ابي حل جان ضغط. وخايفه من السكر

[بحه شوق]

السلام عليكم.

ابي حل يابنات مشكلتي مع زوجي مايفضفض لي ابد. اذا زعل. طلع من الغرفه.النوم ولا يكلمن تعبت معه. وكل ماسوي شي مايعجبه قال وش العادات والتقاليد انتي واهلك فاشلين. وانا لو اتكلم اي شي عن اهله. يويلك اهلي كاملين تعبت وانا اصيح عنده يقول انتي بزر. كل شوي تصيحين انا مليت منك. صرت ماصيح عنده ادخل الحمام الصيح ولااذا رحت عند امي اصيح. وامي تقول اصبر عليه تحملي ربك حسيبه. ماوري كل مادخل على امي اصيح امي عسى الي به يكفيه. زياده على هذا به سكر وضغط. وماتتحمل التعب. والتفكير.

ابي زوجي يتكلم معي يطلع معي مثلي مثل العالم لكن مستحيل. يقول ماحب اطلع من البيت.
لو يكلمون خواته ويقلون تتطلع للبر او منتزه قال يالله جيت لمكم اقول له ابروح معك. يقول لا. اذا تتروحين روحي بس اجلسي الحالك. بالبر. الا مااخلص طلعتي مع خواتي وامر بك.

تعبت غير كذا. اثاث الشقه. كله مستعمل. الاثاث الي مايبونه اهله حطينه له يوم اتزوجه. الصحون وملعق. وثلجه والفرن والكنب. وغرفة النوم. اقل سعر ماتجي والا الفين من محل هنود. العام غرف النوم هي اهم شي ب 8 الف. وزوجته هي تختار كل شي بالبيت. وانا مسكته. واصبر. تعبت وانا واصبر. مليت. هو واهله مستواهم المادي زين واحسن من حالي وحال اهلي.


تعبت. امرضت. وانا اصبر. وكل هذا افضفض امي وامي تصبرا زياده. كل يوم بالليل اصيح. وروح مجلس البيت وصلي ودعي ربي يصخرهلي ولا يشوف غيري ياكريم وانا كل صبري مابي يناضر لغيري ولا يفكر بزواج

جبت له طفل عمره شهرالان بس مانظر لي لا انا ولا هو. ولا فكر ولايزورن بالنفاس. وانا باقي كم يوم وارجع لبيتي

يقول اعتمدي على نفسك انا موب فاضي. اربيك انتي ولدك.
جان الضغط. وخايفه يجين سكر. مليت منه.


وش الحل معه تكفون ساعدون وريحو بالي. ماعطيه وجه. مايطوعن قلبي يزعل. انا من النوع الي على طول ارضاء

ابي انا اخليه يحسب وجودي. يعطين وجه. اناوالطفل. مابيي. اكل وشرب. ويجيب لي اغراض البيت. ابي يهتم بي يحس بوجودي. يفقدن. حولت اقسي قلبي عليه بس تعبت.

والله اكتب ودموعي على خدي. و البيبي يصيح بس ابي افضفض. ابي مساعدتكم. بعد الله.