|
تكفون ساعدوني يابنات انا متورطة
السلام عليكم ورحمة الله
كيفكم ياخواتي تكفووووون ساعدوني والله اني في ورطة ومهمومة هم مايعلم فيه الا الله . انا جايتني مولودة وتوها ماكملت سنة والحمدلله هي الخامسة عندي خمسة اولاد وبنات وانا مريضة عندي هبوط ضغط مستمر واعصاب ويجيني نوبات صرع اذا تمشكلت انا وزوجي ولا اي مشكلة مع خواتي ولا اهلي . بعد ماجتني البنت الاخيرة استخدمت حبوب الياسمين اللي بالعادة استخدمها كل هالسنين ويوم جاء البرد قالي زوجي اتركيها عشان الاعصاب ويرتاح جسمك منها شهرين كذا لانه لاحظ لما اخذها تصير نفسيتي مره متضايقة وعصبية ومشاكل وكذا وعشان البرد يعني مابينام معي كثير . واستخدم عازل والشهر الاول نزلت الدورة والشهر الثاني بعد الشهر الثالث اللي هو بداية شهر ثلاثة المفروض الدورة تجيني وماجت واحس بالامها وكذا في صدري وبطني المهم قلت لزوجي رح للصيدلي الدورة تاخرت علي وخله يعطيني حبوب تنزلها راح وقال للصيدلي قال له تأكدوا ان مافي حمل ودق علي زوجي وقلت مافيه شيء انا متأكدة قام اعطانا الصيدلي وقال على مسؤوليتكم والمهم اخذتها وانتظر اسبوع ولانزلت الدورة قمت حللت في البيت وطلعت حامل وانصدمت وبغيت انهار طبعا والله ويعلم ربي ماهو كره للأطفال لكن انا مره تعبانة وتوني بنتي ماكملت سنة واجبرت زوجي بعد يطلع بطايق فيزا عشان اشفط دهون وقد اخذت كم جلسة والمشكلة الدكتورة تقول نسوي لك اختبار حمل قبل الشفط قلت لها لا مافي شي مستحيل وقامت اعطتني ابر ومضادات حيوية وتعرفون وش ضررها على الحمل . ودفعنا الى الان 20 الف وكلها من الفيزا وتعرفون هم الدين المهم انا لما عرفت اني حامل في البيت ماقلت لزوجي وقمت كلمت صديقتي وجابت لي حبوب تسقيط وبحسابي الحمل ماكمل 40 يوم واستخدمتها قبل اسبوع ونزل معي دم قوي اول يومين وقطعة كبيرة شوي وبعدين خف الدم وحسيت ان الحمل باقي واخذت خلطات وكذا بس ماحسيت ان الحمل نزل وعاد اخذت الحبوب امس من المهبل مرة ثانية وجتني تقلصات قوية ودم وقطعة صغيرة والى الان تجيني تقلصات وزي الام الطلق . تكفون يابنات انا ابي دكتورة او مستوصف اهلي في الرياض اسوي تنظيف او اقل شيء تفهم حالتي وتساعدني زوجي لو يدري والله والله ان تنقلب حياتي جحيم وانا تعبانة والمشكلة بعد الحبوب اللي استخدمتها والمضادات كلها بتأثر على الجنين وبيصير فيه مرض او تشوهات . يعلم الله ان كل ماقلت لكم صدق واللي تبي تساعدني هنا ولا ترسل لي ايميل الله يستر يارب تكفون يابنات ساعدوني احس قلبي بيسكت من الهم |
رد: تكفون ساعدوني يابنات انا متورطة
لاحول ولا قوة الا بالله
واذا ماكنتوا تبغون الحمل المفروض كنتوا تتأكدون من العازل او اي شيء يمنع الحمل لأنه حرام تنزلين الجنين شو ذنبه والله ماعندي فكره لأني مو من السعوديه ان شاء الله البنات يفيدونك |
رد: تكفون ساعدوني يابنات انا متورطة
أمر الله وصار يختي
الحين انا ابي حل وياليت البنات يساعدوني لاني خايفة بعد على الجنين من التشوهات |
رد: تكفون ساعدوني يابنات انا متورطة
حسبي الله ونعم الوكيل
قولي لصديقتك الي جابت الحبوب تساعدك |
رد: تكفون ساعدوني يابنات انا متورطة
حسبي الله ونعم الوكيل
قولي لصديقتك الي جابت الحبوب تساعدك |
رد: تكفون ساعدوني يابنات انا متورطة
لاحول ولا قوه الابالله
شي مو سهل الله يعينك |
رد: تكفون ساعدوني يابنات انا متورطة
بصراحة فيه كلام كثير كتبته في حقك انتي وصديقتك بس مسحته
لانو مافيه فايدة صار اللي صار والله حسيبك انتي وياها ! عموماً انتي روحي للطبيبة وقوليلها سويت تحليل حمل وطلع ايجابي بس صار يجيني نزيف وتقلصات بتسويلك اشعة وبتعلمك اذا الجنين مات واالا والا لسه باقي في حياة ! مات اتقي الله يااختي واساليلك شيخ بخصوص هالموضوع اذا مامات احمدي ربك وحافضي على جنينك وتذكري انو الله عزيز ذو انتقام كل الناس ماراح يدرون لكن ربي يدري عن اللي سويتيه ! |
رد: تكفون ساعدوني يابنات انا متورطة
سبحان الله الوحدة تكتب معاناتها وتجي ردود تزيد من هم الوحدة وهي ماهي ناقصه
تراني فيني هم مايعلم فيه الله ياليت الوحدة تقول كلام يساعد ويخفف من معاناتي ولاتسكت |
رد: تكفون ساعدوني يابنات انا متورطة
عزيزتي
اولا حبوب منع الحمل لاتناسبك اذا عندك صرع لازم تركبي لولب بالنسبة للمشكلة يلي انت فيها يجب عليك اجراء فحص حمل في المختبر واذا تأكدت انه الحمل بعده موجود اذهبي الى طبيبة نسائية وقولي لها وضعك بالكااامل هي الوحيدة القادرة على تقييم حالتك نصيحتي لاتخربطي بالادوية لانه اذا مانزل الحمل ممكن تسبب هذه الخربطات الى ولادة طفل معاق لاسمح الله وربنا اذا اراد شيئا يقول له كن فيكون فاحذري حبيبتي وربي يهديك للحل السليم ويقويك |
رد: تكفون ساعدوني يابنات انا متورطة
الله يعينك اختي وييسر امورك ان شاء الله
|
| الساعة الآن 05:41 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .