ساعدوني في علاج بنتي

[ام بشرى]

السلام عليكم ..
انا طالبة في الجامعة وعندي بنت عمرها 9 شهور وماكان عندي احد اخلي بنتي عنده الا امي الله يجزاها الجنة ياااارب المهم طول الاسبوع عند امي و عندي بس يومين كان الوضع طبيعي ومرتاحة انا مرره للفكره بس بعدين لاحظت بنتي مايزيد وزنها ومناعتها مررره ضعيفة معها ربو وبلغم كثير ومع الوقت صاير فيها حول خفيف هو موجود من الولادة بس صار واضح مرره اللحين وديته مستشفى المغربي للعيون وقالت الدكتورة السبب هو الضعف العام اللي في جسمها صار فيه ضعف في الاعصاب ولما جاتها نزلة معوية وديتها لدكتور قال بنتكم مرره ضعيفة وطلب مننا نصلح لها رنين مغناطيسي للاعصاب في جسمها يقول يبغى يتاكد من حاجه وان شاء الله الاحد ذا نصلحه ونشوف النتيجة * فقال له زوجي انها تنتقل بين بيتين قال الدكتور هذا اكبر خطا لانها اللحين مي حاسه بامها ومي حاسه ان عندها بيت معين او فراش معين لما تنام عليه ترتاح وتقول هذا بيتي وانا في حضن امي صراحة حزنت كثير لما سمعت هذا الكلام وطلب مننا الدكتور اول علاج لها الاستقرار في مكان واحد والحمد لله كلمت جارتي تمسكها لي و وافقت خليت جدولي 3 ايام بس سبت واحد واثنين * المهم مالكم بالطويلة بديت انفذ او علاج لها العلاج الثاني الغذاء الصحي طبعا بنتي وزنها 5 ونص وهي تسعة شهور ماتجلس لحالها عندها ليونة في جسمها حتى لما احطها على بطنها تبكي وتصرخ ماتحب تنام على بطنها المطلوب منكم انكم تساعدوني في وجبات صحية مع وضع جدول لاني بديت عشوائي حسيت انه مومفيد كذا لازم احط جدول ودي انها تجلس وتحبي وكذا..
كيف ابدا اجلسها؟ وكيف اعودها تنسدح على بطنها ؟ عطوني حلولكم لا عدمتكم