحى ,

تعبت معه

طفلي الأول ما عذبني مثله
كان يرضع بانتظام وينام فتره أطول , هذا مختلف عنه تماما
وحسيت نفسي كاني اتعامل مع اول مولود :(


هل هذا شي طبيعي ؟؟؟
ويا ليت الاقي حلول وتوجيهات منكم :(


::