سوء تشخيص الدكاترة سبب شقاء كثير سيدات

[jojo 123456]

بسم الله الرحمان الرحيم

اخواتي العزيزات بعد غيابي دام ثمان أيام رجعت لكن بالسلامة

أخواتي كثييييييير منكن يعانون من تأخر الإنجاب وجزء كبير من التأخر سببه الطبيب بسوء التشخيص الشي لي يأثر علينا بشكل سلبي وعلى نفسيتنا وعلى حياتنا بصفة عامة

ما رح طول عليكن أنا بعد سبع أشهر من زواجي زرت طبيبة نسائية فحصتني قالت لي معك تكيسات وما عندك اباضة تخيلوا هدا بأول زيارة بدون تحاليل بدون فحوصات بدون أي دليل على حكيها وأعطتني كثيير أدوية

بعد مرور ثلاث أشهر رجعت لعندها عملت لي سونار قلت لها دكتورة شو التكيسات صغر حجمهن او زالوا تخيلوا شو كان ردها قالت لي مي قالك إنهن رح يروحوا هن خلقة من الله ما رح يروحوا تخيلوا شو عملت فيني يحكيها هدا دمرني ودمر حياتي كلها حزن بكاء كتبت لي أدوية ما فقدت الأمل اخدتهن

بعد مرور ثلات اشهر اجت زوجت اخي اصرت تاحدني لدكتور كثييييييييييير شاطر عمره بالستين قالت لي زوجت اخي هدا الدكتور رح يخبرك حالتك بمنتهى الدقة ادا ممكن تنجبي رح يخبرك واذا ما في امل منك رح يقلك بنتي لا تضيعي وقتك وفلوسك انت ميؤوس منك بعد كلام زوجة اخي هدا رفضت أروح خفت لانصدم ويقلي ان ما فيني انجب

اصرت ماما وزوجت اخي على اني أروح للدكتور هدا بالاخير رحت وأنا مرعوبة

وقت عملي السونار قالي ماشاء الله كل شي سليم ما فيكي شي ممكن تنجبي من الشهر الجاي

طلب فحوصات زوجي طلع معه ضعف اعطاه ادوية ابر

وبهذا الاسبوع رجعت زرته عملي تحاليل وفحوصات قالي أني سليمة والحمد لله بس زوجي عنده ضعف انشاء الله يتعالج بالادوية

انا كتبت تجربتي لاني ضيعت وقت و فلوس كثير على أساس آني عندي مشاكل حتى زوجي كان مقتنع ان سبب تأخر الانجاب مني

ومن هون بقول للجميع لا تصدقوا كلام الدكاترة خصوصا لي بيحكمو على المريضة بدون فحوصات وبدون تحاليل وبدو تحاليل الزوج

اهم شي التوكل على الله هو القادر ان يعطي وقادر يمنع

وبالاخير ادعوا لي ولزوجي بالذرية الصالحة