بنتي ما تشرب الحليب ايش أسوي

[مرتقى]

السلام عليكم أمهات أحس أني محبطه

بنتي لساتها ما كملت خمس شهور باقي كم يوم و تصير عروسه الله يصلحها يارب

كانت تشرب الرضاعة زي الحلاوة أسم الله عليها و مريحتني كثير بترضع صناعي طبعاً و من حماسي الزايد دخلت لها الأكل في نهاية الرابع شوي شوي و الحمدلله تاكل و فرحت كثير لكن يا فرحة ما تمت \
الحليب صارت ما تشرب مثل قبل أبد إلا بعد مجاهدة معها

تخلي الحلمة في فمها من غير مص تلعب فيها و الحليب بيتسرب يمين و يسار فمها
طفشتني الله يصلحها أيش الحل ؟

وقفت الأكل قلت عشان تستفيد بالحليب و نفس الخكاية لا تقولوا عظيم ما أدري أيش لأنها تشرب منقوع التمر و عصير كمان فيعني الحمدلله تقدر تشرب لكن الحليب حرب أنا و ياها و بالنهاية تصيح و انا أعصب

إذا نامت بتشرب الحمدلله لكن و هي صاحيه لا أهم شي تنام و الحليب أخر شي تفكر فيه
أيش أسوي ؟

تتوقعوا من التسنين ؟
و كيف تدخلوا الحليب بين الوجبات هل قبله أو بعده و كم الوقت بين الوجبه و الحليب ؟


أسعفوني بتوجيهاتكم أمهات فبديت افقد السيطرة على الوضع