تكفون ساعدوني يابنات انا متورطة

[najool]

السلام عليكم ورحمة الله

كيفكم ياخواتي

تكفووووون ساعدوني والله اني في ورطة ومهمومة هم مايعلم فيه الا الله .

انا جايتني مولودة وتوها ماكملت سنة والحمدلله هي الخامسة عندي خمسة اولاد وبنات وانا مريضة عندي هبوط ضغط مستمر واعصاب ويجيني نوبات صرع اذا تمشكلت انا وزوجي ولا اي مشكلة مع خواتي ولا اهلي .

بعد ماجتني البنت الاخيرة استخدمت حبوب الياسمين اللي بالعادة استخدمها كل هالسنين ويوم جاء البرد قالي زوجي اتركيها عشان الاعصاب ويرتاح جسمك منها شهرين كذا لانه لاحظ لما اخذها تصير نفسيتي مره متضايقة وعصبية ومشاكل وكذا وعشان البرد يعني مابينام معي كثير .
واستخدم عازل والشهر الاول نزلت الدورة والشهر الثاني بعد الشهر الثالث اللي هو بداية شهر ثلاثة المفروض الدورة تجيني وماجت واحس بالامها وكذا في صدري وبطني المهم قلت لزوجي رح للصيدلي الدورة تاخرت علي وخله يعطيني حبوب تنزلها راح وقال للصيدلي قال له تأكدوا ان مافي حمل ودق علي زوجي وقلت مافيه شيء انا متأكدة قام اعطانا الصيدلي وقال على مسؤوليتكم والمهم اخذتها وانتظر اسبوع ولانزلت الدورة قمت حللت في البيت وطلعت حامل وانصدمت وبغيت انهار طبعا والله ويعلم ربي ماهو كره للأطفال لكن انا مره تعبانة وتوني بنتي ماكملت سنة واجبرت زوجي بعد يطلع بطايق فيزا عشان اشفط دهون وقد اخذت كم جلسة والمشكلة الدكتورة تقول نسوي لك اختبار حمل قبل الشفط قلت لها لا مافي شي مستحيل وقامت اعطتني ابر ومضادات حيوية وتعرفون وش ضررها على الحمل . ودفعنا الى الان 20 الف وكلها من الفيزا وتعرفون هم الدين
المهم انا لما عرفت اني حامل في البيت ماقلت لزوجي وقمت كلمت صديقتي وجابت لي حبوب تسقيط وبحسابي الحمل ماكمل 40 يوم واستخدمتها قبل اسبوع ونزل معي دم قوي اول يومين وقطعة كبيرة شوي وبعدين خف الدم وحسيت ان الحمل باقي واخذت خلطات وكذا بس ماحسيت ان الحمل نزل وعاد اخذت الحبوب امس من المهبل مرة ثانية وجتني تقلصات قوية ودم وقطعة صغيرة والى الان تجيني تقلصات وزي الام الطلق . تكفون يابنات انا ابي دكتورة او مستوصف اهلي في الرياض اسوي تنظيف او اقل شيء تفهم حالتي وتساعدني زوجي لو يدري والله والله ان تنقلب حياتي جحيم وانا تعبانة والمشكلة بعد الحبوب اللي استخدمتها والمضادات كلها بتأثر على الجنين وبيصير فيه مرض او تشوهات .

يعلم الله ان كل ماقلت لكم صدق واللي تبي تساعدني هنا ولا ترسل لي ايميل
الله يستر يارب تكفون يابنات ساعدوني احس قلبي بيسكت من الهم