مهما مر الزمن نرحع نسأل نفس الاسألة نحن الامهات قلوبنا لا تكل ولا تمل :)

[يارحيم]

المشاركة الأصلية كتبت بواسطة ياهم ربي كبير

اخخ نسيت ماخبرتكم عن اخبار ولدي ههههه ،،
نور صار عمره سنه وشهرين يعني دخل بالشهر الثالث .. وزنه وطوله ماشين مع بعض مع انه شوي اطول من الاطفال اللي بعمره ماشالله ، وزنه 13 كيلو .. وطلع له 4 سنون تحت واربعه فوق يعني صارله 8 سنون ولما يعط قولي باي باي لإيدك خخخخخخ جربها علي مررررة مؤلم .. والمشي بدأ يمشي من دخل سنه بس بحذر شديد وقبل كذا كان يمشي عادي وهو ماسك مكان زي طاوله او جدار الخ.. ولما بدأ يمشي صارت مشيته اسرع واحسن لكن بعدين رجع يحبو !! صدمنا بعد هالتطور صار يمشي وقت مايحي براسه والباقي يحبو ع اربعه .. ههههههههههه

اهليييين زنوووبا.. لو تدرين كم مرة ابدا اكتب لك رد ويجي ولدي يحوسني واسكر اللاب توب واقول بعدين مارح تصدقين.. صاير ينجن على اللاب توبات والجوالات وحشتيني مررررة واشتقت لذيك الايام اللي كنا نسولف فيها كل يوم :)

زنوبا الله يهديك وشلون تبيني ما افكر بالحمل وبنفس الوقت اعد الايام واحسب التبويض استحااااله ههههههههه.. ياحبيلك انتي بس.. انا من هالشهر اقنعت نفسي اني مابغا احمل وخلودي توه صغير ومبهذلني بالنوم.. قلت لنفسي اذا كبر شوي رحت دكتور وخلاص.. هذي هي الطريقة الوحيده اللي بتخليني ما افكر بالموضوع..

ماشالله طالع لنور 8 اسنان؟ خلودي ماعنده الا ثلاث اسنان.. تأخر كثير بالتسنين بس الدكتور قالي عادي.. هم تأخر بالحبي وشكله بيتأخر بالمشي له فتره وهو يخطي كم خطوة بعدين ينزل على الارض كنه مو عاجبه المشي.. لكن لو يمشي ولدي وبعدين يرجع يحبي مصيبه ههههههههههه.. ولدك رهيب حس انه ماله داعي ورجع يحبي..

الاكل الحمدلله تحسن كثييير.. اول كان يجنني عشان اللقمة و اللقمتين.. وصاير ينهبل على التلفزيون :) اغلب يومه يقضيه باللعب والتلفزيون حبيبي.. صرت اتحمس اطلع مولات وسوبر ماركت اكثر من اول عشانه.. يحب الطلعات كثير ويفرررح من اول ما يركب السياره:)

الله يحفظهم لنا والله متعة الحياة طول وقتي افكر وش اشتري له العاب ووش اجيب له ملابس ووين بوديه ووش بسوي له.. نسيت نفسي :)

معاناتي الوحيده هي النوم يصحيني بالليل كثير الله يهديه كثير صياحه بالليل وانا نومي مو سهل وكل النصايح اللي لقيتها بالنت سويتها بدون فايده.. وبالاخير قريت مقالات لامهات زيي قالو خلاص هذي نوعية من الاطفال كذا طبيعتها وما تتغير لين يكبرون ومالها حل :( وانا كنت ناويه اتوظف ومتحمسه وبعدين غيرت رايي لاني مارح اتحمل قل النوم مع شغل البيت ووظيفه.. استناه يكبر ويحلها الف حلال..

انتي اذكر كان عندك مشاريع تكملي دراسه وخلافه وش صار عليك؟