الله يكرم من اهتمت بموضوعي بحمل سليم قرييب( معاناتي مع الدوره القويه ؟؟؟

[marocchina 1988]

أهلين بنت بلادي العزيزة سبحان الله حسيت فيك إنك مغربية مرحبا أختي أعتذر عن تأخري بالرد كنت مشغولة هاليومين شوي ولما إجيت أشوف المنتدى هلئ قرأت ردك وقلت لازم أجاوبك اليوم قبل بكرة

بالنسبة لسؤالك عن متى فكرت بالتلقيح الصناعي والله ياحبيبتي إني ولا مرة قلت مع نفسي إني رح أعمل تلقيح أو غيره بس المكتوب وعدم أهمية الأطباء هنا كيف ماكانت حالة المريضة لديهم مابيعطوها وقت مثل إلي عملوا معي بحملي لما عملت التنظيف رحت لهم مشان النبض وبعد يومين لقيت حالي بالتنظيف الله المستعان بعدين كل ماقررت أتابع مع شي دكتورة أروح لها كما قلتي عقدوني بالسونارات ويقولو لي ماعندك شي روحي ولما بنقول لهم طب بدنا نعرف ليش ماحملت بعد الحمل الأول يقولو آه طيب لو بدك تتابعي مو معنا نحن روحي لمركز العقم هونيك يشوفو ليش والله كنت بنجلط لما يقولو هيك كنت بحس إنو لما أروح أعمل سونار عند شي دكتورة خلاص رح تعطيني شي مثلا يساعد عالحمل أو شي نصايح لكن نهااااائيا كإنهم بيبيعوا كلامهم بالجرام وبيكتفوا إنهم يقولوا ماعندك شي ولو بدك روحي لمركز العقم هونيك يتابعوا حالتك

خلاص عملنا مثل مابيقولوا ورحنا لعند مركز العقم بعد موعد طويل ناهيك عالستة شهور لقدرنا نتلاقى مع الدكتور إلي بالمركز لأننا فتحنا الملف بالحكومي مو بالخاص بعد ماعطيناهم كل التحاليل إلي طلبوا مننا خلاص وقع لقاء بيننا وبينهم وشافوا كل التحاليل لي ولزوجي وكمان عملنا تحاليل الجينات لأنهم طلبهوم كمان ولما شافوا كافة التحاليل قالوا لنا ماعندكم شي قلنا لهم إيه ومن بعد قالوا بكل برودة شو بدكم تعملوا هلئ والله كانت رح تدمع عيني حسيت حالي كإني تايهة طب مو هم الدكاترة إلي بيقرروا شو رح نعمل ليش يخلونا نحنا نقرر شو بدنا؟ قلنا لهم إيه بدنا نعرف ليش ماحملت وكل شي سليم خسروا علينا كلمة وقالوا إيه لو بدكم تجربوا التلقيح الصناعي لأن سبب تأخر الحمل مجهول مع إني ماكنت أتخيل حالي شي يوم أدخل بهالدوامة بس دخلتها ومتابعتي من أول لقاء م3هم صارت هلئ داخلة عثلاث سنين فيهم سنتين من بتديت التلقيح هلئ خلاص كملت كل تجارب التلقيح والله صرت شاكة يكون شي مو مزبوط من الكورتاج الأول إلي عملو لي تبويضي بيكون مني7 دورة منتظمة كل شي تمام يعني بقول عالأقل التلاقيح إلي بعمل ينجحوا ليش مانجحوا أكيد في شي مو مبين
آخر مرة نجح مع إني ماعرفت إنو نجح لحتى نزل مع الدورة وجلست الدورة فيني عشر أيام كنت حطيت موضوع بهالخصوص قالوا لي البنات إجهاض

لو بالمغرب يمكن كنت مارح أعمل ولا تجربة كنت رح أتابع بس مع شي دكتورة يمكن كنت رح أحمل حتى بدون دكتورة يمكن كنت أعمل بس الحجامة أو أروح عند شي ممرخة تمسد لي ويجيب الله التيسير من عندو بس هذا مكتوبي شو رح أعمل بتمنى إنك مايحصل معك مثلي وتحملي بدون إشي
أنا ياخسارة بإيطاليا بالبلد إلي بيقولو عن أطباءه متقدمين بس أنا إجاوني زيرو يمكن مع الغرباء بيتعاملوا كدة ولو وجدوكي ما عندك خبرة كبيرة وماطرحتي عليهم الأسئلة بنفسك نهائيا مابيقولو لك لهيك إنتي ماقالو لك عن اليوم المناسب لعمل تحليل البروجسترون تفو عليهم أطباء

يتبع